الصاحب اللي بكيته دمع=وراح عني وخلاني
يجوز اشمع عليهم شمع=ولا اعيد النظر ثاني

صاحب طلع لك ما بين الجمع=إدراه لا تنطر الثاني
خليه تحت النظر والسمع=لا بد يرجح بالاوزاني

الود طبعه يفرّق جمع= وياكم من اهل الهوى يعاني
مطلوب لجل العيون السّمْع= وطاعه ولا تصير عجلاني

نجمه لمع في سمانا لمع=من بعدها سار يعصاني
طمعان ياصاحبي واطمع=في حبهم كيف ينساني

غير الصبر دوم ما ينفع= معْ ولفك القاسيَ الجاني
إعطيه فرصه ترى يقنع= ويرجع لك فيوم ندماني