( عشانك طيّب وصادق عطيتك صادق المنطوق )
 

خالد بن عبيد بن معتوق الأحمدي

ضميري صادق وصافي يعيش بطيبته مصدوق
ولو دوّرت ماتلقى مثيله وقتك الحالي
ليامنّي نزلت السّوق اعرف اللي بوسط السّوق
وانا رجّال عندي عرف ماابخس قيمة الغالي

عيسى بن رجعان الرّشودي

عشانك طيّب وصادق عطيتك صادق المنطوق
جوابٍ ماتغيّر صيغته في كُلّ الاحوالي
اعرفك من هوامير التّجار وراس مالك فوق
تجارة كنز عرف وشعر ماهو فلس وريالي

خالد بن عبيد بن معتوق الأحمدي


مازاد الطّيب عنّك طيبك وشاكرلك رُقيّ الذّوق
عشمنا فيك ماتغيّر ولا اقلّك يورّالي
وراسي فوق ماوطّيه سلميّه وقضب حلوق
علامك عفت سوق الخير مانته فيه طوّالي

عيسى بن رجعان الرّشودي

على شوف الرّبيع وفايح أزهاره وشوف النّوق
وخوة مثلك وشرواك تِشرى بغالي المالي
يغرّك في صناديق البضاعةسكبة الصّندوق
رديه روّجوها بالدّاعيه مالها والي

خالد بن عبيد بن معتوق الأحمدي

ترى خوّتك ماتنعاف تشرح خاطر المحموق
لكنّ اسمع كلام اللي بقول الحقّ مايبالي
دخلنا مطعم المندي لقينا رُزّهم محروق
وعفت الزّاد ماذقته وياوجدي على حالي

عيسى بن رجعان الرّشودي

تدوّر كبسة المندي تدوّر طابخ المرقوق
تغيّر طبخه الأول بعد طبّاخه التالي

عشاه اطباق ترتلا وله عاشق وله معشوق
تعوّش سِدّ جوعك بالزّمن ياطيّب الفالي

محاورة جميله
تمنيتها تطول اكثر
صحت الالسن ملاييين
والف شكر للناقل
احترامي للجميع

خالد / عيسى
صحت الالسن وبيض الله وجيهكم