العين تبكي شقى حالي=والقلب يحزن على فرقاه
مدري ندم لا يوارالي=هذا مقدر بحكم الله

العين تبكي على الغالي=ضرغام نار الفراق ابكاه
شهر العباده على ارحالي=البارحه اذكر نبا مرساه

المشاركة الأصلية كتبت بواسطة راعي الحناكيه (المشاركة 221350) العين تبكي شقى حالي=والقلب يحزن على فرقاه مدري ندم لا يوارالي=هذا مقدر بحكم الله

مايلام من قال يالالي=وكلٍ يغني على ليلاه
خل الأمل داخلك عالي=يمكن يعود على مرباه

الوقت ياربعنا مالي=ماهو على وقتنا نبغاه
بالامس ميلت اعقالي=واليوم خاب الامل فرضاه

عادته الوقت ميالي=اصبروالايام تتولاه
السعى فخفاف وثقالي=حتى المعنّا يجيه مناه

ياليته الوقت يجزالي=واسعد بقربه بعد والقاه
ويلتم شملي مع اعيالي=وتصير دنياي مع دنياه

ابذلّه الحال والمالي=مادامت انته كذا تهواه
وارفع يدينك إلى العالي=كل المخاليق تترجاه