طب و علاج
الله على الي دقته طب وعلاج =راع الولع فيها يحصل علاجه وســــــــــــلامتــــــــــــــكم لدق سلفه خص لا صار نهاج= يروق باله ويتعدل مزاجه بديه تحت ضي القمر يلعج لعاج=تقول من دونه تكون زجاجه اغمق من الدره تحت غب الامواج =وافتح من الي رشها له لجاجه تمثاله اعده على مقدمه تاج=عندي وفي عيني يوصف بحاجه مثل الشعار الي يوزع للافواج=يحطه الجندي على الراس تاجه ديكوره ملمع ومصنوع من عاج=ضي الازره كمله بالتعاجه والمرتبه ماقول حيكت بديباج=مجلاس ابومتعب نهار المواجه من صالة الجفال دوبه لنا راج =ماجيب عند السمسري في حراجه ماركبه الي فاول الوقت حواج =ولاساقه الي في يديه ارتجاجه اليا مشى والدرب له سيد منعاج=مزبان ذيبن حيلته في خراجه اهله يسوقونه ولا هاج وان هاج =ماهمهم بالدرب طول ازدواجه خطرن على دربه يركب له ابراج=رادارهم معه يتلخبط نهاجه بالعاصمه سهاج نهاج دواج=قدم الفلل له موقفه في قراجه هناك يوجد مابها هرج هراج=مامر بالعقله ومر العجاجه ننصابه الي للمواجيب هداج=يومن غيره حيلته في هماجه احدن طلع لطيب ركاب ميراج= واحدن وصل له مير طيبه سماجه اليا سمعته قلت واليت الافراج=ومن دون مطلوبك يهاب العجاجه الله يوفقني ليا صرت محتاج=وازبن على الي لي يزود ابتهاجه اما ولد عمن لي ذراع وسياج=وقت اللزز والضيق ياضي سراجه ولا رفيقن كل ماقلت محتاج=يفزع وتقرا فزعته في حجاجه الشــــــــاعر : إبراهيم محمد السليـــــــــمي |
وعذرونا على الغياااب
|
صح لسانك وسلمت يالغالي
|
صح لسانك
بيض الله وجهك.., ولاهنت |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك
شاعر جزل لك تقديري |
تبي اصحيح
قبل اقو ل اي كلمه والله انك شاعر وياقرب انك شاب صح السانك بدون مجامله |
كل الشكر للاخوان ع الردود الثريه
وبنسبه للاخ حمد اي نعم شاب و عمري 21 سنه وشهادتك وسام ع صدري اكرر الشكر للجميع |
|
صح لسانك بيض الله وجهك.., ولاهنت |
الساعة الآن 11:56 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir