البعد ياعيسى فالاعراف محسوب=اما زعل ولاّ يصنّف تغلّي
ولاّ المشاغل لو تكاثر كما النّوب=ماتقطع اللي له عوايد يهلّي
البعض لو تنحيه عن ربعه دروب=يحسب قريب وباتّصاله يسلّي
والبعض يبعد والغلا عنه محجوب =لو كان قربه منك عشرين ملّي
وانا عرفتك ذوق راقي وحبّوب=ليّن جناب ولادخلك التّعلّي
والمعرفه معكم مهي ملح ويذوب=مثل الجبال الرّاسيه ماتزلّي
ومبغاك تقطع وصلنا راجع وتوب=عيد الوصل خلّ المشاغل تولّي
ولولا الغلا من صاحبٍ منك محبوب=يااللي خذيت من المكارم تحلّي
ماكان تحسب غيبتك فيك عذروب=عطني سبايبها وبالقاف قلّي
توضيح يشفع لك ليا صرت مطلوب=حقٍ تحقّه بالدّلايل مدلّي
جاوب كلام اللي من الله موهوب= حكمه ومثلك منّها مايملّي
ومبغاك تزعل من صحيبٍ لك ينوب =لو كان بالنّشده شفوقٍ وحلّي
الشّاعر / خالد بن عبيد بن معتوق ألأحمدي=

ابيات حربي خطها بمنتدى حروب= يقول هم ربعي وهذ محلي

اهل الوفا وانا لهم دوم مندوب=بالطيب اشّرف باللقاء عزوة الي

جاني على الموقع مع الصبح مكتوب=من نجم شعر(ن) بالآفاق متعلي

خالد ليا عدوا هل الشعر محسوب= للعالية يقفز سوات المظلي

غاص البحور وخط له بالوطى دروب=مع كل فج (ن) مايكل ويملي

انشد وياتيله عن العلم مندوب=الكوكبه تحفظ لخالد سجلي

صديق وصل وشاعرن راقي اسلوب=وافي وعن نهج الوفا مايزلي


واللي حداني عنك ياقاضي النوب=وعن منتدى فيه الجماعه تهلي

ومجلس شعر مابين قلطه ومسحوب=ومنبر علوم بنورها نستدلي

ضروف تجبرني على غيبيتي نوب=والعذر لو تكرار عذري مملي
عيسى الرشودي العوفي=

المشاركة الأصلية كتبت بواسطة ناصر بن مصلح الاحمدي (المشاركة 1398113) الشاعر القدير عيسى العوفي صح لسانك وكلك على ردك الوافي والشافي جزل ومافيك حيله يابن العم وصح لسان الشاعر القدير خالدعبيد الاحمدي على بدعه الاكثر من رائع سلمتم ودمتم ايها الافاضل