قصيدة تعبر عن نفسها بنفسها
السلام عليكم ورحمة الله وبركاته
كما في العنوان أبيات القصيدة توضح الغرض منها الله من دنيا تقلب على صـــــروف بالخــير وألّا الشـــر مـــره ومــــره تجري بأهلها للمقاديــر وتطـــوف تقفي وتقبـــل بالضـــرر والمســره تفك الأسـير وتاسـر الحـر بكتـوف وعليل يبــرى والمعــافى تضـــــره الأمن فيها يشتكي سطوة الخوف كـره تجـي من بعدها تـروح كــره وجميع ما فيها بالأضداد محفوف ترفـع وتخفـض للثـرى والمجــرة ومن بعد هذا كله المــوت وحتوف ثم القبــر مع ضيق لحــده وحــره ثم الحشر والرعب والعالم صفوف يارب أمانك مــن همـومـه وشـــره بعده حساب يزلزل القلب بالجوف يا خيبة اللي طـول أمـانيـه غــره ثم الصحف والشاهد رجول وكفوف وميـــزان يـرجـــح لو بمثقـال ذره ثم الصراط اللي بالأثار موصـوف ياويل مــن خطـــاف للنــار جـــره والله لو يكشف لنا الغيب ونشوف ماقلـب يبقـى ثابــت في مقــره من بعده الجنة جزا كل معـروف دار جعلــهـا اللــه للعـيــن قـــره ياما لها في الناس نزال وضيوف اللـــي طلبـــهـا بـخيـــــر لله دره البيرق |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
الله يعافيك ، ووجهك أبيض |
صح السانك وسلم فكرك وبنانك
|
اقتباس:
تحياتي |
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 06:37 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir