للحين قلبي ينتظر رجعة الزين=للحين قلبي ينتظر من يشوفه
لا به رسايل لا به اليوم حرفين=لا به حبيبي كلمةٍ في حروفه
لا ياخفوق الشوق ... لا تدمع العين=لا ياخفوق الروح ... هاذي طيوفه
خلّ المشاعر تلتقي كيف من وين=خلها تعيش الجو لمسة كفوفه
ماهي حسافه دمعة الشوق حولين=ماهي حسافة دمعتي في وصوفه
قلبي وقلب الزين ما عاد قلبين=قلبي سوات الروح داخل كتوفه
كنّه معي في هاجس القلب نبضين=كنّي اعيش اليوم باجمل عزوفه
من صوت قلبي اسمع الصوت صوتين=من صوت ينادي خافقي ما يعوفه
والليل يصرخ مُنية الروح تكفين=الليل شاقي والمشاعر تحوفه
يقول منهو نازف الجرح مسكين=يقول راح العمر لا ياحسوفه
صحيح قلبي صابر الوقت عامين=صحيح خايف من طعاين سيوفه
ما زادني لوعة غيابه بجرحين=ما زادني إلا ضمايا لجوفه
ياليت يرجع كامل الزين فالحين=ياليت يرجع لوهي عوجه ظروفه
والله عمري لو يوازيه بالفين=لعيش باقي العمر رجوى لشوفه

المشاركة الأصلية كتبت بواسطة بخيتان البشري (المشاركة 543555) ياسلالالالام 0000 يافهد صح اللسانك ورفع الله قدرك وشانك

المشاركة الأصلية كتبت بواسطة الحب الباقي (المشاركة 543698) صح لسانك مليون على القصيده والله يـعـطـيـك الـعـافيـــــــــــة بيض الله وجهك