|
ديوان الشاعر زيد مبشر الحصني رحمه الله
السلام عليكم ورحمة الله وبركاته
أيها القارىء الكريم إليك هذه القصيدة التي قلتها في حفل تكريم الشاعر (( راشد السحيمي )) في الحفل المقام له في منطقة القصيم ..... أقول فيها :
أقــــول و أقــابــل بـصـحــة كــلامــي=عـنـدي ثـقــه بالـنـفـس و الـشــك زايـــل وســـــــــــلامتكمو الله مـــا أجـامــل بـعـكــس الـنـظـامـي=و مـجـامـل الـضـايـع يـضـيــع الـقـوايــل يــوم أنشـدونـي قـلـت عــن أبـــو رامـــي=شـاعــر قبـيـلـة حـــرب بـيــن القـبـايـل راشــد و لـــو كـثــر الـعــدد و الأسـامــي=فــي سـاحـة القلـطـة مــن أهــل الأوايـــل عـــان السحـيـمـي مــركــزه بالـسـنـامـي=حـربـي يـمـثـل حـــرب و الـــرأس طـايــل مـركــز دفـــاع و لا هــجــم مـايـلامــي=لــه عـيـلـةٍ يـــدَب بـهــا كـــل عـايــل شـاعـر عــن الـهــزلات مـعـنـاه سـامــي=و قـــولٍ بـــلا مـعـقـول مـالــه عـقـايـل و الـلــي يـبــا مـثـلـه يـشــد الـحـزامـي=و يـبـيـن فالـمـيـدان جــــري الاصــايــل و مـــن لايــوصــل سـمًـهــا للـعـظـامـي=لايـعـتـزي لاصــــار مــامــن صـمـايــل الـســم يــمــزج بـالـعـسـل لـلـحـرامـي=مــحــدٍ مــــدوًر بالـخـصـيـم الـجـمـايـل و الـلـي يجـيـب مـــن الخـصـيـم الأثـامــي=مشتـالـهـا مـــا أعـطــاه عـنـهـا بـدايــل مايحتـمـي لــو مـاقــف الـخـصـم حـامــي=أقــول لـيـت أمــه مـــن الـعـقـم حـايــل هـــداج يـامـبـرهـج كــبــود الـظـوامــي=راشــــد لانــشــت عــيــون الـثـمـايـل مـثــل السـفـيـر لـحــرب و إلا الـمـحـامـي=مـــع جـــرة الـفـرسـان خـيــر الـدلايــل يـاحــارس الـمـرمـى بـعـيــد الـمـرامــي=مــــا للـثـقـايـل غــيــر راع الـثـقـايـل و ماقل دل و رغبتي و أنسجامي=تفوق الحربي بكل الوسايل الشاعر/ زيد بن مبشر الحصني الحربي |
كلمـت بالجـوال مالـي لزومـي =غير السلام ونشـدةٍ عـن حوالـه رفيـق وابغـى مستجـد العلومـي =والا حلالي ما اختلـط مـع حلالـه وصك الجهاز وقال ياعيـن نومـي =ما أخذ من النشـاد مبـدا سؤالـه يابو فهـد ياعـل عمـرك يدومـي =خابرك جـزل ونظرتـك بالجلالـه ما أنته من اللي يجهلون السلومـي =يازيـد يـاراع الوفـا والجـزالـه للسين جيـم وللسوالـف حجومـي =واعرف من العنوان معنى الرسالـه ارسالـةٍ فيهـا عتـاب وهجومـي =عتـاب رفقـه مانعاتـب رزالــه ما ارسلتها لك يا ابيض الوجه لومي =اللوم عنـدك مـا يقـرب مجالـه وبحرك ما ينعام بـه لـو نعومـي =مـا كـل سبـاحٍ يعومـه لحالـه وأن صار فيها يالسنافي خصومـي =دايم عن الهـزلات فيـك انعزالـه دايـم لجـزلات المواكـر تهومـي =تشفق وتاصل لـو تصعـب منالـه هـذا وتسلـم ياعشيـر القرومـي =اللي يقال ونعم اليـا جـاء مجالـه
فطرتني ياونيس من عقب صومـي =مـا كنـك الا العيـد ليلـة هلالـه كنك مقـدم لـي فقـار الردومـي =وسميـت باسـم الله جـلا جلالـه ان جيت هاذي ضيف والا معزومـي =الشك مـن يمـي مسكـر مجالـه اقوم واقـف مـا توانـت عزومـي =وبعض اللهب ودي يزيـد اشتعالـه للـي مثـل ذيـه تـراي مهيومـي =اكشف مدى خصمي وقـو احتمالـه ياشاعرٍ عن كل هـزل محشومـي =صدّر عقب ركب الرشـا بالمحالـه ان كان اخو مره حصانه عزومـي =انا حصانـي نـوب تومـي حبالـه ليته درى باحـداث ليلـي ويومـي =قـدام يعلـن مـا تصـوّر ببـالـه نادى لخو مـرة وقـال مخدومـي =وفرح به اللي كل ما أوحـاه قالـه وانا من النـوم اللذيـذ محرومـي =في ليلة ٍ فالي عسى ماهـو فالـه من سم شقرى ٍ في عروقي يعومي =ما ينحسد مثلـي ويؤسـف لحالـه وأنته شهر كامل تبيـع وتسومـي =في صاحبك ما سلت عن ما جرى له ماهي أعذار مخرميـن الخشومـي =اللي تبـي مخـراج لـو بالوكالـة وحقك مثل عـواد يزهـم ويومـي =لـو اجحـده والا أتجاهـل نـذالـه حقك وجـب والله غفـورٍ رحومـي =بارك جملك وفـي يدينـك عقالـه احكم ولا تحكـم علـي الرخومـي =مانـي مـدور بالرخـوم الجمالـه واليا انتهى حكمك تـراك محكومـي =ياخو ونس ونقـول تحـى العدالـه |
السلام عليكم ورحمة الله وبركاته أيها المتصفح الكريم يسرني ويسعدني ويطيب لي أن أقدّم لك إحدى قصائدي والتي شاركت بها في مهرجان : (( مزاين قبيلة حرب )) .. أقول فيها :
بســـــــم رب الكون لعبـــــاده رحوم=مُوْعـْــدَ أهـــل الشرك بأشـدّ العقاب وســـــــــــــــــــــــــــلامتكم أبتــــدي بأسمـــاه قبل أفطر وأصوم=للكــــــلام صيـــــام وإفطـاره بآداب مجتهـد وأقــــول : ماني بمعصــــوم=وماقفي مع حرب بالواجـب إعجاب مرحـبا ً مـــــا هـــــل همـــّـال الغيوم=في محافـــــل حرب رَحـْبين الجناب ومرحبا ًً في كــــل حاكـــــم ومحكوم=ومرحبا في كــــل مدعو وإستجاب ومرحبا في كـــــل زايــــــر ومعزوم=ومرحبا في حـــرب شيبان وشباب ومرحبا والعلــــــــم قافيتــــــه علوم=ومرحبا والبيـــــــت ماله غير باب مدخـــل ومطـــــلاع وإبليس مهزوم=ما تهــــــز الباب صلفـــات المهاب يالــــــدفاع إن شيف فرصه للهجـوم=والله إن القـــــوم منا مـــــــا تهاب وإن سمعنا علـــــوم مردين العــزوم=الردي ما جــــــــــاب غير الإكتئاب لـــو يبيــــع بســـــــوقنا وإلا يســوم=للحرار تبـــــــــوع ماهي بالحساب السخي ماهاب من دفــــــع الرســوم=والبخيل إن هـــــــاب جعلـه للتراب إن حسبنا إحسـاب معطى ومحـــروم=الســــؤال أحيان هو نفـس الجواب كلمــــة الجمهــــور وأهل البل عموم=طيــّـب الله فال من شـــارك وطاب والجدي معـــروف من بيـن النجــوم=في سمــاء إبن دليم مـا دونه ضباب ياعســـــــاك بخيــــــر وبعــــز ٍ يدوم=ياسـِــــديد الـرأي للعلــــــم الصواب ما أستمع من قـال : مالـك به لــزوم=إستــــــشــار وشـــار عبدالله وأناب عـن قبيلـــــة حــــرب والنافــر يروم=والهدف مرفــوع من فـوق السحاب ما يحــط الــرّوس في وســط الكموم=للضــّروس ضروس والنـّيبــان ناب والقبيلــــــه حــــرب مــا فيهم قسوم=في مــزاين حـــرب حِضــّـار وغياب وإسمـــنا مسمــّــاه تحطيـــــم الرّقوم=وفــــوزنا مضمــــون في كل إكتتاب ما نزلنا نجـــــــــد في حــب الخشوم=نازلين ٍ نجــــد يـــــــوم الإغــتصاب ويوم ســـــاد السـِّـلـْم والبطش معدوم=عهــــــدنا مـــاثوق ضـــــد الإنقلاب في ذرى آل سعـــود كفــّوْنا الهمـــوم=حـيــّهـــــم للعـــــــز والميــّـت يثـاب ورْثــَة المــرحوم لطــّام الخصـــــــوم=حاكميـــنْ بمنــْـزَلَ الله بــالكــــــتاب والــــولاء لله يامـــــــــدوّر ثــلـــــوم=كلنا كالســّــــيف والمقضــب نصاب وكلنا آل سعـــــود في وقت اللــــزوم=لــِــعنبو من صــَــد بالواجـب وهاب الوطــــن بأمان ويــــن تريــــد نــُـوْم=ما علا الجمــّـال من نبـــــح الكلاب والثنـــــاء والحمــــــــــد لله كــل يوم=والهـــدف تشجيـــــع مـلاّك الرّكاب لـْوسيمـة حــــــــرب من بين الوسوم=ومضربين التـّاج في وقت الضراب وجولـــــــة كحيلان والطـــايح يقـــوم=جــــــابه عِـليان بأغلى مـــــا يجاب ومرحبا والكـــل مـُكــْــــرَمْ ومحشــوم=والخطــــر ممنـــــوع منـه الإقتراب والســـــــلام ختــــام والشرهــات كوم=ودّنا بالـــــزّود مـــــار القــاف شاب الشـــــــــــــــــــــــــــاعر : زيـــد بن مبشــّـر الحصــني الحربــــي |
قصيدة موجهه الى زيد الحصني قصيده لشاعرالقلطه المعروف/ توفيق عبدالكريم الزبالي الحربي موجهه لشيخ / زيد الحصني . يود شاعرنا أن تصله عبر ملتقى حرب
يازيد ما بينـي وبينـك صداقـه"="ولا معرفه يا زيد بينـك وبينـي يا زيد تربطنا وجـوب الرفاقـه"="وطقيت باب المعرفـه باليمينـي عرفت رجال الطيب تعشق عشاقه"="الي كماكم فالقسـى مـا يلينـي الطيب ما خذته من اهله سراقـه"="الطيب ياهل الطيب ساسه متينـي صيتك على درب المعالي سياقـه"="وللمعرفه والجـود بيـن يبينـي يا درع حرب ان جات عازه وفاقه"="للحرب سيف وللمقاصد لسينـي يا مرجعت فقد الصواب الحقاقـه"="عز الرفيق ولطمـت الطامعينـي ورث الجـدود اموثقينـه وثاقـه"="نهج الرجال اهل الوفا الغانمينـي لو الزمن ياقف على عضم ساقه"="اهـل الاوايـل عندهـا ثابتينـي لاوالذي انزل على احمـد براقـه"="ما غيركم لي بعد ربـي عوينـي اليوم كن الوقـت فيـه انطراقـه"="وقتٍ معيي فيـه حظـي يزينتـي من بعد ما جانا الوفق والوفاقـه"="واصبحت متوكـد بعلـمٍ يقينـي صفو علـي امدبريـن العلاقـه"="الي لهم يـا زيـد بطـنً بدينـي افزع لنـا يازيـد قبـل الحماقـه"="لا حط فيهـم مكتفـات اليدينـي ما عاد تاخذنـي عليهـم شفاقـه"="والي مقدر لي مـن الله يجينـي الي يبـي فرقـاي ودي فراقـه"="وقدر المعزز فوق راسي وعينـي يا زيد لو انسوق مليـون ناقـه"="اخير لي من هرجـة الشامتينـي من خوف لايلحق عليهـا لحاقـه"="والحي يمسـي بعـدة الميتينـي انته تعرف العلـم رمـز ولباقـه"="حب الرحى لدار يصبح طحينـي بعد وصول قصيدة الشاعر / توفيق الزبالي للشاعر / زيد الحصني وصلني هذا الرد من الشاعر زيد مبشر الحصني الذي طلب مني نشرها في هذا الموقع ويتمنى أنه قام بالواجب مع الشاعر/ توفيق الزبالي ويعتذر عن أي ملاحظه غير مقصوده
يامرحبا بمن طق باب الصداقه=صداقةٍ تصدق مع الصادقيني ماهي صداقة مصلحه وانزلاقه=والي ماهو صادق معي لا يجيني حييت يامهدي من الشعر باقه=وانا أفتخر واعتز بمشجعيني وصفتني درعٍ صعيب اختراقه=وانته يابن عمي عرينك عريني البيت هيبة حرمته من رواقه=عنه الحمايا تردع المعتديني سور القبيله من بغى الموت واقه=ومن يمنا ما تفطر الصايميني والشاعر الي حربته في عماقه=ياعلنا من سيرته سالميني وتسلم ولاانته يالزبالي لحاقه=خيرة خلف من خيرة السالفيني وان كان لك حظٍ سلوكه دقاقه=بالحل ياتوفيق لا تحتريني والله ما قدر يابن عمي عتاقه=مكتوب لك يوم انت ماءٍ مهيني ابنك وحظك لاتضيَق خناقه=واصبر وعون الله مع الصابريني لابد من يومٍ يشعشع شراقه=يجلى ظلام الليل والظالميني واهل العلاقه معلنين اتفاقه=وحظارهم كفوَ عن الغايبيني ماكنت اعرف انك تجيد السواقه= وانت اعترافك سيَد العارفيني لاوالذي خلقه تكفَل ارزاقه=ماحدٍ يقول انك من المبعديني وصفٍ مهو صفي ماحسب انشقاقه=يامعتزيبي جيت والله يعيني لا للحماقه خل عندك لياقه=حل الحماقه من بليس اللعيني وليا بليت بعيَ احمق وعاقه=على الخطا دايم يشيل الهجيني لاحط راسه تحت موس الحلاقه=اضرب على راسه صليب المزيني احدٍ سلوبه هي سبايب حراقه=وليا نصحته قال وينك وويني بعض البشر كنَه شريحة بطاقه=يحسبك من ضعفه عدوٍ بطيني يفداك ياتوفيق خطو اللزاقه=لاتشيل هم الدين لاجل الدويني مليون ناقه مايجن باصطفاقه=فنس الخشوم مهجرعات الحنيني وليا بغينا من لبنهن ذواقه=ما خليت الدنيا من الطيبيني وليا فتحنا للهوى الصلف طاقه=غيابنا شرهم على الحاظريني مافات مات وحط فوقه طباقه=وحقك من الجزله فقار السميني حقك عليَ وحط فوقه وساقه=ماهو بحاجة شاهدين وظميني |
اللي يقول أنه له على زيد مشـروه =اليا وردت الشرهه يجـي ويتشـره ما هو كلام يقـال بغيابـه اوحـوه =واليا حضر مـا صـار مثقـال ذره ان كان شفتوا في مـا فـي سمـوه =وأنا اعتبرها مـن أصدقايـه مبـره وأن كان غنيتوا على مـا سمعتـوه =الهرج خلى أريـاق الاحـرار مـره كم واحـدٍ بعتـوه غيـب وشريتـوه =لا شوف عيـن ولا تقصـون جـره تراى الكلام بغيبـة الرجـل مكـروه =خـص الكـلام اللـي بليـا مسـره لا قايـلٍ هاتـوا ولا أقــول ودوه =من فضلكـم خلـوه خيـره وشـره ولو كل من قلتوا هرج قلت هاتـوه =أصبحـت مـا بجيبـي أزرارٍ يـزره وبعض المجالس بس فضوه وأملـوه =بحرٍ بـه الغـواص مـا جـاب دره كم مجلسٍ اليا جيت واليـاه مملـوه =وإذاعته بأعـراض الاغيـاب حـره تلقى الاخو معهم ينافق على أخـوه =والله ما أغتاب أخوي لا ذقـت حـره هذا الكلام أخـذوه والباقـي أنسـوه =ما أرضى على نفسي أسلوب المضره وراع النفاق اليـا عرفتـوه هبـووه =أن مـر والا تاصلـه فـي مـقـره واجب على من عاينه قـال عانـوه =من شأن ما يغتر بـه مـن يغـره |
نبـا نسيـر يــم راع الجمـالـه=من روس ربعٍ للجمايـل مداهيـش عجـاب روقـي والسوالـم خوالـه=ربعي خوالـه والعمـام الحناتيـش من معجـزة عجـاب فعلـه بخالـه=يوم الامل فلّت بيد غـازي الريـش نصاه والحمـل الثقيـل ارتكـى لـه= وقال ان عجزت اشيلها عنك ماعيش خلص عن المديون من حـر مالـه=مـدة غبينـي مالحقهـا مطاريـش والله لاثنـي كـل ماجـاء مجـالـه=لو يزعلون اهل الخشوم المطانيـش ما قولها ابغـى كـاش والا كفالـه=عليَّه ابغض من نقـاش المناقيـش مابه جميـل بـدون جهـد وعبالـه=ومكارم الاخلاق تنفى هـل الطيـش وعد الثنى يستاهله من سعـى لـه=بقول وفعل مايهمّش المدح تهميـش عجـاب واخوانـه رجـال الجزالـه=عندي دليل ان صار بالمدح تفتيـش ذباحـة الحايـل لمـن طـاب فالـه= ولطامة العايـل بمـاص النواتيـش وإلا الردي بالمجتمـع شبـه عالـه= يحسب حسابه من حساب الدراويـش مايجتمع بالشخـص طيـب ونذالـه= والظبي راسه مالقوا بـه عراميـش واللي صديقـه فـي حياتـه ريالـه= كلمة هلا ويامرحبا به علـى ويـش ضعـاف العقـول يلبسونـه نعالـه =وسموه باسم حصان لو انه كديـش المـال مـاعـزز ردي الاصـالـه=والقـل مانقـص مقـام المداغيـش عسى السحاب اللي صـدوق خيالـه= تبكـي عقابـه والقدايـم مراهيـش يامـر مكاييلـه عظيـم الجـلالـه =من العصر لين يبين نور المغابيـش عشـر ليالـي والمطـر ذي حالـه=بمرتع مجاهيم وبرهـن عكاريـش يندب لهـن عجـاب مكـرم دلالـه =بالهيل مع بـن اليمـن للمعاطيـش ورثة جدوده من عصـور الجهالـه =يوم الرمح والسيف والخيل والجيـش واليوم نمشـي تحـت ظـل العدالـه=اشمل شمال طريف واجنب وراء بيش وبالمحوري عقب الرشـا والمحالـه =صارت مظامي نجد هي مصدر العيش ومـاقـل دل ولانـحـب الاطـالـه=تمت وصلى الله على صفوة قريـش الهادي الصـادق بصـدق الرسالـه= وحيٍ من المعبود مافيـه تغشيـش |
سميت باسم مكـوِّن الكـون سبحـان =محيي العظـام ونافـخٍ بالجسـد روح هـو واهـب الهيبـة نبيـه سليمـان =وحكم النجـارة واهبـه للنبـي نـوح بسماه للمؤمن حمايـة عـن الجـان =وتوبة خطأ عبده لهـا البـاب مفتـوح وأباأجتهد وأصيب وأخطي وأنا إنسـان =وخطاً ماهو مقصود بالعـذر مدمـوح وكان القبيلة قلـب والشاعـر إلسـان =مشاعر الشعّـار بأمجادهـا شحـوح كـم شاعـرٍ فكـره بالإبـداع مليـان =وحلقه على تجريح الأمجـاد مبحـوح مادام مالفّوا علـى الجسـم الأكفـان =والله لأشيـد بمجـد الأجـداد وأبـوح ما أرضى يقال غليص وإلا إبن برمـان =وأنا أعتزي عزوة (سوالم ومسـروح) عزوة لها فـي قمـة المجـد عنـوان =حربي وترهب عزوتي كـل طحطـوح بفعلٍ مضى له قبـل الآمـان برهـان =وقولٍ بلا برهان .. ضحضاح ويـزوح مـدوّن البرهـان فـي كـل ديــوان =بفعلٍ يزيـح جـروح ويغمّـق جـروح بشلفا ورمح وخطام وسنـان وعنـان =وقول وفعل ماهي سواليـف ومـزوح سقنا العـدا سـوق المثيـرة لربـان = والحي مـا رد النقـى بثـار مذبـوح تاريخنـا حافـل بسيـات وحـسـان = منّـا ولنـا مجـدٍ ينابيـعـه تـفـوح تذن بـه الشيبـان باسمـوع شبـان =ولامات مـن فعلـه بذكـراه ممـدوح إلنـا ثلاثـة ملـك مامثلهـن كــان =نفدا الخوي والجـار بالمـال والـروح ونآسم عصا العاني علشـان مايهـان = وبسلمنـا دم النقـا فيـه مسـفـوح وإشهودهن بالصـك شمـر ومطـران=حتى نقـول العلـم مقفـي ومنطـوح وفي قـارة الأسـلاف شيِّـد لسلفـان =بيتٍ ذرى وظـلال عـن كـل لافـوح (إبن نحيت) ليا اعتزوا فيـه صدقـان = خلَّى المشوَّك في دجى الليل له ضـوح يبشر بعز من إعتزى باسـم( مزنـان) =نسـوان عدوانـه زغاريدهـا النـوح أحفاد من للمصطفى أصحاب وأعـوان =واِلهم مع الهـادي غـزوات وفتـوح (ويوم إِنَّ) نجد لقـرَّح الخيـل ميـدان = كم حد ممنـوعٍ لنـا صـار مسمـوح (شريدة الفرسـان) والسيـف فسقـان =كـم عيـن طمَّـاع كَحَلهـا بذرنـوح ليا أومى بدس الطير راحـوا شبختـان = له عزوةٍ يرهـب بهـا كـل مشفـوح ( ومحمد أبا الرووس )كم راس طمعان =بحد اللويصق عـن تراقيـه ممسـوح فعـلٍ يسمـى بـه هكااليـوم لَـلآن =ذكره مع أهـل المجـد ماهوبمسنـوح (ومجوّز العزبان ) زيـزوم الأضعـان = لولا الفعل ماجاء لـه الأسـم ممنـوح من رافق (سعيّد) رجع معـه كسبـان = ماقالوا (الذكري) رجع مثـل مايـروح ووثايق التاريـخ بإسـم (المضيـان) = لولا (ولد موسى) تعـرَّض لسامـوح ولولا الحقايـق ثابتـة لأهـل الشـان = رجع بها( فايز ) على حرب مكسـوح ماهـو تنبِّـي للحـدث مثـل كَــرَّان =جاب الخبر من يوصله عـزم وسبـوح بدلايـلٍ مادلّـهـا كــل شـرهـان = قص الأثـر للذاهبـة مبعـد الشـوح وإقتادهـا قـود المطايـا بـالأرسـان = ويالمبصر إقرأ ! ويالعمى تابعـه وأوح مدونِـه للـي للأمـجـاد ضـرمـان =بعذب الشـراب وزاد ميـدم ومملـوح وياللي تقول بمااحتوى مانـي قنعـان =إفزع ولا أقـول الخطرعنـك مطـروح أمـا يجـي مفـزاع قابـوس لعمـان =وإلامثـل فـاروق والمـوج واللـوح للطايرة ( كبتـن ) وللسفـن قبطـان = ولاجاب جوهرْة البحـر كـل سابـوح ورعيـةٍ معهـا جنبـهـا ورعـيـان =وشهودهـا بأفعالهـا شمَّـخ تـلـوح والهاملـة ماخلّصـت ديـن ديــان= ولا يقتعد راسٍ على الزيـف مسـدوح وبيتٍ بَـلا بيبـان لـو فيـه سكـان =الباب عن صلف الهواء فيه مصلـوح قلته وأنـا بتقصيـر تعبيـري مـدان= مير القريحة وقَّعَت فـي صفـا صـوح والشعـر لـه نقّـاد تعبـيـر وأوزان =وماقـل دل وزبـدة العلـم منـضـوح وإليا اعتبرتوا غلطتـي كبـوة حصـان =من عفوكم ياأهل الوفاء الصدر مشروح |
يابو فهد زبنـت بـك مـن زبنـي =بالوايلي يالسالمـي جيـت ناصيـك من طيب ظني فيك لا خـاب ظنـي =وأنته بفعل الخير تشكـر مساعيـك الطيب ما جاء لك بهـرج أو تمنـي =الا عقـب مجهـود لا تبّـن ايديـك يفـداك رجـلاً شوفتـه بالتـدنـي =ماهو جدي الـى تجديـت يجديـك اللي على دروب الوفـاء مستكنـي =إمسكـرٍ عنهـا جميـع المساليـك يمه إعزوم أهل الوفاء ما عزمنـي =وعملة مثل شرواك لهل الوفاء شيك علوم الثناء اليا مر ذكـرك عطنـي =عنك العلوم الطيبـه قبـل لا أجيـك ملكت فيهـا رجـال وأنـا املكنـي =ذكرك بفعل الطيـب تـاج لعوانيـك دروس الليالـي الماضيـه علمنـي =ذكر الفتـى ياجاهـلاً فيـه يفتيـك وفي ما سمعته منك جـزواك منـي =الله يضاعـف يالبعيّـر حسانـيـك |
بعد إطلاعي على قصيدة الشاعرة : (( النرجسية )) أجبتها بهذه القصيدة التي كتبتها رغم إنشغالي .., وقد نقلت لي القصيدة المسندة سماعا ً بالإضافة إلى أن إطلاعي عليها متأخرا ً ... وأعتذر عن أي خلل أو قصور دون قصد ... فقـــــــــلت :
ماللأصيله غير أخوها الأصيلي=ولا للعـِلاقه غير أخوه العـِلاقه الشـــاعر : النرجسيه جابت آخر موديلي=وتطرّقت طاروق ما هو سـِـراقه وأنا من اللي لي ويش يغديلي=كل الحقوق مسجــّـله بالبطاقه يامرحبا ترحيب نو ٍ ثقيلي=للبرق بعروض الخيال إنشعاقه يفرحبه اللي كل ذوده هزيلي=ما عنده اللي ما يذوق ٍ ذواقه لوالله أحلى من حلا السلسبيلي=على الكبود المرهقه عقب فاقه ما أقول غير من الكثير القليلي=ترحيبة المشفي بشوق وشفاقه يابنت ما ني للمشاكل كفيلي=آخذ جلال العلم وأترك دقاقه لوا هجادي منك وآطول ليلي=أبحث عن الجوده برفق ورواقه أحاول أقنع كل من يشتكيلي=اللي من الأجناب ومن الرفاقه واللي يدوّر حل للمستحيلي=ماله سوى حل ٍ يضيــّق خناقه عسى الثـّـقه من كل جانب حصيلي=والآدمي لولا الثـّـقه وش وثاقه عندي ثقه في عملتي وبعميلي=ما أحمـّله مشروه خارج نطاقه أرد كان الحق ماله بديلي=والكذب بظهار الحقايق زهاقه ولاني برأيي حسب عرفي بخيلي=ولا أبادل الجاهل كفوف الحلاقه عندي دليل إن الثـّقه ما يعيلي=ولابد للعاقل بوقت إنعزاقه وأهل الكلام السيء ما أخلوا سبيلي=قبلك لحقني من غثاهم لحاقه لو ضقت ما أشعل بالزناد الفتيلي=مرونتي خشنه ولاهي رقاقه يابنت ما أشفي بالنميمه غليلي=أقول وأقابل بدون إدّراقه ولا تجاملين مروّجين النقيلي=وراع النـّفاق يطق مع عظم ساقه يعني على ما قيل مثل الرجيلي=وإن قيل هذا ليه؟ قولي حقاقه يالنرجسيه لو مصابك جليلي=العود الأزرق جودته بإحتراقه وتقبـّلي تحيتي وإسمحيلي=القاف متعبني بكثر إنطراقه (( زيـــد بـن مبشـــّـر الحصــني )) |
جاني يابن ناحل وانا جيـت يمـك =واليا وصلك العلم وصل النهايـة يسوقنـي يمـك بعلـمٍ يهـمـك =لولاه ما أعطيت الـولاء للولايـة ويقول حقه ضاع وأقـول عمـك =بندر ولا له غيـر بنـدر حمايـة واليا وصلته حط رأسـك بكمـك =مالك وراه من العوانـي عنايـة والله مـا اقـول الكـلام اتنمـك =ولاني بقصـادن يحـب الدعايـة في حضرتك يمدحك وان غبت ذمك =والله مـا تفـرح بذمـك اعدايـه ودمي يابن ناحل فصيلـة لدمـك =وطيبك يوصـل للعـلا مستوايـة وتمت عسى الله يرحم ابوك وامك =وفاك يرفى ما حصل من خطايـة |
يامرحبا ما تطلـع الشمـس وتغيـب =ترحيب حربـيٍ بمـن جـاب داعيـه يقول لي قلهـا وأنـا مـن المعازيـب =ينخانـي أبـو قـرون واقـول لبيـه لبيـه ياجـزل النـبـأ والتراحـيـب =راعي الحفل حربي وأنا مـن بنيخيـه حربي يمثـل حـرب عنـد الاجانيـب =وياحي مـن مثلـه سفيـر لعوانيـه له سمعةٍ مـا تقبـل الشـك والريـب =اليا جلء مجاله يرفع الـرأس طاريـه أخذ نصيبه مع أهـل المـدح بالطيـب =وذكر الحياء واهل الوفاء الناس تحييه عمّا سمعت وشفت ما أشهد على الغيب =ولاني بقايل فيه شيءٍمـا هـو فيـه أقـول وأقابـل علـى كـل تعقـيـب =وهزل الكلام يطـوف ماكنـي اوحيـه أبمـدح الطيّـب ولا لـي مطالـيـب =والا الردي لـو أمدحـه قيـل هاجيـه وعد الثناء لأهل الوفاء من المواجيـب =ومن واجب المحسن يشـاد بحسانيـه وجمع الجماعه من كبـار المكاسيـب =جمّعهـم الطيّـب وطـابـت ليالـيـه كل الردى الهين على الطيّـب صعيـب =محمـد ابراهيـم اليـا جيـت اسميـه من ربع أخو حسنا جنب شمّخ النيـب =وللعز ياللي حاضـره مثـل ماضيـه ربعه حمول الخيـل ستـر الرعابيـب =حربة قبيلة حـرب مـع كـل توجيـه ترعى بهم حم الـذرا القفـر لا هيـب =ومن حافهـا خلّـوا نواعيـه تنعيـه بشلفٍ لهـا بمدغـش القـوم تأديـب =قبـل الامـان يكبّـل البطـش بيديـه ساد الامـان وكـف غلـب الغواليـب =بظلال حكـام الوطـن عـن حواميـه برقـع حـرارٍ جارحـه فالمخالـيـب =ماهو مثل من يجهل الصقـر يشويـه تحكم بشـرع الله وثيـق المقاضيـب =يعـز مـن يرجيـه ويـذل عاصيـه |
قــصيـدة رثاء بالــشـــاعر الكـبير
فقيد الأدب وفقيد قبيلة حــــرب/صياف بن عواد الحربي (رحمه الله)
أحدٍ يموت وموتَـه ماأثـرت شـي=واحد يموت ويصبح الحـي مذهـول البارح الساحة نباهـا نبـنٍٍ سـي=لو النبأ عن حـق ماهـو بمقبـول علم يغـص بعبرتـه كـل حربـي=على فقيدة كوكب العـرض والطـول نجم سطع واضفى على السابعه ضي=أثرى الخليـج ولوتخطـاه معقـول بحكم الأدب شهرة كرم حاتم الطـي=في ساحة القلطة لصيـاف مدلـول وأهـل الأدب تنعىفقيـدة عوانـي=كن الأدب بغيـاب صيـاف مشلـول يشهد له اللي دم قلبـه ماهـو نـي=ومهما يقال انصاف صياف مقلـول حقه على الإعـلام مدبـول وثـري=ليه العلـم حقـه بالإعـلام مغلـول اللي مثل صياف لو كـان مـن أي=يحيا علم وإن مات مامات مجهـول واللي عليه من الوفـا يعتبـر لـي=ولاعاش من سيفه على حرب مسلول بس أتململ وأفـرك الصـدر بيـدي=كل الكلام يقول لي وش تبا تقـول وأقول دنيـا الحـي ماخلـدت حـي=يأتي لها محمول ويـروح محمـول وأحد يموت من الهرم موتة صبـي=وأحد يموت وحـزن فرقـاه للحـول عزاي ابو رامي وعزوة بنـي خـي=مادام راشد حـي الأبـداع مكفـول طبيب يفصد عرق والفـك لـه كـي=باب الثقه مفتـوح والشـك مقفـول ماقال هذي هي لو هي ماهـي هـي=بعد النضر يأخذ به الحـق مدبـول وما قل دل وزبـدة الواجـد شـوي=وكل عن اللي تنطق شفاه مسـؤول |
الســــلام عليكم ورحمة الله وبركاته
هـذه هدية لـ((ملـتقـى حــــرب)) بعد طول الغياب
كم مرةٍ وحيت لو ماتوحيت=من مصدر ماينسب العلم منقول علم قصى صبري وأنا ماتقصيت=وعودت مما شفت وأوحيت مذهول لأم السمع وإم البصر ماستقريت=شفت وسمعت وقلت ماهو بمعقول بحال أقول يصير وبحال عييت=لاشك باللي عن هل الشك مكفول واثق وباني بالحشا للثقه بيت=بيتٍ مشرع مدخله مهو مقفول لاهل الوفا يأذن ويابا الشحاتيت=بكف عن مصافح هل الشك مغسول العام أماري واتعزوى بحليت=واليوم أشوفه من هل الشك مدخول يفوح من جوفه مثل عادم الزيت=تسربت عدوى الجهاهيل لكهول بعض السوالف مثل ضرب الدناميت=يجيلها مع طول الأيام مفعول باللي سموعه للسوالف مصانيت=ويحلل المفهوم تحليل مجهول وأنا الحقيقه من سؤاله تفاجيت=ليت السؤال بمنطق العقل مقبول ماني وكيل آدم على الحي والميت=ألا على نفسي مكلف ومسؤول واقبل من العاقل نصيحه اليا أخطيت=للاحظ العاقل خطأ ويش ابقول واشور من شرواه لدلابه أصغيت=ماقول عرفي كامل العرض والطول واللي يجاملني خطأ اقول غشيت=مار انتبه مما وقع فيه زهلول لو بالمجامل يكتسون المصاليت=قد قيل ياحاتم لبو كف مغلول واللي حسب لي عكس الاقبال لاقفيت=حسبته شتله من ذراع مشلول ماقول له نافع ولا أقول ضريت=والرجل لولا جوهر العقل مخيول وإن شفتها جات مجهمه سقتها لـ(هيت)=أقول عدوها ترى العد منزول ماأقبل من أهل العوج عوجا ولاأهديت=والرجل منطوقه لخافيه مدلول ولاأبيع وأشري في مزاد الشماميت=وسيفي لضرب اعضاي ماهو بمسلول وبيدي ادافع دون حلقي إذا بليت=ولا جاري المبدول وأصير مبدول لآمدها بالمهزله ماتماديت=أزعل وأضيق بحال وبحال بهلول وإن وجهت يمي على غير توقيت=دفنتها بالسابعه دفن مقتول في حال ولا بحال لي ماتوريت=للي بقلبه ريب والنطق معسول ليا أفطرت عن هزل المعاني تساميت=وكم لي وأنا صايم من الحول للحول والشك والريبه عمولة مباحيت=والشعر له شعار نقاد وفحول ولا أقول أنا حاتم ولا معزب سبيت=يوم الزمان زهيد والرزق مقلول اطلب من الله كل ماصبحت وأمسيت=احظى بحسن الظن بالفعل والقول |
وردت هـذه الشرهه بعـد ماقلت قصيدتي يوم الاثنين بالمزاين وهو اخر يوم في 18/10/1427
الشرهه اللي تيُهت بالمتاييه= مابين ابن نفجان هو والفريدي ــــــــــــ ـــــ ــــــ ـــــــ ـــــــ ـــــــــــــــــــــــسكت واللي اوحيه ماكني اوحيه=رشيد خشم وعين مثل الحميدي عندي وانا حربي لهم حق وأحميه=حروب والحربي بحسبت عضيدي بالماقف اللي بسم واحد نسميه=وانا احسبوني فيه عنهم بعيدي ليُ وعليه للقبيله مشاريه=لاكنها ماتت وهي في وريدي الناس تنشدني وأنا بس أقول ايه= إي والله اغلى ماكتب من قصيدي واجرح قلبي كيف ابا اصبر وداويه=وأنا على الباحه تبث الجديدي وألحقت هذه الأبيات عندما وصلني من الحميدي الحربي أني قد سبيته في الابيات السابقه
يابو حمد ياعزوتي يالحميدي=ماني بحربي كان سبيت حربي 22/4/1428هـوالمدح بالحربي من ايام عيدي=مافيه حربيين شرقي وغربي العاصفه عيا هواها يهيدي=ولا دري من اللي جاك معها متدربي راع النمايم مثل ساعي البريدي=اليا اختصر بك في فيك اختصربي أسمع وعلم بالكلام الأكيدي=لو أستمع للمنحدر ينحدربي حربي وشامخ رأس حتى بقصيدي=والمدح بالممدوح زادي وشربي والسب مافتح له مخازن رصيدي=واللي يعذرب حرب ماينتصربي |
ياداخل الحربي ضريبة وفانا=دون أخويانا الكل منا إنتحاري يشهد على ماضي وفانا اخصمانا=بقدر أخويانا والقصير المباري بوجيهنا لو إنهم من عدانا=على النقى مافيه بايع وشاري قصيرنا مايشتكي من خطانا=وتاريخنا بالمجد ماله مجاري بالمعجزات اللي عليها المثانا=بوضح النقا ماندرق بالمذاري حقايق ماأحد يقول تخفانا=مدونه يقرابها كل قاري وجازوك بنويشي مطير حددانا=وباللي فدا عمره بورع المطاري الله يجبر في وفانا عزانا=مال المروه في خوالك مواري توارثم غدر النسيب أنسبانا=عينت ناهس والفرس والسواري ومع باب بيت الله عساه يحمانا=غدر وخيانه بامنن ماهو داري ياليتهم قدام عينه عيانا=ونشوف وش ناتج هجوم الغداري خصيمنا اللي مايجي من ورانا=والخوف ماطول عمار الحباري على النذاله ماتربت لحانا=ننطح تحت شمس النهار الجهاري العفو لو ضاقوا علينا اصدقانا=من عقب هذي معلنين الطواري وليا أستحينا مجدنا من حيانا=الله هو اللي ننحني له جباري لامره وما تأمر علينا إومرانا=من المليك إلى الأمير الإداري منا الولا لله ثم أوليانا=آل السعود وبس والحكم جاري معهم نجدد كل ساعه ولانا=ونضرب ولا يضرب قرار وزاري وتسلم يابو خالد وعيد الحزانا=شوفتك طيب يالرصيد التجاري |
السلام عليكم ورحمة الله وبركاته... مع التحية و التقدير للشاعر/زيد مبشر الحثلالاخوة الكرام انقل لكم هذه المساجلة التي جرت بيني وبين الشاعرالكبير/ بدر الحويفي. ويقول بدر يابو فهد هاضت قريحة اشجوني=وجهتها يمك مشوره ومسيار ياخال للراي السديد ادفعوني=يابن الرجال اللي لهم فعل واذكار ربعٍ ليا جاء ذكرهم يمدحوني=لهم بصرح المجد مارد ومصدار قل للصديق اللي عليه اجلبوني=ناسٍ بلا ذمه خمايم وفجار وأنا ليا من الخبول اظلموني=اغضي عن الهفوات شيمه ومقدار مقدار للي غيرهم شيموني=ما ضيّع الشيمه على شان ثرثار لو إن تجار الحسد ما ازملوني=انا لجن مذبذب العقل حشار ماني سفيهٍ ليا بغوا حركوني=ما أثوّر البندق بلا قن وعيار وسواعدي ما جرحتها سنوني=وعلى القبيلة ماتبختر تبختار وان جضة اصوات الضواري نخوني=لاهب من نفخ العدا عج وغبار تسهر على شان القبيلة عيوني=ما ارضى على ربعي مقابيس الاشرار وان جاء الخبر ما يقصر العلم دوني=لي ماقفٍ من عرض وافين الاشبار ولا رد شذرة حربتي في متوني=عقلي معي واعرف عدوي والانصار ولا عارض اللي ما تدخل بشوني=ولا اضيع اعمالي على ذم الاحرار وعلى النشاما ما تغير ضنوني=في حال متواضع وفي حال جبار اعرف بياعي وعارف زبوني=ولا اجامل اللي صحبته غش واقمار ولا اشفق على الجهال لو صاحبوني=اللي تغيرهم وساويس الافكار ما ارجي شفاعتهم وهم ما رجوني=وعرفي مكفيني ليا صار ما صار ولا اركض ورا الزيلان لا جنبوني=مثل الذي يلهث ورا كل مرار وكان المهبل في غثاهم بلوني=طير الفلاح ليا رميناه ما طار ولو هربدوا في غيبتي ما ازعجوني=الناس تعرف بالمشاهد والاخبار وعقلي معي ماني بغوج ٍ مجوني=ولاني سفيه يرمي الملح بالنار الشاعر/بدر الحويفي الرد على قصيدة الشاعر الكبير/بدر الحويفي
في خط ابو سلمان لو بشروني=سقت البشارة بالخبر سر وجهار لو كان مما فيه واطول كوني=من المستشار اللي يبي مني الشار ويقول بالراي الرشيد ارشدوني=واقول ياستار بالوضع وش صار ويقول خوذوا ما تبون وعطوني=واقول ياعلام ما تخفي الاسرار وبعض الرجال استغربوا و انشدوني=عن شامخ النابين و اقول عيّار اللي دفوفه بيضتها المنوني=يا بعد مضرب خطوته كل ما ثار واللي يجارونه يبا يتعبوني=هدار يفدر لا هدر كل هدار قال ازهلم ريع العدى وازهلوني=لا هاب جوهرة البحر كل بحار واللي يقول بمبركه نوخوني=ماهو بدر عواد بالماقف الحار يابدر تجار الحسد ما اعرفوني=وكباير الأنذال بعيوني صغار ماني معاملهم ولا عاملوني=ولا افطر بوقت فيه ممنوع الإفطار تكفى عليك عداك لا يفرحوني=بعض البشر بسياسة الشر شطار واللي يبا يشريك باللي يهوني=قال المثل ما يشوي الصقر صقار هذا وانا ما ادري من اللي تعوني=ابشر بطيارة قذايف وطيار والدقن والشارب تراه محسوني=ان كان تاسع زيد عن بدر الأعذار يفدا الحويفي كل ما بمخزوني=دام القريحة ما اعلنت صك الاعسار لوقلت له يا عم..عم و يموني=قضاب جنبيه مع الوالد البار ياللي تبون مفارقه فارقوني=الأول المعذار والثاني انذار اقول واقابل واقول اسمعوني=بثي كلامي يا محطات الاقمار ماني بقايل لازعلوا سامحوني=مبصر ولا جاريت عميان الأبصار أما الخبول اموت ما بايعوني=إلا ان رقم الذاكره عندي اصفار الى امسح عقلي بهم سرحوني=وقولوا تحول راعي الحصن حمّار اما لابو وجهين لا واجهوني=عطيتهم وجهٍ من النور و النار واسلم لعل عداك ما يسلموني=ونخطي ونستغفر و الإله غفار وتقبلوا تحياتي |
البارحه من كل صـوب الهواجيـس=غزن خفوقي وركـزن بـه ركايـز لين أودعن جوفـي خليـة كوابيـس=وباعلا شهـادة عالـم الهـم حايـز وأصبحت أسيرن للقلـم والقراطيـس=أمسـن بنـات ومصبحـاتن عجايـز لأهل الوفاء ماكيل من فرعة الكيـس=ابحث عن الجوده ولا أقـول عايـز ولكل جيـل مواصفـات ومقاييـس=ومثل ماقيل مـن المتـون الخرايـز وشفت البروق وحلت قبل العواسيس=وأثر المخيلـه فـوق هيـم ونحايـز ولقيت حد السيف يضربـه غليـس=والأرض ضايـق وسعهـا بالجنايـز بالقاع شوف العين جدع الملابيـس=وغليص رافع رايـة النصـر فايـز الوقت هان الذيب وستذيـب التيـس=وتقرا السور بالعكس ويقـال جايـز وجيب اللبن من ناقةٍ مالهـا ديـس=وأردى البضايـع شجعتـه الجوايـز وأهل المكاسب يحتـذون المفاليـس=ومشي القطار مع الطريـق متشايـز وسطح القمر جابوا حصاه الجواسيس=والـرؤس حطـت للمواطـي لفايـز يابو سمـي ابـوه ويـن المدابيـس=أهل العزل من كـل كسـب الخزايـز الذيل قام ونكـس الـرأس تنكيـس=وشد الوصل بالحـل والربـط بايـز |
سلام يانومـاس راسـي وتاجـه=سيفي يابو مشعل ياعلـي الهليـل يقولها اللي فيك وصفـت علاجـه=من واقع المعقـول ماهـو تخيـل وجهك يبشـر بالسعـد بالمواجـه=على النقا ماهـو بزيـف وتحيـل اليا جيت له مرفوق يضحك حجاجه=كلمة هـلا والعـود قـدم المهيـل تدري وش اللي لك على أقل حاجه؟=بعيونـي أثنتيـن ماأنتـه قلـيـل واللي يبي يرفع علـي إحتجاجـه=اقول عـرق اراك ياعـرق ثيـل بعض المجامل يابو مشعل سماجـه=ماأخيـل بـرقٍ ناوتـه ماتسـيـل والصاحب اللي أدراه مثل الزجاجه=لابد مـن يـومٍ يجيـب الحصيـل قلبي على فرقاه ماأعلـن خلاجـه=جعله ثلاث إميـه جنـوب السليـل بجوٍ خلى بس يتصافـق عجاجـه=يمسي ويصبح مثل غـزوة عقيـل |
سلام ياسلـم سليـم الضغينـه=مسلم وأسلم قبل مابدى كلامـي سنـة نبيـاً فضـل الله ديـنـه=ومر بها الله كل شخصٍ إسلامي جيتك بمشتال العنى من جنينـه=يقودني قود الجمـل بالخطامـي كم جاهلٍ سو التصـرف يدينـه=وليا طبع شال الثقيل المحامـي سلمتها أبو ذعار سلمت يمينـه=معها بداء زامه وأنا انهيت زامي بعلمٍ مقره بين سمعـه وعينـه=الشيخ بن بتلاء وفـاه التزامـي شيخ الحموه مهـل الله سنينـه=والمجتهد في ماوجـد مايلامـي وجهك يبشر بالسعـد والدينـه=يوم أوثقوا دونه قفول النظامـي أمسح بها دمع الخلوج الحزينـه=حنينها يصحي قلـوب النيامـي تقول أنام وقرت العيـن وينـه=وقامت تنب أهل الوفاء بالأسامي وجوني وأنا جيتك بقلبٍ يقينـه=ثقل الجبل يوم الخبر عنك سامي وذكر الحيا وأهل الوفا صاقلينـه=وهداج مالحقت قصاه الظوامـي |
صدري وطن ومواطنين الوطن مين؟=بالجمع حرب ومفرد الجمع حربـي والميم هو والسين ياخشـم ياعيـن=عندي سوى مافيه شرقي وغربـي ودم الحميـا يصتلـي بالشرايـيـن=من دون حرب النار لـو تستعربـي واللي يساومني على الميم والسيـن=فـي ذمتـي لامـوت ماينتصربـي وسموعي اثنتين مايسمعـن شيـن=إلا مفاخـر حـرب زادي وشربـي ومع شاعر المليون شاعر ملاييـن=ماني على تصويت بوسني وصربي وبالشعر ماسويت للحـال تحسيـن=ارفـع مقـام النفـس لاتنحدربـي |
وقفت لي ماقفن ماني عليه محسود=وانا أحسب إني مع الشعار شاعر علم حطت بي المركبه بين الجلد والنفود=في كنّة القيض والديرة شجرها سلم لو قلت ياليت ولا جعلها ماتعود=تربعت والبري منها هو المتهم ماهو سهو بالصلاة وينجبر فالسجود=تصرف اللي يبي العملاق يرجع قزم بأسباب عوج الهروج اللي تغث الكبود=وابيلس له مع نسم جرب الحناجر نسم مايزرع الحقد بين الناس غير اليهود=وقلوبهم من طباق الرآن مثل الفحم لاصار مال الكرامه بالمحافل وجود=ماجيت ادور مع اهل الضول رز ولحم الباس بالرأس والاقدام تمشي سنود=ماوالله أحط بأس الراس تحت القدم |
صح السنت الشعار رحم الله المتوفي منهم رحمة واسعة وطال الله عمر الحي على طاعته شعر جزل من شعار كبار جدا على ساحة الشعر ومتذوقيه
|
الساعة الآن 09:41 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
