يا السحيمي ترى بيني وبينك حدود =كل واحد على حده ويرجـع وراه
انت حدك من أطراف القصيم وتعود =والوسيدي مسك حد الشمال وحماه

انتبه للجمـال تسـوق ولا تقـود =كل جمال يأخذ بندقه مـع عصـاه
حدي الشام والبصرة وعندي شهود =وانته احفظ كتابك والقلم والـدواه

لا تضيع العلوم ولا تبيح السـدود =سوقها لين ياصل علمنا منتهـاه
ما يقضي نهار الكون غير الشرود =كل ما كبرت الهوشه عطاها قفاه

امش يالهاب والهب والركود الركود =وانتبه للفقير اللي غضب عن عشاه
وامسك الأرض يالين المسافر يعود =والبنادم الياجاب العشاء ما عـلاه

يا مدير الخزانـة لا تـروح النقـود =في نهار يصير الفقـر مثـل الغنـاه
جيت أبا أزعل على صياف والياه عود =مير قولوا لبن عواد يصلـح خطـاه

فيه ذيب يغير وفيه ذيـب رقـود =وانت حط العشا بالقدر قبل اتغطاه
ليلة السبت تنظر في شرار الزنود =والحقيقة لبست الثوب فوق العباة

الذيابه سوا من عصر عاد وثمود =غير واحد سنونه طايحه من جماه
حرب دايم علمها فوق راس العمود =اذهن الداب يوم انك قلبت الحصاة

الرجال الكبار تحـك عـود بعـود =وانت مدري تحك العود والا اللحاه
حرب قوم الحرابة قبل عشرة عقود =دارهم ما يموت ولا يظلـم سمـاه

الرجـال الكبـار مقيـده بالقيـود =مير صياف ابن عـواد هـذا بـلاه
بعض الأيام بيض وبعض الأيام سود =وانت مدري تحب الموت والا الحياة

الاخ محماس الحربي

لله درك

وبيض الله وجهك

ومشكور ماقصرت الله يعطيك العافيه

محاوره من اروع المحاورات صح الله السنتهم

تقبل تحياتي

ودمت بخير