كل شاعر يدخل الملعبة ينفض عصاه= و العصاء مايظهر إلحاتها إلا شقرها
يالحروب اللي على الدرب ترمون الحصاه=الحصاه اللي رميتوا بها وش كبرها
زهب البندق ليا جيت ميدان الرماه=و أنتبه من عوجها و أنتبه من كسرها
الحروب إيشكلون الكتابةو القراه=كبر عيونك و شوف الكتابة و إقرها
جيت ابرمي رأس أبو زيد مير الله رماه=وسط بيرٍ فوق خمسين عام لحفرها
وش تسوي بالقلم كان ماوسطه دواه=جفت الاقلام قدام ينشف حبرها
خل أخو مره يسمي و يقرب من عشاه=و النفوس الصابرة لاتضيع صبرها
كبروا رأس الذبيحه و لاهو رأس شاه=وش نسوي لو شحمها يعادل هبرها
الضعيف أبكي منه و القوي أبكي علاه=و السنين المقبلة كلها ياقصرها
أدري إنا كلنا نعرف البير و غطاه=و الذبيحة بطنها لاصقن في ظهرها
حط بشتك فوق راسك لايكوى مع قفاه=السنين المقبلة كيف تامن غدرها
كل مجنون ليا شافنا يزحف وراه=و الشياطين الكبار إقطع الله ذكرها
لاتشيل القنبله معك في كم العباه=ثم تثور القنبلة فوق و أنته حدرها
الشياطين الكبيرة لياجات الصلاه=0000000000000000000000000
كان شلت القنبلة قول يالله النجاه=و الله أني لأردع أهل الكفر عن كفرها
وش يقول العازمي فالسحيمي و ازملاه=كان ماقامت عتيبه معي وافقرها
أن لقيت مقيط مدفون وين ألقى رشاه= من يدور له ذهيبن تخفى ذكرها
السحيمي عود طاحت سنونه من جماه=و إزملاه من الكبر دوب شوش فكرها
اطلعوا عشرين رجال من بطن الفتاه=و أثرك آخر ورع و أنا أحسبنك بكرها
من يغير نيته وعذابه و عناه= مادرى بالثالثة لين غلق حكرها
اطلعوا عشرين و الكل عالي مستواه=و أنت لأمك بكرها و أنته آخر ذخرها
كل واحد دون حلقه يقدم لك يداه=مير ياصياف ثوب الفضيحه سترها
الغليم برطمه زين و لسانه لواه=و أن كسرها ينحرف قبل يعرف جبرها
لو يحمل تمر بيشه ماجاب إلا نواه=يوم شاف التمر الاشقر غلط في شقرها
مايتوب مسيلمه قبل مايلعن ثواه=كل ماشاف النصيبه يقبل قبرها
ياسفير أهل ضرماء ياصديق أهل مراه= روح عمرها للمدينه و كل من تمرها
كل نصراني ليا شافنا ربي هداه=ياعتيبي روح مع حرب و أخضع لأمرها
الصديق اللي من أول نزل عن مستواه=رافقته أم الكباير و قلد كبرها
حرب جتهم مسفره ماشية تبغى الزكاه=ثم مشتها عسى الله يطول عمرها
صاحبي مايهدم الجدر بعد أنه بناه=صب سيسان البنايه و طول جدرها
مسفره جتنا تدور على راس القناه=و أنته صرت وليدها و أمسحتك بسحرها
أتركوا راع الهواء لايجنب عن هواه=و الدير ينبت سلمها و يقطع سمرها