بسم الله الرحمن الرحيم
رواد ملتقى قبيلة حرب
السلام عليكم ورحمة الله وبركاته يسعدني ويشرفني ان اشارككم بهذه القصيده التي قلتها بمناسبة حفل قبيلة حرب المقام لدعم وتكريم الشاعر المبدع أحمد بن ناحل ممثل قبيلة حرب بالأدوار النهائيه بمسابقة شاعر العرب

قال اللذي يقرن الأقوال بأفعاله= رد الثنا دايم يحطه على باله
ما يبخس اهل الحقوق ولا ينزلهم=الا بمنزالهم ويضمّن اقواله
أصدق دلايل تبرهن عن فعايلهم= مادام للعلم يا أهل العرف نقاله
فعل الصبيحي ينومس كل من سمعه= ياعل فال النشاما دايمٍ فاله
من ما بدالي وما قالوه لي ربعي=والله يا لولا لقول إن بادي إلحاله
الأوله فاز فيها طيب المبدى= جانا معه لابتة بالطيب عيّاله
من يوم صاد الخبر ماصد ماكنكن= الآبه يحثهم ويجند اعياله
اجنود تبذل جهود لخدمت الحربي=الراس يطبخ صطر ويجود في ماله
انا أحمد الله رفيع الشان سبحانه=ماغيره احدٍ الياضاقت لجيناله
من فضل ربي نوادر حرب موجوده= الكل منهم يقول الصعب حناله
واكبر دليل لكلامي والله الشاهد=قبل امس يوم التنافس حط مكياله
الحمل يوم الجمال ارخت مناكبها=ابن مضيان سمهر جاه وشتاله
من السطر يوم عِلم قال أنا سمهر=الحمل قدي ونا قده وحماله
واقفا البليهي يدرهم فيه ماهمه= ماكنه إلا يقول إنا إخلقنا له
واللي من مطير واللي جاد من شمر=خطلان الأيدي لحر المال بذاله
بتكاتف اجهود هاذولا وهاذولا= لأحمد تحقق هدف والحلم يبغاله
وقفت صناديد حرب تزلزل الراسي= وتحول الحال من حاله اليا حاله
يوم استوى المنزل المرموق للنازل= كلٍ يبي يدحم الأبطال بأبطاله
الوضع ماعاد هو ياحرب خافيكم= كلٍ على لآبتة تثبيت منزاله
أحمد ممثل قبيلة حرب ينخاكم=تكفون ياحرب يانطاحت القاله
ايوالله اقولها وعيد واكرر=من قلب ماهي على يالال يالاله
أشره على الحربي اللي كله احميا=يشارك احمد بقلبه قبل جواله
اليوم صار الفزع يالابتي هيّن=يمكن تحقق هدف بأرسالت ارساله

المشاركة الأصلية كتبت بواسطة ابومشاري (المشاركة 384664) صح لسانك واحمد يستاهل التصويت

المشاركة الأصلية كتبت بواسطة حمود الجابري (المشاركة 384695) صح لسانك ياناهس والله يوفق ابومتعب

المشاركة الأصلية كتبت بواسطة همام الأحمدي (المشاركة 384794) صح لساااااااااانكـ ملايين يابوبدر وبيض الله وجهك ويستاهل احمد كل خير

المشاركة الأصلية كتبت بواسطة مضحي بن جمران (المشاركة 384815) صح لسانك ياناهس بن بدر الناحل لاهنت على هالقصيده الجزله وابشر بما يسرك وفداكم كل غالي ياشيوخنا الناحل وان شاء الله انك لتفرح وتفرح بني سالم ومسروح بتتويج ممثلهم احمد بن ناحل بتوفيق من الباري عز وجل ثم بتظافر جهود هذه القبيله الجباره حرب وابشر بالسعد وتقبل مني صادق ودي واحترامي لشخصك الكريم