ملتقى قبيلة حرب الرسمي - محاوره شعريه بين الشاعر صياف السحيمي رحمه الله والشاعر صلاح الحريبي

محاوره شعريه بين الشاعر صياف السحيمي رحمه الله والشاعر صلاح الحريبي
--------------------------------------------------------------------------------
محاوره شعريه قديمه بين الشاعرين صياف بن عواد السحيمي والشاعر صلاح صالح الحريبي
صياف
الليله الليله نشب النار فوق ابو لهب
والجنه الخضرا حرسها ماسكين ابوابها
احد يشب النار والثاني يلمون الحطب
لكن شب النار فوق الخصم ياشبابها
صلاح
الجنه الخضرا تراها عند خلاق العرب
اللي خلق نفسك ولي فالمدينه جابها
لاترضع امك فرمضان وتصيب نفسك بالجرب
وتروح نص الناس متقدا عليك اثيابها
صياف
اليا سلمت من المصيبه ماسلمت من السبب
وانت سببها وانت نازع قفلها من بابها
ياكثر حب الدخن فالديره ويكثر القصب
لكن لايشقابها التاجر ولا يرضابها
صلاح
ترى الحصان حصان مايثني جنوبه للقرب
لكن جنبها تراي عارف مجنابها
سلمي معي يارجل واعرف السمان من الجلب
والا الهلامه كل شرهتها على جلابها
صياف
ياكثركم ياهل عموق من المضيق اليا الغرب
لكن نص يحد سكينه ولا ذكابها
لا تفجع العربان يابو زيد من طول الشنب
تفزع بسكين ثلاث اسنين وسط اقرابها
صلاح
انته من الهضبه اليا ضلعان عوف ام السرب
واليوم مدري ويش لاقي يوم ماتشقابها
البندق اللي حطه الطرقي على روس الشعب
راح البعير وراحت البندق على من جابها
صياف
ترى الهدف ماهو قريب تحط له راس وذنب
في ديرة (ن) ماطبها المسلم ولا صلابها