حمد جعفر الشيخ=
سلام عدامطار هلت فالجنوب وفالشمال=ينصى الرجال اللي في غيبتها تجيب اعذارها
نسأل عن اللي ينفقد واللي مايفقد مانسال=هاذي قوانين الرجال اتقدر بمقدارها
خليفه المزروعي=
يامرحبا في مرحبا بالطيبين من الرجال=اللي كماهم يا عسى ربي يطيل اعمارها
تسأل وأنا موجود فالديره وأسايرلي جمال=اثنين في غرب السريع مولعيلي نارها
حمد جعفر=
عساك تبقى ياعميل الخير وليالك طوال=هذي عوايد حرب ياحربي تقدر جارها
كان الجمل ماجابه ا لطيب يثنى بالعقال=لجل العقال الحق لاصفو عليه اكبارها
خليفه المزروعي=
كيف البصيره يا حمد فاللي يكفون الدلال=والوزعه اللي بينهم ماقدرو مسعارها
حنى نحاول حلها في بيت غاشيه الظلال=مير النفوس اللي بدا ويها ازيد اضرارها
حمد جعفر=
انتم تعرفون الخطا فيات ياولد الحلال=وكفوة الدله تعرف الناس وش مسعارها
اللي مايسمع علم ربعه والبناخي والخوال=يبعد عن الديره يدور دار غير اديارها
خليفه المزروعي=
اليا اقبلت بالخيط وليااقفت تقطع بالحبال=والناس لاكثرت مشاكلها تشت افكارها
قلنا لهم بالهون ماينفع ترى كثر الجدال=لاكن لاتسمع ولا تقنع مغير لشارها
حمد جعفر=
الله يقول المال فتنه ياصحيبي والعيال=لاكن تكفى ياخليفه قصرو مشوارها
عسى تجاره ساسها ماهو جويد(ن) لزوال=يالين تقعد مضرب الأمثال وقت اخبارها
خليفه المزروعي=
هذا كلام الصدق يالعقال مافيها جدال=والمسعد اللي دنيته ماراح في تيارها
لاكن وين اللي يفكر في حمول(ن)ماتشال=والنفس لا راحت عن الدنيا تشيل اوزارها

خليفة المزروعي=
سلام الله وأنا عندي ذهب ومنزله لاالسوق=عميلن مامعه عملة ذهب لاينزله سوقي
وأعرف أني علي حقوق لاالرفقه ولي حقوق=ومعطي حقها الرفقه بلا تفريط في حقوقي
ابو مشاري=
هلا يامرحبابك ياعميل(ن) طب كله ذوق= وانا اشوف الذهب والعمله اللي كلها ذوقي
علو مك طيبه ياصاحبي ماقول فيها فتوق= و لو فيها تري حنا ذراك لكل مفتو قي
خليفة المزروعي=
لعلك للبقى ياصاحب اللي جيت لاالطاروق=وأنا ودي برجالن يماشيني بطاروقي
ترا حناعلى الطالات نمشي والعلوم تشوق=واسرحها واضويها غروب الشمس وشروقي
ابو مشاري=
انا اشوف المخايل في سمانا ثم اشوف بروق =ولاهلت وعيني ترقبه هتان وبروقي
يازين المشتري والبيع دامت صاحبي مرزوق = وانا ابشرك لي حظ دوم الد وم مرزوقي
خليفة المزروعي=
مخايل خيلت وأمطارها للأوديه من فوق=تشيل ألأوديه بسيولها لاجات من فوقي
ترا صاحبك شاريكم وأنا عاتق معي معتوق=وأعرف أنك كفو ياصاحبي ياشيخ معتوقي
ابو مشاري=
تحصنا بذكر الله ولا بيهمني فاروق = لجل حكم الله العالي تعلي لحكم فاروقي
تراي انا ولد عمك وازيدك في الملاقي شوق= و نحتي للحون الطيبه زود على شوقي
خليفة المزروعي=
ليامنك تحصنتو ترا ماشي عليك ألحوق=لجن الخالق الواقي تكفل كل مخلوقي
مدام أنك من ربوعي انا دونك معاي ادروق=لكالله مايجيلك شي وأنته تحت مدروقي
ابو مشاري=
يا ليتك لو تعلمني تقلي منين يا مخلوق = اهل فيده واهل عسفان زادو من الف مخلوقي
تري ديدنك من ديدن رفيقك دمكم محروق= اهل فزعه واهل جزعه وزايد دم محروقي
خليفة المزروعي=
تلاعبنا وتفاهمنا وأنا بسمي بدون أطقوق=لاكن أنته بابو مشاري وكرتك ليش مطبوقي
مدام انا على الدنيا رفاقه واليال الحوق=لابد الحي يتلاقى وكل مطرود ملحوقي

خليفه المزروعي=
سلام وأبديه بكتابة حروفه...واللي مقابل يردون السلامي=واللي لنا عارفه واللي عليه... ياليل ياليل عنيت السهارا
وللي معاه النظر دربه يشوفه...هذا خوي ويقدم للأمامي=والخط واضح وطرقتنا سويه...ياليل ياليل
الصييفي=
يا مرحبا ما هنا اتعاب او كلوفه . . لك يا خليفه و عالين المقامي= امحاربين الدول و اهل االحميه . . ياليل ياليل عنينا السهارا
الدرب واضح و بينتن حروفه . . جيناك و النور جلاي الظلامي= الله يقويك و النيه مطيه . . ياليل ياليل عنيت السهارا
خليفه المزروعي=
عسى البقا يالصحيب اللي نروفه...شاعر وله عندنا كل أحترامي=لديت فيه النظر ويلد فيه ...ياليل ياليل عنينا السهارا
اشوف شمس العرب فيها كسوفه...وإ ن طاح قايد لهم معاد قامي=ولله يخلي لنا راع الرعيه...ياليل ياليل عنينا السهارا
الصييفي=
سلمت، و الناس بالطيب امعروفه . . و طيبك منسِّب مع باق الا سامي= اقلط على السكري و الشاذليه . . ياليل ياليل عنينا السهارا
الشر واجد و له ناسن تحوفه . . و ابليس حاضر و طالع له نوامي= و ربك كفانا شرور الرافضيه . . ياليل ياليل عنينا السهارا
خليفه المزروعي=
عساك سالم من الشر وصدوفه،،،ياراعي الأوله نسل الكرامي=يامكرم الضيف ياحسن السجيه ...ياليل ياليل عنينا السهارا
النفس تصبح من الدنيا عيوفه...لاضاع فيها رياجبل السلامي=والغرب بيردنا للجاهليه...ياليل ياليل عنينا السهرا
الصييفي=
و لك مثل ما قلت يا شوق الهنوفه . . سامي و ماقفك يا رجال سامي= ما فيه زودن عليك بكل ذيَّه . . ياليل ياليل عنينا السهارا
الشعب يعجبك في ساعة وقوفه . . ما سمع لاهل النجس غربن و شامي= في لِحمته ما هنا بالشرق زيِّه . . ياليل ياليل عنينا السهارا
خليفه المزروعي=
اللي على الدين ماتختل صفوفه...حلل حلالن وحرملي حرامي=ماخاب من كان مع رب البريه...ياليل ياليل عنينا السهارا
الحاكم اللي وضع شعبه فجوفه...يستاها الطايل الحر القطامي=يجيره الله من صدوف المنيه...ياليل ياليل عنينا السهارا
الصييفي=
الله يبعِّد عن الا سلام خوفه . . و يزيد قوته عامن بعد عامي= و كرر صلاتك على محمد نبيه . . ياليل ياليل عنينا السهارا
الله يسلمه و يسلم كفوفه . . اللي كرمها مثل وبل الغمامي= انا اشهد ان يدّ ابو متعب نديّه . . ياليل ياليل عنينا السهارا

ابو إياد=
يا لال يالال يالال ... عداد ما لاح براق = يالال يالال يالال ... الله يحيي صحيبي
يا لال يالال يالال ... واللي على الطيب مشفاق = يالال يالال يالال ينصاه كيف وطيبي
خليفة المزروعي=
يالال يالال يالال...اعداد همال ينساق=يالال يالال يالال...تبقون ليه قريبي
يالال يالال يالال...ناصيك والقلب مشتاق=يالال يالال يالال...وأنا مكمل طليبي
ابو ابو ياد=
يالال يالال يالال ... وش حالة اللي على ساق = يالال يالال يالال ... لو كان عظمه صليبي
يالال يالال يالال ... واللي يسير فـ الآفاق = يالال يالال يالال ... لابد له من كسيبي
خليفة المزروعي=
يالال يالال يالال ...يعينه الرب خلاق= يالال يالال يالال...اللي بخلقه حسيبي
يالال يالال يالال...شيهان لاالصيد سباق=يلال يالال يالال ...دنياك قسمه ونصيبي
ابو إياد=
يالال يالال يالال ... شيهان بجناح صفاق = يالال يالال يالال ... يكفخ براس الشعيبي
يالال يالال يالال ... والظاهر القلب خفاق = يالال يالال يالال ... في الصدر نسمع وجيبي
خليفة المزروعي=
يالال يالال يالال... يادوبه الحر مافاق= يالال يالال يالال ...والوقت هذا عجيبي
يالال يالال يالال... عساه للفن لحاق=يالال يالال يالال...قدام راسه يشيبي
ابوإياد=
يالال يالال يالال ... الوقت للعمر سراق = يالال يالال يالال ... ناديت ما من مجيبي
يالال يالال يالال ... لا يجيك تكسير الاطباق = يالال يالال يالال ... ما فيه سيدي حبيبي
خليفة المزروعي=
يالال يالال يالال...الراس للحرب دراق= يالال يالال يالال... انا لنفسي طبيبي
يالال يالال يالال...اخوك لا الذود سواق=يالال يالال يالال...صامل ولالي حريبي
ابو إياد=
يالال يالال يالال ... قول بلا فعل ما يطاق = يالال يالال يالال ... حذرا تطب القليبي
يالال يالال يالال ... هون على النفس بارفاق = يالال يالال يالال ... أظن عيشك يطيبي
خليفة المزروعي=
يالال يالال يالال... تشاهد لكم شمس ألأشراق=يالال يالال يالال...ومافيه لا الصامل صعيبي
يالال يالال يالال.... ياذيب انا انسان ذواق =يالال يالال يالال...لا بد من لحق الركيبي
ابو إياد=
يالال يالال يالال ... للشمس اشعة ومشراق = يالال يالال يالال ... مدة ويتلا المغيبي
يالال يالال يالال ... محشوم عن بعض الأذواق = يالال يالال يالال ... درب يودي يجيبي
خليفة المزروعي=
ايالال يالال يلال...موجود للحب دقاق=يالال يالال يالال...ماكل مضرب عطيبي
يالال يالال يالال...ماني عن الحق فراق=يالال يالال يالال...شرع النبي الحبيبي
ابوإياد=
يالال يالال يالال ... للرب تقسيم الارزاق = يالال يالال يالال ... والرزق في علم غيبي
يالال يالال يالال ... من دونها موس حلاق = يالال يالال يالال ... تبغى عسل مع حليبي
خليفة المزروعي=
يالال يالال يالال ...أخوك ماهو بمفتاق=يالال يالال يالال...من الخير مالي زهيبي
يالال يالال يالال...من فوق ماخش الأنفاق=يالال يالال يالال...شر العنب لا الزبيبي

علي الشيخ=
الاولــه يا خليفه جعل عمرك طــويل = والثانيــه يا سـلام الله سـلام اجـودي
اشغلني ابو شريدح عنك يومن وليل = الورع شكله شقي والعود ماهو ردي
خليفه المزروعي=
حياك حياك ياراع الوفاء والجميل=ويامرحباوالمخايل من مطر وبردي
خلصت من شغلكم والليل هات الحصيل=ياشاعر(ن)فالمثايل عارفينه جدي
علي الشيخ=
عسى البقا كنت ابي فزعه وبندق وخيل = وبعد انقضت وانتهت قلت اسألك يا بعدي
وراك ما جيتني والخصـــم ما هو قليــل = وانا لوحـــدي مع العـــدوان يا مســــندي
خليفه المزروعي=
انته عميله وهو ياصاحبي لك عميل=ولاشفت مابينكم شي(ن) يكود اطردي
والعا رفه مايعاوزله في دربه دليل=والحرف واضح لنا مكتوب بالابجدي
علي الشيخ=
هذا بدوي عام يستوطن وعامن يحيل = لاتامن انـــه بعد بكــره عليك يعــــدي
لاهو قصيري ولا اعـرفه وخلك ثقيـل = لولا امرك يهمني مااخبرتك بمقصدي
خليفه المزروعي=
عندي حمولي ومن يبرك لحملي يشيل=من دون حالي وحقي يالخوي مايغدي
الطيب له طيب والجمره لا شب الفتيل=والقصد معروف يا بوعلاو لاياسعدي

خليفه المزروعي=
مرحبا باللي لفنا في صرح المنتدى=والبدايه ياعسها على درب الهدى
شفتلي غيمه ولاادري سحب ولاندى=والثنى والشكر لله رب العالمين
يقولون العرب ماتلبس الغتره بدون اعقال=واقول ان الغتر تلبس بغير أعقل ياخواني
وأنا اليله معي هاجس مساعدني على ألأمثال=لاكن اليل درجها وقابلني يابو هاني
ابوهاني=
البقا ثم البقا ياعميل الطيبه=والطريق اللي يجمل معك ماسيبه
والسحابه امطرت والسيول مهيبه=والثنى والشكر لله رب العالمين
ابشرك اني لابسها بغير أعقال يارجال=وجبت الصدق واهل الصدق من راعين ألأيماني
تهيض ياصحيبي شاهد اخيالك في سد اخيال=وانا قابلت واليله معك بتقر الأوزاني
خليفه المزروعي=
أخذو ألأعلام يالي تعرفون العلوم=والشعر قالو يجنب عن الخاطر هموم
والعميل الي على الطيبه جعله يدوم=والثنى والشكر لله رب العالمين
انا شاهدت شعرك وان شعرك مضرب ألعقال=لاكن الله لعله وجه واحد مايجي ثاني
احب اشكل واحد مانحب اللي كثير اشكال=يجيك اليوم بفلاني وبكره جاك بفلاني
ابو هاني=
هاتو الأعلام وأنا ماعندي مشكله=والمعاني بينانا فالضلال مضلله
والهواجس عندنا بالثمين محمله=والثنى والشكر لله رب العالمين
ترا فالمنتدا قنعان وذا عاشق يجي نزال=وهاذي حالة الشعار فاقصاهم ليا الداني
لاكن اللي مطمني لقيت ارجال تنصى ارجال=وعرفتكم وشرواكم ماقدرها بالأثماني
خليفه المزروعي=
اشهرو بألأسم وأنتم عربين الجدود=وألأسامي وزعت بين خلق الله شهود
وإن عرفناكم ترانا نوردك العدود=والثنى والشكر لله رب العالمين
وحنا من لفانا حصل الدله وله فنجال=رجال الوالمه من بعدها طيب الضأني
وعرف الناس مكسب يانمر ماشي عليه أجدال=ومثلك مايغط الرأس وأنته صقر شيهاني
ابو هاني=
هاتو ألاعلام خل العبادافحالها=مالك ومال العرب وشتبي فالشكالها
وأن وردنا كل ديره نعرف أجبالها=والثنى والشكر لله رب العالمين
انا ماذمكم ياهل الكرم ماشي عليها أجدال=ولن عاوزتني ياذيب لاوشرت تلقاني
يقلون العرب لاالظيف ياصاحي ثلاث ليال=وانا لساع فاولها وتطلب مني اعلاني
خليفه المزروعي=
ياشعيل القوم وسمك لابدي مااعرفه=لوتحاول لفها متطول اللفلفه
وشيكن مجير ترانا نوقف مصرفه=والثنى والشكر لله رب العالمين
عسى ربي يجملنا معك ياصفوة الأجيال= على وضح النقى والعلم له ضامن وضماني
بنينالك في وسط قلوبنا ياضيفنا منزال=وفرشنالك ورود مقطفه من عال الفناني

ابو محمد=
يامرحبا فى مرحبا واهل الوفا حييتها =نمشى على قانون ثابت من قوانين العرب
واناعيونى يمكم فى المنتداى لديتها =وابغى العميل الى يسد النوب لاجاه الطلب
خليفه المزروعي=
الله لعلك للبقا ياللي لنا مديتها=ترحيبةٍ(ن)مثل الذهب مال الذهب غير الذهب
أنا خويك ياسعيد وين ماوديتها=وأبشر برجلٍ فالمواقف ياصحيبي ينحسب
ابومحمد=
عفنا ديارك ياخليفه بعد ماكبيتها = واعلام سد اعلام ماحلت ولدرى شسبب
النارمشتعله لهاعامين ماطفيتها = والنارلالقيت حطب معاد بتبقى حطب
خليفه المزروعي=
أنا أدياري ياعميل الخير ماخليتها=من دونها حماي للموقف ولا نشكي تعب
والنار سبتها الرجال اللي تزود زيتها=وأيامنا هاذي مع الصدقان ورتنا العجب
ابومحمد=
بقيت ركعه فى صلاتك ليه ماصليتها =وشعبان لايوم القايمه ما يقدم عن رجب
احبالهم متعقده رواحت ماحليتها = والى يدورنايبه ميكب نايب لاعزب
خليفه المزروعي=
أنا صلاتي وافيه حسب الشريعه اديتها=وعالم مغير منهجه مالي على العالم غصب
ليت الرجال اللي على بالي تعود ليتها=ويرتاح قلبي من هموم الربع ويزيل النشب
ابومحمد=
بعض العرب ماتستمع لنداك لو ناديتها =وانته ترجا فيه لاذلحبن والحمل انقلب
والى يسيب دلتك من بعد ماصبيتها = خله يروح فى طريقه لين يعثر فالعتب
خليفه المزروعي=
اللي تقفي في حساب الربع ماصفيتها=شوف النجوم الطالعه ماضرها نجمٍ(ن)غرب
وأنا يميني في يمين أهل ألوفاء شديتها=وبعض العرب ماعاد يعنيني بعد ولا قرب

حمد جعفر الشيخ=
سلام سلم واستلم... قافن جديدن في بناه=ياضلع في راسه علم قود المعاني قودها
حنا نعرف العلم علم... الرجل يرفع مستواه=والكتب من راس القلم قود المعاني قودها
خليفه المزروعي=
يامرحبا مني لزم شاعرو هندس في بناه= وأنا لقافك مستلم قود المعاني قودها
واللي كتب قاري سلم يجني بعد علمن قراه= من عندكم وانته الحكم قود المعاني قودها
حمد جعفر=
عساك باقي ولألم شاكيه نير وش دواه = وايامنا مثل الفلم قود المعاني قودها
لو يعتلي منهو ظلم لابد ما يلقى جزاه =بنيه على الراس انهدم قود المعاني قودها
خليفه المزروعي=
منهو من الدنياسلم ويقول حصلي مناه=فالعرب ولا فالعجم قود المعاني قودها
الظلم يقفاه الندم ويذوق من كاسن سقاه=ماكل بيضا لشحم قود المعاني قودها
من يتعض منها فهم الجور يامقصر مداه=يحكم وذلحين أنحكم قود المعاني قودها
قدا م خدام وحشم واليومه ايدينه وراه=أشعيل راسه فالخطم قود المعاني قودها
خليفه المزروعي=
دنياك هاذي من عدم واللي يشاه الله يشاه=والعاقل اللي مفتهم قود المعاني قودها
فرعون شوفه من قدم عبره لمن شافه واره=خلاه ربي منجثم قود المعاني قودها
معاد له فيها عشم...الحب جاء تحت الرحاه=لاعاد خال ولا أبن عم قود المعاني قودها
لو جاه في صدره سهم...أخير من بعض الحياه=البيت ظلم وانقسم قود المعاني قودها
قصرن مشمخ وأنهدم ... لا الرب حكمه في بلاه=والرمز عود منحطم قود المعاني قودها
يعوضه الله فالألم...ربه ولايضيع رجاه=لوكان حاله مستسم قود المعاني قودها
ياشعب فرعون الهمم...حافظ على فرض الصلاه=والعزم يبرا النجم قود المعاني قودها
راح الظلام المدلهم...من بعد نور الصبح جاه=هي بشرع الله احتكم قود المعاني قودها
خليفه المزروعي=
يالله صلاحك فألأمم...يارب ماشي يخفاه=الحال روح في عتم قود المعاني قودها
اللي على كتابك قسم...ويخون في علمٍ(ن)عطاه=معاد فالدنيا لزم قود المعاني قودها
ياشعب فرعون الهمم...حافظ على فرض الصلاه=والعزم يبراه النجم قود المعاني قودها
راح الظلام المدلهم...من بعد نور الصبح جاه=هي بشرع الله احتكم...قود المعاني قودها