|
ديوان الشاعر عبدالله جابر المعبدي
بديت بســم الله رجــاي ومــلاذي = رب الخلايق كاسي الطير بالريش اللـي مـردي له عـزاي ومــعـــاذي = كلي صبر ومطنش الوضع تطنيش امشي وسيري في الطريق المحاذي = واللي خلقني كافلن لقمة العيش وان قلت راحت هذي اجيب هذي =وان كان راحن كلهن قلت حتى ايش لاذي ولاذي جت ولاذي ولاذي = وانا على حالي خوي الدراويش اللي الغني منهم حذر ومتأذي = اهل البساطه ساكنين العشاعيش كميت الصبر اوشكت لنفاذي = الله يعينك يا النفوس المعاطيش ما قلتها حرفه ولاهي تهاذي = من حر مابي قافل الوضع بالشيش القاف عقده اوله فوق اذي = والماقف الثاني مركب على ايش وصلاة ربي في قرار اتخاذي = على نبين حارب الكفر والطيش |
بسم الله الرحمن رب الملك رب العالمين = الخالق اللي نسجد لوجهه ونطلب طاعـته اللي وعد خلقه بجناته ولي المؤمنين = يوم السماء والارض مطويه سوى وبراحته الاجر منه بلا حـدود لاولـيائـه الصالحين = اللـي على سـنة نبيه حافـظيـن وصـايـتــه ما ينظرون لمعصيه بأمر الاله موحدين = الخوف من رب الملا يفرض عليهم رهبته هـذا الـعباد اللـي نـجو بأعـمالهـم دنيا ودين = بعد المـشيئه مـن الـه كلنا في حاجته يانفسي اللي تشتهين وتعشقين وتطلبين = واللي تشوفينه يزول وكم عيون شافته انتي بدنيا ماتدوم لحي واصحي واسمعين = لا تودعيني في جحيم ماتقاس نهايته والعلم في كل الوسائل من يسار ومن يمين = مسجل اللي تعملينه في كتاب بساعته ومنين يادرب النجاة وكيف بالله تعملين = في ساعه في الفجايع كـم خفـوقن راعته واليوم فرصه واعملي مثل العباد الصالحين = اللي تجاهد لصلاح ودينها ما باعته واللي على درب المعاصي طالعين ونازلين = الله يـهديهـم وليـن ما تضيع وداعته وصلاة ربي عد ما مرت على العالم سنين = على نبـين فالعـباد مايــخــون امـانته |
راحت علومن في القدايم لها دور = ولاحـــدن تـــعدى حــدها و إعتـــمــدها تمـــشي مع اهــل العرف في بر وبحور = واهــل الامــانه مــاتغير وحــدها من يفهم القانون منهـــي ومـــأمور = مـــن واقـــع الخبره وعلمه رصدها واليـــوم كــلن له عـــلى منهجه شور = احدن على العادات واحدن جحدها واحـــدن يعــرف الــعلم ويلــف ويـــدور = يـــتبع خـــفايا حـــليتن معتقدها واحـــدن يـــشيل المـــضمــده كأنــه الثور =وأن حمــلوه الناقصه ما فقدها انــا كــتــبـت الشــعر فـابيات وسطور = وأخـــواني الــشعار تبـذل جهدها قـــلــت الـــعبــــاره وكل ما قلت ما جود = ولا بـــيــوت الــعز ثــابي عمدها والعلم لاهل العلم نور ن على نور = واهل الحسد وش حصلت من حسدها وصــلاة ربــي مـا تـنـبت زهـور = عـلى نبـين سـنتـه مــــا بـعــــــدهـــــــــا |
يا سلام الله على اصحاب السمو ذي بدأ واصحاب المعالي والسعادة = يـا سلام الله عـلى الشعـب السعـودي فـرد فـرد وقبـيله قبـيله = يـا سـلام الله على اطهـر بـقعـة في الارض لدين في نهج وعبادة = مـهبـطٍ للوحي قبلة عبـاد الله والاعـمـال الـفـضـيـلــــه = دام عزك يا وطن تحت حكــم الله ودام الولاء الاهل الولاء والسيادة = وعـاشوا آل سـعود وعـاشت بـلادي والعـلم خفاق ورأس الطويله = من يـعادينا نعـاديه وتـراب الـوطن نـفديه بـالروح بقوة و إراده= من يبي يسعى لفرقتنا بوحدتنا نقـول إرتاح هـذي ترآهـا مستحـيله = |
يا هاجسي مبداك بحــــــــروف يايا. =ببيوت شعرن كلــبوها علـــــى ياي هات البلاغه كلها بحــــــــــــو يايا =وارسم على معنئ القصيده خفايايا لــي صحبتين فالشعر ولي خويايا =ولـــهم مزياهم وأنــا لــــي مزياي وجروح قلبــي مـــن شقاه ادميايا =داخــــل خفوقي ما ابــيح لشكاياي لشـــعر قـــوة ولعطـــــاء أقويايا =وله عشق دايم مسكنه في حناياي واللي بسوق المفردات اغنايايا =ماهــم بحاجة ينظرون لعطاياي هذا شقى الدنيا وفيه أرويــــايا=تروي روياها وأنا أروي روياي والاخـــره فيها أسعد وشقيايا =الله يسامحني ويغفر خطاياي |
سلام يا طيب النوىسلام يا طيب الهجوس=سلام يا روح المحبة والنفوس الصافية سلام يا شرح الزمان اللي تعابيرة دروس=سلام يا درب المعزة والحظوظ الوافية يا هاجسي تلعب بك الدنيا ونبضاتك عسوس=ما جابت المطلوب والنظرات ما هي كافيه إن حدك الحاضر على الماضي و خافقك محبوس=اصبر على غدر الزمان ولا تبين الخافية عز الله إني ما فهقت الرجل مع درب النجوس=أوفي وأبي علم ألوفا ودنيا يما هي وافيه الصبر مفتاح الفرج وان خيم الوقت العبوس.=مادام حال أيامنا و ليالنا متقافيه صحيح أنا لا حيلتي منصب ولا صاحب فلوس=ولا أعبد وجيه ولا بنيت لصحبتي أهدافيه عندي ثقة بالله تكفيني ولي قدر محسوس=وعندي قناعه بالمقدر و الغناة العافية الوقت خيب هقوت الهاقين و لادناب روس=واللي مضى مضرب مثل تسفيعليه السافية وان قلت يا طيب النوىبقول يا طيب الهجوس=سلام يا روح المحبة والنفوس الصافية |
أكتب على بيض الورق نبض الاحساس = الـحـــبر من دمي والاشعار همي وأبني كـما بني الــمعلم عــلى ســـاس= لو كان لايـمــه ولا هــو بيــــمـي إحـترت في وقـت به الفكـر محـتاس = وعجزت انا لمــعاملــة ويش اســمــــــي اسـج بالـهاجـوس باخمـاس و اسـداس = واخاف من جيبي على اطراف كمي قامـت مع افـكاري يدقـن الاجـرس = الـقادم اخـــطــــر والــــعــوامـل تنــمــــي واعـوذبـالخـلاق من كل وسـواس = واحــــك راســي واربـطـــة بالمعمــــــي مما تشوف العين من بعض الاجـناس = فـــــية الـــــعنا والـــضر للمسـتهمي يـــاســــمعـين الــقول لابـاس لابـاس = الـخاتمة بالــــفكر عيــــت تـتـمـــــــي يوم الطبايع فرقـت نـاس عن نـــاس= كـــــل على مــــــابة بعــــمرة يـزمي أحد من أهل الطيب قدرة على الـراس= وأن جـا مـجالـــة في الملا مايذمي وألـيا هــــرج هـرجة تعـابير وقياس = حـــكمة لبـــيـب لمن طعم كل جمـــى مـاجـاب مـعدن جوهر كـل غـــطاس = حـــريص مـاخـــم الـــمواضيع خمى أحـد مـا قـيــــل سـامـج وهـــــــلاس = صــحيـح اقول الصدق لو أبن عمى مـثل الـعلم لاهـبت انسـام نسنـــاس = تـلعـــــب بـة الاريــــاح ويقول يـمي ولـيا نـصحتة لدلك واضرس أضراس = مـالــة مع اصحـاب المـعاقيل لمي أحـد خبـيث الطـبع خـاين وبـلاس = عـــــايش على الـغدرات ما فية ذمي بشر لـمن ياطـى المزاري بالإفـلاس = مـالة عـــــلى درب الـمـعزة مـتمـي |
يا سلامي من هجوسن مسري نـــوها = سامـــــرتني ثم سأأأامرتها لــــين الصباح سيطرت على الـضماير وغيم جوهـــا = مـــن بـــحرها زلـــزلت بالرعد والبرق لاح لا ظلمن قلوب سالين شعشع ضوهـــا = مـــحرقه وطـــعونها فالــــحشا مثل الرماح الــسنين وغبــر الايــام زايــد سوـــها = كـــــل ما عالجت لي جرح جاء غيره جراح والحزن وظروف الاقدار ما هي توها =كــم حــــزين شـاف ما شفت واعلنها وصاح مــا يفيــدك يا فتــى لــيت و لا لــــوها = الجـــواري حــــكمـــت الله ومــا عنها مراح ميرعان الصبر قول يا مهندس سوها = خــــل صـــم جبــــالها كأنــها الصمد البراح فـــالعزيمه مـصدر الا حتــــمال وقوها = تكسب الجولــه مع اهل الضغون بلا سلاح في زمــانك عاش خير الرجال وبوها = كـــل مـــنهم مـــهتني في مـــجيــه والمراح والاسد ويش همه ان كان ينبح هوها = ســـيد الغـــــابه ولا يــــنظر لكــــثر الــنباح ضــاع مـــن يتـــبع فجاج يضيع دوها = والــــفهــيم يـــدل من ضــاع ودروبه ملاح يــالعل اهـــل المعالي يــــدوم عــلوها =والــــسفالي حــــد وجـــهة نـــظرها مـستباح مـــير دلل الـــمهابيل ولا غــــوهـــــا = مـــــــــا يفيد ان كــان تفكيرهم غير الصلاح وضــــعهم موجود فالدار مثل جلوها = فــي دروب الــــخير دايــــم مساعيهم شحاح والقــــصيده ينطــــرب للقوافي اوها = يدفـــع الــــهاجس بــــنوده على درب النجاح والــــحقايق تزعل اللي نبذت غلوها = لـــــو انا دايـــــم اسيـــــر الحـــقيقه والنصاح |
معادات الرذيله = ياراعـــي دروب الـــرذيله ســـلامات = أهـــــل الفــضيله عن مجازاتك شامت اخـــترت في دنــــياك للــــمنزل أيات = والاخــــره عنــــها ضمــــــايرك غابت انظـــر بعـــينك والمــــشاهد علامات = للــحـــي فيهـــــا سكــــتيـــن تبـــــارت النـــاس لـــن جــات الحقايق مقامات = وانت اعتبر من وضعها كيف صارت لو قلـــــت لك باقي من العمر ساعات = وسنين عمرك يابــــن الاجـواد راحت متى تعــــوض والــــــمجازر محطات = ورغبة عزومك بالخفوق استـــخارت وقف بحوثــــك كلــــها والــــدراسات = حدك زمانــــك والــــفصول اسـتدارت لاتحسب ان مابه ذكي الا انت بــذات = حـــــيلـــتك ياراعــــي المحــايل بارت الناس صارت تعرف اهل الشعاراات = الزايـــــفه يــــومي الـــخديعه توارت اهــــل الــــوفا دايـــم خطاهم جريات = علــــى دروب العــــز صــــالت وجالت مـــالك عـــلى مـــا يـــبذلونه علاقات = ثابيــــن يــــوم خـــطاك حطت وشاالت لـــكن تـــوب ولا تــعد الـــــــمسافات = ان تبـــت صــــادق قـــل خطاياك زالت وان تـــبت لا تحزن على كل مـا فات = لاتيــــأس اخــــذ االعـــلم كــبرت وهانت |
ياطير = يــاطير يامــصغي قـــلوب الـــمشـاهير = زادت صواديف العنا والنكاده دربك خضر يا طير واشوفك على خير = سلم على ايام الهنا والسعاده ولـــى زمــــانــك واتــعبــتك المشاوير = وصلت حـــدك ما يبالك زياده لاتنـــتحــر لاصــــادمــــتــك الـمقادير = ولايحدك الحال الردي لنقاده حمى الضنك صـاحت لحمى الخـنازير = تــهـــدد نـفــس الملا بالاباده ويومن براكيـــن ويومــن اعــاصــير = جندن خبرها تستحق الاشاده ياللـــي تبــي الراحه وحسن التدابير = فالدين والسنه وحسن العباده ياطير يازيـــن الجنـــاحيـــن يــا طير = جاك الخبر والقول مابه اعاده احفــظ عـــلومــن وأودع الـسر فبير = وارحم ظروف قليلين الرشاده |
الساعة الآن 10:14 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir