صياف الحربي+خليف ابن دواس
السلام عليكم
مساء الخير محاوره قديمه في عام 1402هـ بين خليف بن دواس وصياف الحربي في محافظة مهد الذهب وكانت بحضور أمير مهد الذهب السديري وقد لعب مع الشاعر خليف بن داوس وصياف الحربي وكان من ضمن الشعراء مطلق الثبيتي و الزلامي و......ألخ
خليف دواس= سلام الله سلامٍ فيه ماجينا من أجل فلوس=على حسب العوايد عن مطير أعيال عبدالله مريكاء ماتكون جيشها إلا حاسبه للروس =ولا هي مستعده للقتال إلا من الذله صياف= الا يامرحبا ترحيبة ٍ تقطع بحد الموس=وأنا برفع بروس الناس مير الناس منحلة عساها شجرةٍ خضراء ولا يدخل عليها سوس= ليا من جو لها البدوان تلقى الريش والبلة خليف= أنا أقول البقاء للناب ناب وللضروس أضروس= وأطباء المختبر مايصنعون أدواء بلا عله خسارة يالحزام اللي على وضح النقاء ملبوس=معلق في جفيرٍ من خشب خالي من السله صياف= لو أنك ياخليف أتحط لك وسط البلد جاسوس=وبكرة تشتري له مزرعة وتحط له فله إلا ياخليف كلن هز راسة يبغي الناموس=تبون الناس مير الناس ماتبغى لكم شلة خليف= تبى تقبل وتقفي يالسحيمي والعلم منكوس=وأبو عمار ياسر يعرف إن القدس محتله ليا مني لقيت المرة اللي بنها محموس=أدق أبهارها والنجر مثل مبرقع الدله صياف= درستوا فالمدارس مير كيف تغيبون أدروس=مدام أن المدارس قاسية ماتقبل الزله ياشين البندق اللي يوم ترمي مالها نادوس=بكف الجاهل اللي مامعه مذهب ولا مله خليف= الا يالطالب اللي بينهم تحمل بكالريوس=حقيقتكم قلوب مقلقله في زيت مازله الا يالحمة الخنزير يوم تعاند الجاموس=ليا ولع عليها الجمر الاحمر جات منهلة |
صح السنتهم وعسى الله يرحمهم جميعاً وبارك الله فيك على هالطرح .. |
مشكور اخوي نورت صفحتي
اننتضر بقية الاعضاء |
الله يعافيك
وخليف شاعر كبير وليس أسطورة بلاش من التطبيل وتنزيل الشعار في غير منازلهم ومطلق دكتور شعر وأكبر من خليف |
الله يرحمهم جميعاً وشكراً لك يانواف
|
مـشـكـوريـن نـورتـم صـفـحـي
بـوجـودكـم الـمـتـمـيـز |
مشكور و رحم الله شاعر الخليج صياف الحربي
و الشاعر الكبير / مطلق الثبيتي و الشاعر/خليف بن دواس |
صح لسان شاعر القبيله وابن العم القريب صياف السحيمي
وصح لسان الشاعر الكبير ابن الخال العزيز خليف بن دواس رحم الله ابو ملفح ورحم الله ابو طارق والله يتجاوز عنهم جميع ساروا الى الله فهو حسيبهم كانوا شعراء كبار بكل ما تحمله الكلمه من معنى تقديري |
مشكور والله يرحم شعرائنا الكبار
مشكور يابن العم تحياتي |
محاورة جزله ورائعه
مشكور ومجمل وماقصرت |
الساعة الآن 09:44 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir