ملتقى قبيلة حرب الرسمي

في إشادة جديدة من أحد وجهاء قبيلة حرب وهو رجل الأعمال المعروف الشيخ غويزي بن نماي الجابري الحربي، استلم الباحث الأستاذ فائز البدراني الرسالة التالية:

(هذه الأبيات مهداة للأخ/ فايز موسى البدراني الحربي.. حيث إنها تعبير مختصر عن الذي في القلب، وإنه يستحق الشكر والتقدير في جهده الذي بذله في خدمة قبيلته قبيلة حرب، وإنه خير من يمثلها إعلامياً وتاريخياً..

سلام للي يشيل الحمل وأرسًا لـه
يا تاج راسي ليا هَبـَّت ذواريها

يا حرب يستاهل التكميل من نالـه
والطيـِّبـَه ما تجوز إلاّ لـراعـيـهـا

قريت تاريخنا محفوظ بـرجـالـه
ولا هان راسٍ كتب عن حرب ماضيها

بالمال والحال ميقافـه ومن بالـه
والكفو شالا الأمانة ما جهل فيها

أثبت وجوده وبرهانـه وما قـالـه
وحقيقة العِلـْم تشهد لـه مـعـانـيـهـا

الشكر يستاهلـه فـايـز ومـرسالـه
وامجاد ربعـه تنومس من هرج فيـهـا

ما همه اللي طوى صفحة من اهماله
وفي باله علوم ما حَـدَّد طواريـهـا

والعاقل اللي بلى في جاهل أوما لـه
إن ما صبر ضاعت السبحه بما فيها

وإن ما تغاضى ما يلبس بشت وعقاله
أيامنا مـرَّهـا يعكس حلاويـهـا

يا حرب حيو لابو تركي لفنجالـه
يستاهله، والحقيقة ليش اخفيها

هو من سيوف القبيلة تسعد لـْيـَالـه
شهادتي في بيوت الشعر مهْدِيـهـا

وصلوا على اللي بعثه الله برسالة
شفيع الأمة ومرشدها وهـاديـهـا

مع تحيات / غويزي بن نماي الجابري الحربي