الهم باقي والصبر مني انحاش=ابكي واناشد حضي وش فيه نايم
الناس تحكي بالملايين والكاش=والحال عندي دايم الدوم عايم
اماشي الطيب ولااماشي اللاش=اللي يتمتم بالقفا والنمايم
كل حي له عند خالق الكون ماعاش=واللي رقد راحت عليه الغنايم
معروف عني ذيب للصيد حناش=اصيد جزلات(ن)واعوف الهلايم
حطيتله فالقلب منزل ومفراش=اصبحت مجنون(ن) في حبه وهايم
دقات قلبي لااقبل اطلاق رشاش=وبعدي تعدا يصبح الجو غايم
اسقيت زرعي لكن الزرع ماعاش=الماء كثره يقتل الزرع دايم