يانار شبي واشعلي ضو ينشاف = لو الزمان الزين يانار فاتك
يوم ان في جالك رجاجيل عراف = واللا زمان اليوم راحت طراتك
ياما شعلتي بين شيخان واشراف = يوم العرب حياتهم من حياتك
من شبتي يانار لي معك ميقاف = الياشعلتي قمت اسوي سواتك
واليا دنا منك الجمر جبت خطاف = والم جمرك حيد والحق وشاتك
وانصب دلالي في قرى الجمر وقاف = واحرك المحماس فاعلى بناتك
على سواة الكيف انا كنت ميلاف = ضاري على شبتك ومسامراتك
واقهوي الخطار زاف ورى زاف = ايام زلت حالية من حلاتك
فنجال ماسوي على النار ينعاف = لاذاقه المشتاق يلقاه ماتك
شبي من المغرب الى وقت الاصداف = وانا على مركاي اراعي سناتك
والياانتهى زادك بنسعفك باسعاف = من الوريث اللي هواك ومناتك
انظر بعيني فيك ثم العب القاف = وابدع قريحة حامية من حماتك
ماني من اللي مغتني عنك بالحاف = مدام راسي حي يحرم مماتك
مدي سناتك للعرب قدم واخلاف = لعل من شافك توجه جها تك
يمكن يجينا ضيف والبيت مضباف = نكرمه يانار من مكرماتك
واللايجي من شاف فالعمر ماشاف = اسمر معه وتزيد عندي غلاتك
للي يجي ترحيب من كل الاطراف = مادام شبيناك حنا حماتك

المشاركة الأصلية كتبت بواسطة سعد المحمدي (المشاركة 1152300) الشاعر القدير حسين مريع قول وفعل صح لسانك وعتلا شانك

المشاركة الأصلية كتبت بواسطة سرورالبشري (المشاركة 1152305) صح لسانك وعتلا شانك

المشاركة الأصلية كتبت بواسطة رابح الجحدلي (المشاركة 1152344) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك