لو كان تعلم سخى قلبي = واحساسي اللي ضمرته لك
مايسير وضعك معي سلبي = ولا يساورك فيه ادنى شك

اخـاف لابـوح لـه ودي = واخـفي شـعوري عنـه بالـذات
خـايـف منـه لـوعـرف ســدي = يـبـعـد وتكثـرمـعي آهـات

نسمة هوى غايبه هبت = كنت احسب القلب ناسيها
حزنت عيوني معي صبت = دمع الجفا من مأقيها

لا تسألوني عن اجروحي = يااهل المفاهيم ويش آقول
الجارح اللي جرح روحي = له منزلة ود عرض وطول

اسـمـع صـدى صـوتـى الـمـبـحـوح = يـرجـع مـع الـريـح بـغـيـابـك
غـديـت مـنـه كـثـيـر جـروح = احـسـبـك رديـت حـيـابـك

من في الخلايق رهيف احساس = ينقذ فؤادي من احزانه
قدام لا تبين عند الناس = ويشمتبها كل عدوانه

كفي بكفه تحت غيمه = نمشي تحت وبلها عشاق
يضوي قمر وجهه بديمه = لا شع برق السحاب وراق

لي قلب يااهل المشاعر ذاب = بين النواعس وضل رموش
عايش تحت فيهاحراب = ممنوع من لمسها والنوش

همي وحزني وآلامي = مافاد فيها طبيب وعون
منها نزف جرحي الدامي = وضيق على اتساع الكون

اقـول رأيـي وانـا مـرتـاح = مـا هـمـنـي نـاتـج الـقـسـمـه
الـلـي جـبـيـنـه قـمر وضـاح = عـرش الـجـمـال انـكـتـب بـسـمـه

مـشـتـاق اوقـف عـلـى اطـلالـه = واسـكـب دمـوعـي نـهـرجـاري
واسـأل عـن الـخـل واحـوالـه = يـاهـل تـرى حـس بـفـكـاري

من قلك اني قدرت انساك = وانسى لياليـك وايامـك
وأنا اتذكرك في ذكـراك= وأشتاق دايم على ليامك

قطرة ندى نرجسي سالت = على ورود الخدود احزان
حتى غصون الهوى مالت = تشكى من الشوق والاشجان

آه الاسـى كل مـا ولى=عوّد على خاطري ثاني
وان كان كثره معي ظلا =بيدمر احساس وجداني

عـلى غـديـر الـهـوى ذكـرى = عـادت مـع الـغـيـث وابـكـتـنـا
لـوشـفـتـنـي بـمـنـظـر الـمـسـرى = تـبـكـي مـعـي حـزن حـالـتـنـا

كم اخفي احساس وجداني = وياكم اداري دموع العين
وصبري وصمتي وحرماني = سددتها من حياتي دين

فوسط قلبي زرعت الحب = جناينه مرتع احبابي
سحر الجنوب الذي ينحب = باين بعيني معي رابي

بحر الموده سعينافيه = وشفنا مراسيه وامواجه
عزي لمن ماقدر يرسيه = ويحوز مرسى على سياجه

لـي فـي جنـوب الـوطـن احـبـاب = اخيـلهـم دوم فـي عيـونـي
والشـوق حـاظـر مـعـي مـاغـاب = وش حـيلتـي لـوتنـاسـونـي

ماكنت افكر يجيني يوم = عذب اللما يجرح احساسي
حتى حرمني لذيذ النوم = والهم خيم على راسي

حكم بشريعه ونصر الدين = وراية وطن نفتخر فيها
وملوك لشعوبهم وافين = وبلادنا الله يحميها

لوكان تدري عن جروحي = واللي جرى لي من الغالين
ما تلومنى في تعب روحي = لما تعبها علي يبين

تكون الود في صوره = عيني تشوف الامل فيها
لكنها الروح مأسوره = مع ودها اللي مصافيها

انظر معي في عذاب الذات = اللي تغلغل بوجداني
وسارسلطه من السلطات = دونن عن الناس ينصاني

احـسـاس قـلـبـي ابـد مـاخـاب = فـي خـل غـايـب عـن اعـيـونـي
والـجـرح فـي خـافـقـي مـا طـاب = عـمـيـق اثـر عـلـى نـونـي

اشـكـي بـعـاد الـغـرام الـمـر = وتـجـرحـنـي ا لآ ه واخـفـيـهـا
وكـل مـا سـنـيـن الـمـآسـي تـمـر= تــزيـد روحــي الــم فـيـهـا

عم الفرح روح مشتاقه = تفرح اذا شافت الغالين
اللي لهم ود وعلاقه = ولشوفهم دوم مشتاقين

لابأس ياقلبي الحساس = ماكل ماتريده تطوله
الله مولف قلوب الناس = ولا يجي شى بسهوله

وردا تفتح على فنونه = باهي حسن منظره جذاب
في روض محصون بحصونه = مال العواذل عليه باب

اخفي عن الناس مكنوني = وافرح اذامربي طاريك
واخاف تفضحني عيوني = بالذات لا ذكروني فيك

مـاحـط عـقـلـي مـع الجـهـال = بـعـد الـنـظـر عـنـدنـا عـالـى
افـعـالـنـا تـسـبـق الاقـوال = ويـاحـظ مـن كـان فـي جـالـى

سار يتجاسر حبيب الروح = يجرح فؤادي وانا احبه
ويرتاح لا شافني مجروح = ويبخل على القلب في طبه

اخفي مابين الضلوع جْروح = ولا بِيْح للناس باسراري
عندي أمل تنتهي وتروح = وتنطفي بعدها ناري

غطى على انوارهم نورك = يانجم واضح مابين نجوم
كم انتظر لحظة حضورك = ويفرح بها قلبي المحروم

انا حصيلي من الايام = قصة عنا تتعب الراوي
واحداث سارت عليا الزام = ماني على صدها قاوي

تاريخ تفخر به الاجيال = من عهد ابويه و جداني
مؤسسينه ثلاث ابطال = حرب وعتيبه وزهراني

صورة قمر فوق سطح الارض = شاهدتها وانذهل طرفي
تفرض غلاها عليافرض = ويترجم احساسها حرفي

صدق المشاعر وصفو الذات = تجسدت فيك يا الغالي
حساس قلبك وعذب صفات = ما فيه مثلك شرح بالي

اسأل نسيم الهوى لاهب = اني سألته عن اخبارك
واني معذب ومغرم صب = مايفارقه طيف تذكارك

اخفيت حبي عشان الناس = ماتعرف اني بكم مغرم
خايف على وضعى الحساس = لاسير بين العرب مجرم