القلب مجروح ويعاني = واقول بكره يزين الحال
والقى الأسى يبتدي ثاني = من حي ماله مدى وآمال

انا تحيرت كيف ارضيك = وانت العتب دائما طبعك
والعند دايم طبيعه فيك = آسي ولا انتا مثل ربعك

احناسمعنا من الأخبار = مطلع خبر كلن يذيعه
مكشوف سره بدون ستار = وبانت علينا مواضيعه
يستاهل اللي لعب بالنار = لوكان تحرق اصابيعه
يعيش وسط اللهيب الحار = والكل يشريه ويبيعه

عليك بسم الله الرحمن = وبسم الله ابداك يا حرفي
يامن تعبر عن الوجدان = وتأخذ الحبر من طرفي
وتنوب عني جسد ولسان = وتسدني لا حكم ظرفي
ولا يختلف لك ابد ميزان = وانتا مصادرك من صرفي

ياحظ من يتقي ربه = ويخلص معه بالجهر والسر
يزرع ويحصد ثمر حبه = ومعه اتزان الحياة يقر

راشد (المحيط)=
عبء الزمن سار متعبنا = والكل مشغول في حاله
حتى الوصل مع حبايبنا = ناله من البعد ما ناله
ونبغى مسافه تقربنا = والود نبقى على وصاله
عن بعضنا لا يغربنا = ونشكي عذابه وغرباله
ابو سالم الرحال=
مافالزمن شى يغلبنا=وحموله تشيله جماله
اللى يجى من سبايبنا=من فعلنا ماهى افعاله
وصال المودين واجبنا=مانقطع رشاه وحباله
مهما المسافات تبعدنا=لابد ياصاح نصحاله
امير الكسرة ناصر الحجوري=
ياراشد الوقت شيبّنا = وغيبّ حضور اعظم رجاله
تسعى في بحره مراكبنا = والود نرسي على جاله
مايميل للشك جانبنا = لو طولّ البُعد ترحاله
يبغى عشمنا في صاحبنا = مضمون والشك ماطاله

صوره من القلب شفافه = خذها معك للزمن تذكار
وانظر معي بالذي شافه = واللي توارى عن الأ نظار
يعطيك جانب من اوصافه = ويخبرك عن خافي الأ سرار
لما تشوّق على اولافه = اللي لهم في فؤاده دار

مع ظلمة الليل وسكونه = وغربة مشاعر وبعد احباب
جمره من الشوق مكنونه= وهاجها بالحشا لهاب

مشاعري تحترق دايم = وا هل دمع العيون انهار
واذكرك حتى وانا نايم = والفكر مشغول باستمرار

البدع امير الكسرة =
ليه العواذل تحب البُعد = بين الحبايب وتسعاله
من كان عنده جواب يرد = ويبصم على صحة اقواله
الرد راشد الزهراني =
معروف طبع العذول الحسد = الله يجازيه بفعاله
دايم وهو للموده ضد = ويموت ما حقق آماله

اماني المرء في دنياه = كل ما تزيد الحياه تزيد
ولافيه واحد ينول مناه =ولا تجيله مثل ما يريد
والأمر والمنتهى لله = ماهي على الكيف بالتحديد
حتى يحصل ما تمنيناه = اقلها لو نهار العيد

تمضي على العالمين ظروف = اشد واقسى من الواقع
تيارها بالخطر محفوف = وسمها بالحشا ناقع

تفتح الورد باكمامه =وشوقني المنظر الجذاب
واشتقت للود وايامه = اللي زمانه عليه غاب

جرحتني وانت ما تدري = واحرقت قلبي ووجداني
يامن لك الود في صدري = ولا فيه غيرك احد ثاني

خذ يا مداد القلم دمعي = واكتب على صفحة الأ وراق
واوقد من الآه لك شمعي = واشعل لضاها من الأ عماق

قدمت عطفي ومعروفي = لهل المعاريف واهل الطيب
واقول راعي الوفا يوفي = وشمسه عن اهل الوفا ماتغيب

هل المطر فوق وجه الأرض = وتكونت للنظر صوره
فيها يرى الحسن طول وعرض = وزهور بالروض منثوره

راشد الزهراني (المحيط)=
حسب السواير وحسب القن = اللي عليه العرب يمشون
سلام لأهل الأدب والفن = اللي مثلهم ادب وفنون
من غيرك انصاه وأسأل من = والقى الجواب الذي مضمون
عن قلب بين الحنايا أن = ينزف ومن جارحه مطعون
الشاعر القدير طه بخيت =
ترحيب تسلم لنا ممتن =وياراشد المعذرة ماتهون
اليوم شفت الكتاب وحن=قلب الطّرب عن جميل لحون
وياكم زار الغرام وجن =ولو تحسب اللي اهتنى مايجون
"قليل " وإنت عليك إستن =اللي ضحك والذي يبكون

اواه ياقلبي المجروح = عانيت جلطه ورا جلطه
من اول اقدر اجي واروح = واليوم ماستحمل الغلطه

من شافني قال ذا مرتاح = والقلب مجروح ويعاني
معذور ما جرب الاجراح = ولا يعرف احساس وجداني
وكثرة انيني مسا وصباح = من جرحي اللي تحداني
اللي سوات الجبل ما انزاح = كل يوم اراعيه باعياني

انا اصدقائي من الا خيار =والصدق طبعي ولي مبدا
مثل الذهب صافي المعيار = لا يقل سعره ولا يصدا

دمعه على وجنتي هلت = وترجمة حس وجداني
من آه زادت ولا قلت = كأنها النار تصلاني
حلت بالعماق واحتلت = من حال واقع تحداني
كايد وروحي منه ملت = كلما انتهت عودت ثاني

طيف السنين الخوالي ذيك = لامربيا يذكرني
وعيني ياذاك الزمن تبكيك = واجمل لياليك تحضرني