عبر عن الوضع وأكتب تحت عنوانه
 

السلام عليكم ورحمة الله وبركاته

هذه مجاراة لأبيات للشاعر خالد بن مسبل العنزي
قالها وقت الحجر أيام كورونا ، والتي مطلعها

لاتبلش الناس كل الناس بلشانه
الناس في وقتنا خافت من يديها
.............

جاريته بالأبيات التالية

جاريـت لي وايلي فأبيات مليانـه
بعـد استفـز القريحـة حيل أهَدِّيِها

بأبيات من شاعـر ما خانـه لسـانـه
إليا نظمتـه على المشـراف أعديها

عبر عن الوضع وأكتب تحت عنوانه
النـاس تجنـي ثمـار وفعـل أياديهـا

مادام كثرت جنود أبليس واعوانه
وأهـل المبـادئ تخلـت عـن مباديـها

زادت ضغوط الحياة بناس طفرانه
وكوفيـد هذا تحـدي فـي تحـديــها

هذي رسايــل تحــذر نـاس غرقانه
يـاللـه بخيــر علـى العالـم تعــديهـا

صح بدنك
الله يعافيك
ووجهك أبيض

صح بدنك ياغالي
أنعم وأكرم بك
الله يقويك
تحياتي

صح بدنك
ومن يقول يسلم
تحياتي

(بأبيات من شاعـر ما خانـه لسـانـه
إليا نظمتـه على المشـراف أعديها )
كفو قول وفعل
صح لسانك مليارات

كفوك الطيب وماعليك زود
صح بدنك والله يعطيك العافيه
تحياتي

قصيده من شاعرمتمكن صح السانك
وعتلا شانك هاذا ودمت بخيروعافيه