ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)
-   -   السـيـره الذاتيـه للشاعر سليمان القصـيري (http://www.m-harb.net/vb/showthread.php?t=42076)

منصور المزيني 28-03-09 02:56 AM

السـيـره الذاتيـه للشاعر سليمان القصـيري
 
السلامـ عليكم ورحمة الله وبركــاته

أســعد الله صبـاحكمـ/ مسـاكمـ

هـذه نبـذه مختصـره عن الشـاعر سليمـان القصيـري
لكـي تعــرفـه جمـاهيره اكثــر.

إسمـه ونسبـه :.سليمـان بن صـالح بن مليحـان القصيـري من قبيــلة مــزينــه من حــرب0

مـولـده ونشأتـه :.ولـد الشـاعر في بلـدة قطـن الواقعه شمـال غـرب مدينـة الـرس عـامـ 1380هـ ونشـأ وتـررع فيهـــا تحـت كنـف والديــه0

حيــاته العمليــه :.إلتـحـق الشــاعر في السلك العسكـري في قطـاع الحـرس الوطنـي بالرياض عـام1395 هـ . وانتقـل لمدينه جـده لتأديــه مهـام عملــه وواجبــه عامـ 1400هـ ثم عـاد للريـاض.
وأُحيــل للتــقاعد عـامـ 1420هـ عن رتبـة رقيـب0 وعاد لمسقط راسـه قطن واستقر بهـا0

حيــاته الشعــريه :.بــدأ في كتـابة الشعــر ((النظمـ)) في سنـوات مبكـره من عمــره وبـرع في النظمـ ومن اولـى قصـائده قصيدته ذائعة الصيــت
اللـه قلبً هجـس فيـه هاجــوس 000 هـاجـس هجس بالقلب حالي نحلهـا0
ولـه من النظمـ الكثير الكثيـر ولايزال في أوج عطـائه0

وأمـا دخــوله في عالمـ المحـاوره فكـانت في عـامـ 1408هـ في الفـواره مع شـاعر الخليـج صيــاف الحـربي رحمه الله وتُعد هي اول محـاوره لـه. ((والطـاروق بين الشاعرين موجود في ديـوان الشاعر صيـاف الحربي))

ومن ذاك العـام وهـو يصـول ويجـول في ميــادين المحـاوره
كاشفاً عن موهبتـه الفـذه وداعمـاً لمواقـف قبيلتـه .وحــتى يومنـا هـذا.
وخـلا مسيـرته الشعريـه الطويلـه استطـاع ان يكـون لـه جمـاهيريــه كبيره. ويــعد هـو الشـاعر الأول جماهيرياً في القصيمـ0
كـذلك خلال مسيـرته قــارع الكبــار من الشعـراء وسأستشهد ببيت فتـل وبيت نقـض لـه ولكـبار الشعـراء على سبيل الذكـر لا على سبيل الحصـر.

*مـع الشاعر مسعد الجهنـي عامـ 1410هـ بالرياض-مسعد
وش زرعكـمـ بالسنه وش زرعكمـ بالشهور00 المزرعه عندكم ياحرب وش نبعهـا0
-سليمـان
ماعــنــدنا إلا مصـانـع فاتحـات النحور 00 وإن كان تجهـل قبيلة حرب ذا طبعها0

*مع الشـاعر عاضه البقمي(رحمه الله) عـام 1412هـ بالرياض-عـاضـه
امـا يتوبنـي الرجــال وإلا يتــوب 00 سبحـان من يخـرج الحيــه من الميتـه0
- سليمـان
أنـا ليا شفت لي حيـه تحك الجنـوب 00 أدور الجـرح ثـمـ ارقمـ علــى كيتــه0

*مـع الشاعر صياف الحربـي (رحمه الله) بالبتـراء-سليمان
البنـت بنت النـاس ياصياف ماهي بنت ابـوك00 وانته عيونك كل ماتنظر تبى تحتلهـا0
-صياف
يامرحبـا صاير ملك ما اخبرك من روس الملوك00 والماء بعيـد وجمتـه تنزلها تنزلها0

* مـع الشـاعر خليـف بن دواس المطيري عامـ 1412 بالرياض-خليـف
الليــله الشعـار مـثـل التـــنــــك 00 والله لا اقرقع عليهـــمـ بتنـكه0
-سليمان
اخليف ينفخ وهو وسط الشرك 00 عـودٍ يلاويلـه بوسط اشركــه0

*مـع الشاعر علـي الهجـله بالخــرج-علـي
القصيـر كبـر راسـه يوم عنـى بالرفـايع 00 يحسـب انه حاكم العربان لكن ماحكمها0
-سليمـان
شافني مع طـاقة الفـله يويق امع الربايع 00ساعةٍ نشوف فمه وساعــةٍ نشوف فمها0

*مع الشـاعر عبدالله العيـر عامـ 1419هـ ببريده-سليمان
أنا خيال وانشد بالبلد عن حضرة الخيال00 وانا القاسي وانا الراسي وانا خيال الأدباشي0
-عبدالله
بعد صارت حرابه لايطيح السيف يارجال 00 ترى الخيـال يالحربي يبيع الروح ببلاشي0


*مع الشـاعر زيد العضيلـه عامـ 1423هـ بالرياض-سليمان
اثـر عيونك يالمسيحـي مايخليـها الشهـاب 00 بالوجه حبة خال والدنيا كفى الله شرها0
- زيد
يالطرقـي اللي مامعك في طرقتك زاد وشراب 00 اللي برك يشتال والدنيا كفى الله شرها 0


*كذلك مع الشـاعر مصلح بن عيـاد الحارثي بالشفا بالرياض عام 1414هـ .ومع الشـاعر حبيـب العازمي بالخرج عام 1416هـ .ومع الشاعر رجالله المحمدي((رحمه الله)) عامـ 1420هـ ومع الشاعر فيصل الرياحي ((رحمه الله)) عام 1425هـ
وللأســـــــف لا احفظ من طواريقهم شيء0

ولايــزال شـاعرنـا في ميــادين المحــاروه واخر محاوره لـه من كتابتي هذه كانت مع الشاعرين ابو زيد الغيبوي وفالح الغنامي ببريده 28/3/1430هـ
*وهـذا جهد المقـل حاولت ان أُعــرف جمـاهيره بــه 0

تحيــــــــــــــاتي للجميع

ارجــو من المســئوليــن تثبيت هذا الموضوع0

فهد المحسن 28-03-09 06:35 AM

.
.
سيرة السعد والله..
ألف شكر لك يامنصور المزيني على كتابة
هذه السيرة الجميلة عن شاعرنا القدير
سليمان القصيري والذي له في قلوبنا أجل
التقدير و أسماه..
فــ هو أحد شعراء القبيلة الذين نتفاخر بهم
وبعطائهم ، و يعتبر صمام امان للقبيلة كل
ماحلّ في ملعبة..
سليمان القصيري ..مبدع ، شاعر مطبوع ،
شاعر حقيقي ، حميته للقبيلة مضرب مثل..
أتمنى له التوفيق ودوام التألق..
.
.
.
شكرا لك وللجميع

قـنـ حـرب ـاص 28-03-09 06:43 AM

الف شكر لك اخوي منصور

على كتابة هذه السيره الجميلة

عن الشاعر والعلم المعروف / سليمان القصيري

اتمنى له وللجميع التوفيق

القمة 28-03-09 03:47 PM

شكراااااا يامنصور المزيني

عن سيرة سليمان القصيري وسيتاهل ابو مشعل شاعر معروف وعنده حمية للقبيلة بدون اقصور بشعار الموجودين

الله يوفقه ان شاء الله

أبو عبد الملك 28-03-09 05:30 PM

مشكوووووووووووور على المجهود الرائع ,,,

الحميدي المخلفي 28-03-09 10:33 PM

والنعم بالشاعر بالشاعر أبو مشعل سليمان القصيري

شاعر وقامة شعرية معروفة
لها وزنه وقيمته

ويحسب له ألف حسااااااااب
كل الشكر لك أخي منصور على هذه النبذه المختصرة جدا
عن تاريخ هذه الشاعر وسيرته ..

كلاشنكوف الحربي 29-03-09 02:44 PM

الله يعطيك العافيه,,,

منصور المزيني 29-03-09 10:41 PM

العفــــــــــو هذا من واجبــــــــــي

الشكــــــــــر لكمـ جميعاً على تــــــــــــواجدكمـ

تحيـــــــــــاتي لمروركمـ العطـر

رفيع المقام 30-03-09 10:24 AM

الله يبض وجهك يا اخي منصور

على ذكر هذه السيره المختصره للشاعر سليمان القصيري

وفيت وكفيت يالغالي

وشاكر لك مجهودك الرائع

دمت بود

منصور المزيني 31-03-09 02:43 AM

ووجهـــــــــك ابيض رفيـــــــع

العفـــــــــووووو

شاكر لك حضورك العــــــــــذب






تحياتي



الساعة الآن 07:47 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi