سلام من صدر يغيض ويمتلي ياساحة الشعار وين الاتجاه =اخاف في لحضه تطيح وتحتضر ولا عاد ينفعنا الصياح اللي نصيح
سنة محمد غير عن شيعة علي لو كلهم قاموا يودون الصلاه =اما نوردها على الدم الحمر وإلا رضينا فيك يالعد النضيح

هلا يامرحبا من البال الخلي الشعر والشعار فيدين القضاه =انتا عصا عميّان ماجيت بنظر وش ينفع الصيّاح من بعد المطيح
تبا تعيدون الكلام الاولي الليلة انورد جوابك منتهاه =انا اعرف اللي يهرج وقلبه خضر مايجرح الاحباب ولو يمسي جريح

انته على راسك عراق يصطلي صحيح انا للي فقد عينه عصاه =انته نضرك ان كان باقي ماقصر لد النضر بطوق والضليع المليح
الريم لو تنوي تفلي بالفلي ان كان تلقا الذيب مضمون عشاه =وان كان خشمي شم له ريحة عطرهيض على الشاعر طواريق القريح

ماينطلي قولك علي ماينطلي اليا ذكرت الراس لا تنسى الجباه =ان كان حظك قام تبشر بالنصر انت انكتب لك عمر وأسموك الذبيح
اثرك من الخشعه ذكرت الحنبلي واليا لقيت الذيب يبشر بالذكاه =ان كان ضاق الدرب ماطول قصر يبقى الوفا والطيب والصدر الفسيح

بعض الكلام ايروح يم المهملي مثل الزمان اليوم مع لبس العباه =ان كان تبغى الجد جاك المختصرمن قبل لا ترتاع بالكون الفسيح
خاشع لتقوى الله وانت مغفلي تصوم وتصلي ولاعندك زكاه =انت بدوي تمشي ع طبع الحضر مار انتبه دمك مفور لايسيح

انتا تبا تحرمني ربعي واهلي لا يالفريدي صدق وقدرك وإبغطاه =وان كان شبت نار فمطر يامطر ياللي تعني الناس وانتا مستريح
لو كلما شفنا طلي قلنا طلي ظلت مراح الضين مربا للقطاه =ياحظه اللي يصبر ان شح الصبر ياللي بنيته قصر قصرك لا يطيح

ترى الذهب سعره مثل سعر الحلي اللي وطى الاسم قبل ياطا وطاه =وترى الزمن ياطا مثل وطي الدهر ويبين لك وجه الزمن زين وقبيح
سعر الطلي في كل ساعه يعتلي لو كان ماتاكل وتمشي بالفلاه =وتسري بها السرقان لا غاب القمر لو كلبها يزعج من الصوت النبيح