|
*يامعطي الأموات من ورث الأموات*
*خصمك نهار الأخرة من طوايفك* *لاتشغل الساحة ولا تجلد الذات* *راجع بعد سبعين حجه مواقفك* *عكس الرضا يوم الخطأ بالملفات* *دقت مسامير الخطر في مجادفك* *الله خلق خلقه بدايد وقامات* *وانا من اللي حول جملا مخالفك* ******************* *الكلب ياراعيه وثق رباطه* *قدام باللي تنزع الروح نرميه* *خذها على ماقيل فوق البلاطه* *ناويه واللي كون الكون ناويه* *ارسلت نسخه واضحه للاحاطه* *قال المثل من يجهل الصقر يشويه* |
تحب الظهور بعيب غيرك وكلك عيب
ماتترك حركاتك وماتترك اسلوبك نصيحه من اللي عارضه لاح فيه الشيب لاتبحث عيوب الناس تبحث عن عيوبك مايجهلك ياجساس بالحالتين اكليب على موجة الارسال لاتفر حاسوبك نبيها مزارق طيب بين الرجال وطيب عط الناس واجبها وتعطيك ماجوبك |
عبدالله الطلحي
ياذيب لاتبدي على الناس خافيك من دون سدك جوّد القفل والباب كم من رفيقٍ تحسب إنه مصافيك يغلب عليه الوقت والوقت غلاب والناس لو تضحك لك الله يعافيك إعلم ترى الضحكة لها عدة اسباب كم منك متعجب وكم معجبٍ فيك وشـتان مابين التعجب والإعجاب سعد المحمدي ياليت بعض الناس تفهم معانيك قريب والا من بعيدين الاجناب ابيات حكمه يسعد الله لياليك يامن يعلم بالزمن بعض الاعراب قال الشريف احذر تعلم بطاريك اكيد عنك يودي العلم من جاب اقبل ياعبدالله تحية مجاريك بعض الكلام لعاشق الجزل جذاب |
كلب الحراسه قام ينبح دون مقطوع النصيب
بالوادي اللي من وخامه ماتجيه الباديه الله يسلم بندقي والرمح والراس الصليب لاصارت الاوضاع بالحزبين ماهي هاديه حرام بعض الهرج يالهراج قبل يصير عيب مير انت ياشادي تبي ترقص لغيرك شاديه |
ياكثر هرج الليل لاطرف الليل
بين الخيال وبين عكس الحقيقه مريت مستعجل على شاطي النيل وشد انتباهي من نثر به دقيقه اقفيت عنه يحط بالعفش ويشيل من كثر هرجه قام يشرق بريقه يالقهوجي لازاد هيل الفناجيل عليك يلقون العوارف طريقه |
ياسنين الغزوه اللي بعدها مشكوك بأمرك
كل ماتكبر كبر فيك التغطرس والخبالي كان مأدركت المراجل وانت بأول عقد عمرك بعد ماتشيب الرموش اقول لك صعبة منالي في رمادك كل ماتخفي عن الانظار جمرك جاك بالملقاط ياعنتر يابو زيد الهلالي |
لا ياحفيد القهوجي عند ابو زيد
حنا نعرف ابعاد هرجك وماضيك خذ راي من يعطي على العلم تاكيد ادخل مع البيبان خل الشبابيك امسك مسار السيد لاتعكس السيد كاتبك ياراع الرسايل وقاريك |
اللي يجمعها عرايا من الناس
ان قال وان ماقال ماني بحاله لاصار ماهو لشهب الملح مقباس اليا احضرت باهل الفتن والضلاله بالسيف ماقطع راس من نزل الراس اشوم طيب وبعد شوح ورجاله عن قوم حر وجر مبعد للارماس وتنبح علي اكلابها من جهاله |
ياعابدين وجيه عبادة المال
انشهد ان كبودكم مابها مر لادافعون بكل حال من الاحوال عنهم وعنكم مادرو يالمدجر ماقلت حطه يالمراوغ على البال ان كان تفرق بالخفافيش والحر |
لاتهضم الحقوق ولاتعكس المسير
ماجهلنا كبار القوم وصغارها فيه بياع مسك وفيه نفاخ كير المدينه تعرف الاوس وانصارها خل عندك ياراع القول عرف وضمير الجزيره لاتسمع موجز اخبارها |
*خل النصايح عنك لاتنصح نصيح*
*ابدا بنفسك وانصح القلب المريض* *نسيت قبل العام يالثور الجريح* *اعلومك اللي من حسد واحيان غيض* *حاولت قسم الصف يالوجه القبيح* *اعلنتها من حقد بالخط العريض* *وعن ماتبي ردوك عشاق المديح* *يالديك ياللي كل ماعاعا يبيض* |
الله من قلبن همومه توالت
تضرب صميمه كل ماهود الليل وانا اليا صالت بقلبي وجالت طلبت من رب العباد التساهيل واللي يحز بخاطري كان طالت سوالفن مامن وراها محاصيل من عصر فيها الناس حطت وشالت ياكبرها في حق شرابة الهيل علی الجميع حلولها ماستحالت عندي ثقه يدخل علی الخط عقيل |
حاولت اغير بث موجات الارسال
وضبط نطاق الذبذبه في مداره وبالمرسله والااخذه صارت اعطال مافيه للاعطال فني وداره بكره تجيك علوم ماهي علی البال ياللي تفتش بالصرر والجحاره خذ الصحيح وخل عندك سعة بال ان كان تفهم مقصدي بالاشاره منيحة امه هول من ضمن الاهوال احرم من الجحفه وضيع مساره |
ياللي بعميان البصاير تقديت
فينا مساطير النشاما تقدی منك الردى ماستغربه لاترديت استغربه لا قيل لي ماتردی ماودي الحمها مع الحي والميت عن الحدود القايمه لاتعدی |
تغيرت جعل الله عن الحق مايغيرك
شريت الرخيص بغالي السعر يالغالي ابا عطيك كلمه بعدها روح ماحيرك لها مالها يوم انها غير بالمالي علی عكس سير القافله جاك من سيرك تراجع قبل ماقول كلمه علی بالي |
ابدااااااااااع لاهنت يا المحمدي
|
يقطعك ياراع الردی لاتردي
ينكر معاريفك ويجحد جمايلك مثبور عينه للعشاء لاتغدى يشناك لو ياكل بقايا فضايلك من الحسد قلبه تواكل وصدی يغار من طيبك ويفرح لمايلك |
سوقني سوق الفناجيل للطيب
من بعيد الناس والا من اقرابي والردي لو انه اقرب من قريب فيه لاتحرج مداغيش الاصحابي مايتوافق راعي الطيب والخيب لو تقول الوقت جاير وغلابي |
اليا مدحت امدح طليق الحجاجي
طيب وطيبه بين الاجواد مشهود والا انت كرماتك جريش ودجاجي بالكايده غايب وباليسر ماجود ياكيف احفر البير والماء هماجي احسن لك اقطع واخس ياقليل الفود |
*ياطير ياللي بالسماء فوقنا حمت*
*عليك برقع مخفي الوجه عنا* *ماخذت عبره بالزمان وتعلمت* *من سبقت دخينه بغزوة مهنا* *ان كان دوبك من سنه بالبحر عمت* *انا صنعت الفلك به وابحرنا* *يالنايم اللي تو من خدرها قمت* *اسمع نصيحة من بالامثال غنا* *عن الكلام الشين يامطيب الصمت* *حكمة زمن ياقلها في زمنا* * |
ياشينها لا صار خصمك قريبك
خصومته بين المعاليق تجرحك أن طبت به ماشاف فعلك وطيبك وأن شنت به عند الرياجيل يفضحك محمدحامدابن_نماء ******************************** اهم شي احفظ عن الناس غيبك ماكل من صارحت مثلك يصارحك ان كان خصمك بالزمن مايهيبك ان ماهجدك بليل مظلم يصبحك سعد المحمدي |
ابلشونا في زبيده وهارون الرشيد
والفصيله تختلف والاسم محذوف حرف من يفهم هابط السوق بريال المجيد ان ماله بالمصارف بسوق عكاظ صرف لا شرحت الدرس مايفهم الدرس البليد وان سكت سكوت الاحرار قالو غض طرف الحياه دروس منها نفيد ونستفيد لو حصل لي من غثاها وانا محتاط ظرف |
ااااااااااااا
|
يالله بالعشر الاواخر من الصوم
اجعل لنا من نور هديك هدايه في ليلةٍ توقيتها غير معلوم ياحي ياقيوم تغفر خطايه عن الذنوب العبد ماهو بمعصوم عفوك وصفحك ياإلهي منايه |
ياعذبة البوح مدري عذبة المبسم
صورتك تجرح صيام المسلم الصايم لو انها للجروح الغايره بلسم خليني اصوم وطلب ربي الدايم اكيد ماطعم مذاق السم والسمسم لو شفت غير النواعس خصرك الهايم طبق الاصل منك صوره داخلي ترسم يوم اتخيل بصدرك نهدك القايم |
الله يعيد العيد من دون كمام
وماعاد بصدور المجالس تباعد ليه من الاصحاب عنهم مضي عام قريب لكن وضعنا مايساعد لو ان مال العيد فرحه من اعوام رغم البيوت اوساع والجيل صاعد |
يابنت ماتبغين مني نصيحه
اغلا من اللي ذاخره في حسابك نصيحتي يفاتنه يامليحه سر الجمال وهيبتك في حجابك اول طريق التهلكه و الفضيحه خلع الحجاب اللي يمهد خرابك والله ماتنفع ندامه وصيحه الغي لايحرمك زهرة شبابك |
يالمسجد الاقصى سلام وتحيه
من كل مسلم فيه غيره على الدين اتابع الاحداث صبح وعشيه عبر قنوات الفضاء من فلسطين الوضع مزري والتقارير سيه والشجب والانكار مايقضي الدين صبراً جميل الله يحل القضيه بالسلم والا بمهات النياشين |
مجنون ليلا في حشاها قبرته
وحطيت له بين الحنايا نصابه واللي نشدني عن مكانه خصرته ماني مكلف للبشر بالاجابه ورشاي عن بعض الموارد قصرته لاصار مايقطع ضمايه شرابه |
من التجارب في زماني تعلمت
دروس ماهي في جميع المناهج منها استفدت برحلتي لو تألمت وكبدي رهجها من غثى الوقت راهج ماجرح شعور المستمع لاتكلمت وماصير لحقوق الرجاجيل ساهج |
لقيت في مركز كرونا يابو زيد
عمهوجتٍ تمشي على روس الاقدام تقول فيها قيد لو مابها قيد الردف نابي والحشاء تقل منظام قالت تعاني من مرض غير كوفيد قلت الله الله حب حلوات الاجسام خشف البنات اللي بهن منك تحديد مايحمل العاشق مناقيد وآثام |
ابو العجوز اللي بفعله تباها
بعيد دور غير فعله لك افعول عطيتك اللي لاتعقب وراها الباب خله دونها عام مقفول مفتاح سر لسالفه في حشاها قيس المسافه وضرب العرض بالطول واللي مايفهم كلمتي وامغزاها لسالفه لايحط جنحان ورجول |
صح الله لسانك ولاهنت وسلم فكرك وبنانك دمت برعاية الله وحفظة |
امسي بري واصبح من الناس متهوم
في دم علياء بعد مامات ابو زيد والمتهم يبقى بري شرع وسلوم حتى تتم ادانته يالاجاويد برطمك ياللي تنفخ الجمر مشروم حاولت اخيطه وانشرم رابع العيد خذ علم مابعده وماقبله علوم عليه خذ مني وثيقه وتاكيد الروم شرهتها على عاقل الروم ماترمي الشرهه على عاكس السيد |
الشاعر اللي بالقصيد ايتسول
امر وادها من تسول بالاسواق اهم شي من الشحاده يضول على حسابك يالكرامه والاخلاق اغلب قصيده بالمحافل مقول مايستحي كذبان من خلط الاوراق بالناس والايام صاير تحول صوب الخبول اشوف تنعاج الاعناق |
السفرجي قام يكذب يوم جاله مجال
يكذب على ناس يوم الحرب ماهي معه ايام حفر الخنادق في سفوح الجبال خلف الخطوط الاماميه يصف اربعه يالقهوجي منت معنا في نهار القتال في عزبة القايد صحونك لها قرقعه ياساتر الحال تستر لايطول الجدال ماودي اكشف علوم ٍماضيه واقنعه |
ياليت ما رب الخلايق كتبها
لقمه تحورها على الكبد علقم تفلتها يوم المعزب حسبها علي كبر النير واغلى من الدم ياللحيه اللي عيبها من شنبها لناس عادات وتقاليد وشيم من لايميز راسها من ذنبها بضاعته بالسوق ماقلت من كم نفسي عيوف وكل جزله طلبها عن الطفايس تكرم النفس واكرم يالعالم اللي فاقده نص ادبها ماهي كذا حمر النعم تارد الجم |
ان جاك فاسق في خبر يابو وليد
رده على سنة محمد والكتاب لاقام يضحك لك مثل ضحك البليد ويحط وسط الورد من ريش الغراب لاتعطي الكذاب يالراس العنيد مجال يظهر ماخزن جوف العياب عن يارباح مضير بيوت القصيد قفلت عشر طياق مع عشرين باب مجادل المسكين ماظنه يفيد مهما يقول انه على حق وصواب سفه السفيه علاج بالطب الجديد ويكفيك من بعض التشره والعتاب |
نصايحك فيها طال عمرك من التظليل
نصايح معمم بالنجف ينصح الشيعه ورى محرف التورات ومحرف الانجيل اشوفك تحث اخطاك ومجدد البيعه ليا شفت فينا عيوب ياراعي التطبيل تكلم بعال الصوت واشرف على ريعه نجوم السماء من دونها يقصر الدربيل سمعت الكلام الذرب يامطوع الضيعه |
ياتبوك الورد حبك بعد حب الحجاز
عشقي الاول عساها مراويح المزون ديرة ٍ فيها بنينا على الساس العزاز البيوت الشامخه والمتارس والحصون مانزلنا غرب يثرب بحيله وابتزاز غير باللي تقطع الراس من حد المتون |
الساعة الآن 06:31 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir