الفرسني =
سلام ياعتيبه وانا ضيفاُ جديد=سلام مني والسلام نقدمه
يا عتيبه الهيلا انا سيفي حديد = والى لقيت الذيب سيفي يقسمه
كايد الاجرب =
يا مرحبا بالضيف والعلم الوكيد =والضيف لاجانا نقوم ونكرمه
ياراعي السيف انتبه لبن الوليد = تراه لاقضب الرجل مايرحمه
الفرسني=
عساك يا لاجرب تفيد وتستفيد = والضيف ماهو ضيف حتى تطعمه
سيف الوليد اقصبه اكبر شديد = والا انت سيفك من زمان مسلمه
كايد الاجرب=
انا مدير البنك واسحب من رصيد = ماني فقيرن سارحن عند غنمه
وين انت يومني بغيتك يا عبيد = غطت عليك العصر عجه مظلمه
الفرسني=
انا ترى ماخاف من كثر الهبيد = وراع الصيد اليوم فاضي محزمه
انا نتظرتك مير ماجاني مديد = غطى عليك النوم في وسط اعسمه
كايد الاجرب =
الله يزيد طيب وتعود شهيد = لامات ميت قلنا الله يرحمه
لاتنظرني نادني ماني بعيد = خلك شجيعاً مثلنا مانت رخمه
الفرسني=
لاشفت حربي لاتعاند ياعنيد = خلك كما الخفاش في وسط السلمه
حنا سوات الموت في حبل الوريد = لاشافنا الرجال مايفتح فمه
كايد لاجرب =
ونعم فيك واصبر على حر وجليد = لاكن ابا ادخلك وسط المفحمه
وحنا على العدوان نارن من وقيد = لاشافنا الرجال ضاع انسمه
الفرسني=
مافي زودن عنك والمعنى سديد = ادخلك في جحر ضب وتلزمه
والله مدري وش وتجيب وش تصيد = والحبل ترخيبه ونوبن تبرمه