سلام يلفـي ميادينـه=لو بدل الوقت ساحاته
(عذب المثل) يامودينه=نقدر نحدد مساحاتـه
=كسرى
هذا الشعر منك يازينـه=بالنت واحدث مجالاتـه
ترحيب ينصاك فى حينه=ومن قدم الطيبة جاتـه
=المثل
انت الوفاء فيك شادينه=ومتزينه فيك واحاتـه
كيف العمل مع معادينه=امير ،، واسعى لراحاته
=كسرى
طيبك وصل تم تدوينـه=ومسجلة لـك صفحاتـه
اجعل يمينك على يمينـه=واحرص تراقب مساراته
=المثل
ما دام ديني على دينه=وجائز فشرعي اباحاته
لابد انشد عنه وينـه=لايمل من كثر روحاته
=كسرى
ما قلت لى شي ويدينه=والا يخطّئ طروحاتـه
واذا عرفت السبب عينه=وقت المسا او صباحاته
=المثل
جرح الزمن بان في عينه=وعذب فؤادي بصيحاتـه
واللي ورى القيل مخفينه=لمثالـك تبـان لوحاتـه
=كسرى
مايمكن الوضع تخمينه=لابد نقـرأ شروحاتـه
لكن فالامكان تطمينـه=بتحقيق اسهل طموحاته

المشاركة الأصلية كتبت بواسطة الحب الباقي (المشاركة 793367) صحت السنتكم والله يعطيكم العافيه بيض الله وجيهكم