ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   خور الخلوج (http://www.m-harb.net/vb/showthread.php?t=81515)

الندااوي 24-12-10 08:46 PM

خور الخلوج
 
اهدي لكم هذه القصيده المعبره عن الذات وارجو ان تنال اعجابكم


عزالله اني نويت اسج رجلي وادوج =والنفس بعنانها وبلادها الغاليه
اختارعن ضجة الديره وساع الفجوج= واقضي بها وقت دام الوقت يحلاليه
مامعيه الا نديمن بالشدايد بلوج = عزم وفاء ومعرفه محمود الاخصاليه
اطلع من الديره الفيحاء على ام السروج = وأخذ بها قامت الطرقي وانا بفاليه
الصبح لابان نوره فاتحين الدروج = والكيف بن اليمن جاذينن إدلاليه
مع طلعت الشمس ممشانا لخور الخلوج = والواد ابو دوح ناخذ فيه مقياليه
اسلي النفس عن حب الفتاه الغنوج = اللي جفتني جفاء مدري يوراليه
جرت عليه صدف عوجن يجرن عوج = في ضحكة السن غرتني من إهباليه
ماني إلحالي قبلي خذت مداريع غوج = روسن بوقت الشدايد ترقب العاليه
وانا برجوا الولي لو بت يوم محروج = يمدني من بغيثه يحيي الباليه
عطفه ولطفه يلين لي قلب الهدوج = اللي إحرم درها من يحتمي التاليه
شكوا لغير الولي ذل ومهانة إعلوج = الحنظله مع عطاياهم تجي حاليه
لو يملكون الثرياء والثراء والمروج = عز الفتى بالثناء له قول وافعاليه
لعل يوم السعد يبدي وطيره يروج = والصيد من جزلها بسنيين متتاليه
شرق وشمال وجنوب ملي منه الخروج = والحاسد صبي عينه وسطها إخلاليه
يحقق مناي من بيته مزار محجوج = ماخيب اللي رجاه ونشكر افضاليه
وانا بنجد اتمشى يالعواذل وأبوج = مهامهن قفر لولا إوحوشها خاليه
يدله بها القلب من همن لجاء فوج فوج = وتطيب حالن كما الحبه على القاليه

الشاعر/ سعود شديدالنجدي الوسيدي

عاشق الصمان 24-12-10 09:10 PM

صح لسانـكـ وعـلا شانـكـ ...





لا عدمنـــاكـ يالغالي

الحب الباقي 24-12-10 09:14 PM




صح لسانك مليون على القصيده
والله يـعـطـيـك الـعـافيـــــــــــة
بيض الله وجهك


خالد دغيمان القبع 24-12-10 09:40 PM

صح لسانك اخوي ابو بدر

والحقيقة قصيدة جزلة من شاعر جزل

وغني عن الشهادة

مرور للاستفادة

ودمت بخير

فهد ابن غانم 24-12-10 09:45 PM


صح الله لسانك
ولاهنت
وسلم فكرك وبنانك
دمت برعاية الله وحفظة

ابوفواز النويمي 24-12-10 10:00 PM


صح لسانك
كلام جميل
الله يعطيك العافيه
/
\

تركي العماني 24-12-10 10:16 PM

يالنداوي ...يسعد الله جميع اوقاتك بكل خير
وصح لسانك والله يبيّض وجهك على ها الدره
شاعر مثلك .لايستغرب منه هذه الجزاله
الله لا يهينك يالنداوي

لعنايتك جل احترامي وتقديري

المنقدير 24-12-10 10:19 PM

صح لسانكـ يابوبـدر غني عن التعــريف.
أخـوكــ : خالد العويضه.

الشاامخ 26-12-10 07:19 AM


والـــنـــفـــس بـعــنــانــهــا وبــــلادهـــــا الــغــالــيـــه

استوقفني هذا الشطر وقفة تأمل لما يحمله من معنى سامي تجاه دينه ووطنه وتقاليده



فصح السانك وعلاء شانك قصيده تحمل من المعاني الكثير

تقبل تحياتي وتقديري/ اخوك السالمي

عبدالله عتيق الحنيني 26-12-10 07:36 AM

((ماني إلحالي خذت قبلي مداريع غـوج))


الله الله الله الله

الله الله


على هذا الابداع ماشاالله عليك

غزاره وجزاله مليون

صح السانك مافيها كلام

ولله درك اسجل اعجابي


تقديري وحترامي



الساعة الآن 09:09 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi