يدور الوقت والدنيـا تجـارب=وكل انسان له هجس ومـآرب
احد ماصارع الوقـت وعذابـه=واحد ماذاق صافيت المشـارب
تشاوتنا الليالي شـوت كـوره=ولا تعرف قدر لحيـة وشـارب
تدور أبنا الليالي فـي رحاهـا=وتصعقنا مثل صعق الكهـارب
احد يرجو النجاتا مـن يديهـا=وهي تاكل على وجه وغـارب
تحل أبك المنيه وانـت غافـل=بشرق الارض والا بالمغـارب
تجيلـك لاومرهـا الله تجيلـك=ولو تهرب فما دامـت لهـارب
طويت البيد واتعبـت الاصايـل=وضربت البحر ببطون القوارب
مسيرة عمر واحداث وغرايـب=شواهدها عطيبـات المضـارب
ارد سبـور بقعـا لا نوتـنـي=وجاهدها مثل جهـد المحـارب
اخذت من التجـارب ماكفانـي=لو ان الموت من بعض التجارب
وعرفت اشكال واجناس وبدايد=وفهمت سلوم مستعرب وعارب
فلا تغتر مـن ضحـك الثنايـا=ولا تتـرك يدينـك للعـقـارب
فلا هـمٍ مثـل هـم الديونـي=ولا ضيمٍ مثل ضيـم الاقـارب

اخوكم ومغليكم : ابو فـــراس القبع

اخي العزيز : خالد

صح بدنك ولاهنت على

مرورك الرائع كعادته


دمت بخير

اخوي الغالي سعد المحمدي

اشكرك على هذا الاطراء

واتمنى من الله التوفيق لنا ولكم

مرور شاعر بمكانتك بلا شك يشرف هذه القصيدة