|| مصافحة اولى ||
السلام عليكم ورحمة الله وبركاته
تقبلوا مني هذه المتواضعه واتمنى ان ترتقي بذائقتكم الشعريه ...
ياشينها لاشفت غبنك من رفيقـن لـك قريـب=تضيق بك وسع الفجـاج عراضهـا وطوالهـا أخوكم /وياشينها لاصرت بديار العرب مثـل الغريـب=لو تلفحك لفحـة سمـوم القيـض ماتقوالهـا تصير مثل الي ينـادي مالقالـه مـن يجيـب=أيـس وقلـة حيلتـه والحـال مـن يبرالهـا ياهاجسي ما للحبايب في دواء حالـي طبيـب=مغير طب الـي خلقنـي هـو عليـم بحالهـا وكم واحدن يرجي من الدنيا توفيـه النصيـب=ولاعاد له قدره مـدام الله كتـب لـه جالهـا وكم واحدن شاف الخطا ثم قال للمخطي مصيب=جاهل ولا يـدري بهـا الدنيـا ولا بأحوالهـا وكم دمعتن ياصاحبي هليتهـا وقـت المغيـب=وجهتهـا يـم الشمـال وخاطـري يدرالـهـا وكم ضيقتن عالجتها وهي بصـدري كالهيـب=أبطت وانا صابر عليها علنـي مـا أشتالهـا انا جزوع من الزمان ان قال هات ولا يجيـب=ولو كان لي حيلـه عليـه بذمتـي لأحتالهـا ولو كان كلن ياقف لجرحه قبل يصبح عطيـب=ماشالـت العربـان هـم ولحنـت موالـهـا وش حيلة العاقل إلى من خالفه وقتن عصيـب=يموت وأحلامه تمـوت ولاهـو الـي طالهـا ماله سوى دعوة إلهٍ في دجى الليـل الكئيـب=لـولاه ماشفـت الخلايـق حققـت أمالـهـا سامي الوسيدي |
صح السانك وسلم بيانك
راااائعة معنى ومبنى |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
صح السانك ولاهنت
وافيه ما عليها كلام لك تحياتي |
, ,هلاوغلا فيك اخوي سآمي الوسيدي , وصح لسانك وعلا شانك والله يعطيك العافيه على القصيدة الجزله بيض الله وجهك مع التحيه |
اقتباس:
متمكن اسجل اعجابي بالقصيده الرائعه والمميزه |
اقتباس:
ابدعت يالغالي وصح الله لسانك على هالقصيـده الجزله وفأنتظار جديــدك وخلنا نشوفك متواصل عوض الوسيدي |
صح السانك ولاهنت
|
صح السانك
ابدعت يالغالي وصح الله لسانك على هالقصيـده الجزله وفأنتظار جديــدك |
حيا الله سامي الوسيدي وصح لسانك على هذه القصيدة الجزلة تقبل مروري المتواضع ودمت بخير |
الساعة الآن 02:34 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir