رجاء الله =
ارتاح ياشاعر عتيبة والرياحي لا يقوم =بمزح على صياف بن عمي وأبا اسولف مهعه
وانكان ضيقنا ووصل الضيق لا روس الخشوم=ماكل رجال ينوش الخشم في راس اصبعه
صياف =
صحيح من قال الحقيقة صارو الصدقان قوم= ريحت عدوانك وتبغى لك رفيق تتبعه
إلى وصل وقت الزعل مايزعلون إلى الرخوم= هذا الكلام اللي نغني به وسعك يسمعه
رجاء الله =
لو ما نحد السيف ياصياف ما يقضي لزوم =بحد سيفي وارفعه بحد سيفي وارفعه
والقطب وسهيل اليماني عاليات فالنحوم =واصحى تصير الأربعين البيض خمسة وأربعة
صياف=
وراك اساعدتني على عتيبة والبقو م=برطمك ما تصبر عنه ترخيه ولا ترفعه
ما تذكر أيام البراد إلا ليا اونست السموم=والنجم الأقشر لا طلع خله يروح بسنعه
رجاء اللله =
لو أنت جالس في خطر نجلس معك ولى نقو م=مير انت عند اصحابنا ترعى الحلال وتجمعه
أذكرك وانته منتصر وابكيك لو رحت مهزو م= وليا عطاك بليس بشت الصوف شقه وراقعه
صياف =
عز الله انك كنت فارس قوم وحصانك عزوم = مير اعترضك الفارس اللي ضربتك ما توجعه
انته لسانك مثل حد السيف في بعض العلوم=لاكن ماتعرف حليب الديس حتى ترضعه
رجاء الله=
عز الله اني فارس قسمه من كبار القسوم= لو أن راسك مثل روس القوم والله لا أقطعه
وان صارت الحسنه خصوص وصارت السية عموم= ان ماذبحت الذيب ياصياف والله لا فجعه
صياف =
قبل أمس ماشفنا شعاع الشمس من كثر الغيوم = والسن الأبيض لا دخله السوس والله لا أقلعه
انته وانا كنا جماعه والصداقة ماتدوم=والهوش لا طول يبى واحد حكيم ويفرعه

الاخ راعي البل

الله يعطيك العافيه

محاوره رائعه

مشكور ماقصرت يالغالي

تقبل تحياتي

صح لسان الشاعرين