ملتقى قبيلة حرب الرسمي - لولا المطر ماشفت سيل المخيله

اقتباس:

المشاركة الأصلية كتبت بواسطة سويلم الحربي (المشاركة 1064758)

السلام عليكم اعضاء منتدانا الغالي هذي قصيده من قصائدي الوجدانيه

يادرب مالي عنك انا اليوم حيله =يجبرني الموقف ببعض المشاوير
اشيلها بالدرب لوهي ثقيله =الموقف المشهود ماله معاذير
نطلع بها روس الجبال الطويله =ماهمنا المسرى وكثر المخاسير
رجل الشقا ياذيب ماهي ذليله =ميقافها قدم العرب بالطوابير
مالي ومال اهل النفوس البخيله= اللي عن الميقاف دايم مصادير
لولا المطر ماشفت سيل المخيله =ولا سال دعب يزهرن به نواوير
دام المطر والسيل ربك كفيله =يسوقها يم الفياض المداهير
يازين شوف العشب عقب المسيله =يفرح بها راع الدبش والمظاهير
شوفه يريح لنفوس العليله =يرتاح فكر عذبته التفاكير
نور القمر وقت الليال الفضيله =يغنيك عن نور المدن والمواطير
فنجال بن فوق جمر المليله =من دلال بن عند جمره مخادير
هذي حياة اللي علومه جميله =يفرح لاشاف اللافيه والمسايير
يومن ولد اللاش ماتستويله =يرقص على الطبله ودق المزامير

]

الشاعر سويلم الحربي الله يحييك بين ربعك واخوانك
وصح لسانك على القصيدة
كلام جميل وننتظر منك الجديد
الله يعطيك العافيه
/
\