|
الشاعر الكبير/ بنيدر بن شويمس الهويملي الحربي { شاعر تناسته القبيله }
0000000000 مقتطفات من قصايد للشاعر (بنيدر بن شويمس الهويملي المزيني) شاعر معروف على مستوى قبيلة حرب والقبائل الأخرى اتسم بالذود عن قبيلته في مواقف عديدة ...... وقد طرق جميع أغراض الشعر0000000000 وفي هذة العجالة سأورد لكم مقتطفات من شعره *****في مناسبة احتفالية قال**************
ســـــلام من سالمين ساسه أمزيني=أهويملين قبيلة حرب مخراجــــــــــه اللــه يسعد مساكم يامحبـيني=ويسعد مسا من سعا للحفل ونتاجه ويالابتي لب قلبي يا سعد عيني=ياعز راسي ونوماسي وياتاجه حرب الحرايب بلقوات المثاريني=لصار بالعاديات افلاي ومراجه تشهد لنا بالملاحم بدر وحنيني=مع بيرق اللي براق العرش معراجه 0000000الى اخره وله قصيدة في تعريف الارهاب ومنها وقد استعمل مسطلحات انجليزية 0000000000000000000000000
في وتش هامروت مايدبل الاكباد=اللي يقول احقوق الأنسان محميه وين الحمايه عن فلسطين مع بغداد=وفلوجة الأنبار هي واللطيفيه وحالوا لهن مع درب كابل اسلام اباد=يبطشبها بسراب غرات جويه تهد المساجد من على الركع السجاد=بوامرن من بوش بسم الرهابيه بالبنتقون اللي مشكل من الموساد=املقطه شارون من كل جنسيه آرام سفلت وكولباول وكم اعباد=وتشيني وميرز والبغي الافريقيه كنزريزارايز اللي تهاتر مع الارصاد=الناطقه بلسان ولكر وزنجيه 00000000الخ00000 وله بالفكاهه؛عندما تقدم لوضيفة حكومية
عندي شهادة على الجربوع=وعندي على الضب ثـنـتيني وعندي شهادة حصد وزروع=وعلى الغنم والبعــــــــــاريني وعندي شهادات من هالنوع=وعلى جميع الميـــــــــاديني أموقعه من مدير الجـــــــــوع=وقع انااشوف في عينـــــي والذي عرف عنه افتخاره بقبيلة حرب والذود عنها حيث قال:
انا راس حربت حرب لحارب الحراب=لعاند عنيد عي لعنت طابوره دون القبيله ندبل السب لسبـــــاب= حقن علينا المعتدي ندقم شعوره ومن اشهر ما قال :
انا مزيني عريب ولابتي لابه=من حرب يا سعد من صارو بني عمه إليا عوى ذيب والثاني امرقابه=والخيل في ساحة الميدان ملتمه والسيف ينهش من الشجعان بذبابه=واللي يخمه ما يبي غيرها خمه فهو ايضا من المجيدين لجميع بحور الشعر. فمن قصائده رثائه للمرحوم الامير حجر بن كدا... منها
يالله اطمن روعة القلب والعين=وجبر عزاء من ذاق طعم المراره مرارة تجمر صميم الشرايين=وخسارة ياكبرها من خساره خسارة ما تنحصي بالملايين=لو يحسب الحساب ليله نهاره فقال في الامير الغني عن التعريف رباح بن طعيميس الحربي.... منها
عسى ناشين حنت ارعوده وبرقه ناض=على ديرتن فيها المريخان لا ناضي والا كبرت فرشت شعيبه وجسره فاض=يجر الدحال اللي حواليه لا فاضي يغذي اعنوق الحمض والارض بالابراض=ويحول افحول الاوديه كنها فياضي على دار قومن في لقاهم نقا الاعراض=مقادم هل العرفا عريقين الاعراضي بعبوس يومن فيه باس ويباس الحاض=يكود النواجد ما يجيدن الالفاظي من اخوان جوزا من على عجلت المركاض=تروح الفهود قرود مليانهن فاضي وقال في النصح:
يالادمي حكم القدر ما درابك=لا قوست ما همها كاين كان اللي بلاها مع حلاها تشابك=ما فرقت بين الملابس والاكفان فكر بها بكل عقلك ودابك=وإحكم عليها حكمت العبد لقمان كما لاطفال الحجاره نصيب من احساس الشاعر وايضا من احساس جميع المسلمين ونسأل الله تعالى ان ينصر الاسلام والمسلمين:
تقعقع مدافع في قوم بني قنقاع=حدر رحمة المقلاع والحذف والتنبيل ابطال الحجاره يوم يرمون بالمقلاع=كما يرمي ابابيل حيل بحجر سجيل جنود ابرهه وبراك جندن خبيث اطباع=سلايل اصحاب السبت عصابة اصحاب الفيل عصو رسلهم في منزل الله بحق وضاع=اضاعوه بالتزوير والظلم والتنبيل الشاعر بنيدر من كبار شعراء حرب وله مساهمات لا تنسى في الدفاع عن القبيلة
حنا الحروب لا شافت العين للعين=واليا خلط عج الرمك ملح وتراب سوالمن عاداتهم بالميادين=دفانة الركبه عريبين الانساب والا مساريحن على الخوف جسرين=لا جا نهار الكون ما عنه مجناب كم واحدن منهم عياله يتيمين=وعليه حزن ناقش الكف بخضاب قال في صاحب السمو الملكي الامير فيصل بن بندر بن عبدالعزيز امير منطقة القصيم
سلام يا عز القصيم وسعدها=جزى الله الي بالرها فيك بالخير الي عطاها حقها ما حسدها=انعم عليها في سموك لها امير الى ان قالك:
صقر الجزيره بالصور وهددها=صقراً صقر صقره إصقور الصقاقير ويا سعد حظ المملكه في فهدها=يوم العزاوي في خوات المشاهير يوم اكثر الحكام تحكم بلدها=يشرون صوت الناخبين بدنانير اسوات من قاد القرود وقردها=طبل اطبله اطبول ومزامير شاور شوير الشر بامر وادها=وحل محل محللين الخنازير قال الشاعر في قصيده من قصائده في البر:
مع درب سحباً جا لهن عشر اسابيع.=مسلبات بطون درب المجاري مع دربهن رخم الزبيدي مصاليع=صلجاً طلع من طوبة الطين عاري حدر اجنحة نوار عشباً مهانيع=تقتفي وتقبلبه نسيم الذواري طيباً بليا طيب طلع الطواليع=جوه صحيح بريح شيح الخباري وقال ايضا من مطلع قصيده اجتماعيه:
كم من وضيعاً ضايعاً بالمواضيع=مزري عليه ومزبل الزور زاري يضحك عليه ويحسب اضحك تشجيع=في مجلساً ما نوث والا الخكاري متــصدراً مـجلـــس دلالــيع ويـذيـع=ما يدري اني عن دواديه داري وصديت سمعي عن قعيع القراقيع=ولاني لتخفيش الخفافيش ضاري وقال ايضا في النقد :
ما يزين الناس لا شانت فعايلها=مطرزات البشوت وريحة العودي القاصره قاصره ما حداً يطولها=لو طولت بالنفاق لطبعها تعودي كم لحية خيبت هقوة مقبلها=صار العوض في رجاها اعذار ووعودي الحنظله لو رواح المزن ينهلها=يكثر عليها حلاه ومرها يزودي ومن قصائده الغزليه الجميله:
ابو وصوفاً صافيه مع بعضها=مرصعة بالسود والحمر والبيض وشعراً مثل جمر الغضى لا نقضها=اللي تثنى فوق الارداف وتفيض ما واحداً عصى المذله نهضها=علي غيره مار كظيت انا الغيض الله عن شر العيون يحفظها=ويجيرها عن صادفات العواريض ومن قصائده الغزليه ايضا :
لا وهني المهتني في منامه=اللي إليا حط المخده تهنا ما ولعه عنق المها في غرامه=اللي بكالوب المحبه شطنا اللي زهى عقد المحابس إبهامه=بكفاً على مثل البريسم محنا وقال ايضا:
على حبيباً مهجتي لاعها لوع=لوع اشقر الجنحان لمشكل الريش اهوى عليه من الهوى قبل ما يفوع=بمعكفاتٍ كنهن المناقيش لو القلم عن بعض الاعمال مرفوع=سلم العرب من سلم حمر الطرابيش غامرت لو اني على غير مشروع=لو حال من دونه مراكز وتفتيش اروح مع درباً من الناس مقطوع=قطعة خلا بعروش الاقدام ما نيش ومن قصائده المطوله في الدنيا:
انا لا جاء الليل ليلي مملي=يوسوس الوسواس لا مسى مسايه لا من ذكر الذكريات اذكرلي=اخذت بزوي الزوايا إنزوايه أبتسلى منسجم بالتسلي=من هايشاص لا هاش ينهش حشايه من هادم اللذات كلن يذلي=واللي وراه من البلاء هو بلايه وقال في مدح الجيوب:
من تاجراً يستورد الجيب ويبيع=ان ما حصل فكسار بنقى سفاري اللي يطوع نازح البيد تطويع=نبي انطعمبه ابطون الصحاري لا قام يضج مع طويل المطاليع=ويذري وراه ادقاق رمل المذاري وقال ايضا في الشيخ ناصر بن حجاب بن نحيت:
يوصلونه لنحيتي من مزينه=راس حربه لا حليف ولا نتسابي انتساب ابن نحيت وناسبينه=راففعيناً روسنا يم السحابي من مقادم نجد وانصار المدينه=من نسبهم كعب ابي سلمى الصحابي والاماره وامرها متوارثينه=من شبيب اليا الحجاب اليا حجابي هذه ابيات لابو ناهض بن شويمس
وانا اللي كتبت علي الخساره =وخساره الدنيا ... ولاشين الاعمال واخفيتها حد ر جناح الستاره =من خوف .. ما ,, يفرح مقاريــد الا نذال وكم واحد يضحك بسن الطهاره =وده ,, يفجر ...بي من البغض زلزال ما .. كل .. من جاب الحطب شب ناره =وما ... كل ... من باع العسل صار عسال وسلامتكم 00000000000 |
شكراً لك على هذا التذكير لشاعر بنيدر
|
--------------------------------------------------------------------------------
شكراً لك على هذا التذكير لشاعر بنيدر |
الف نعم بالشاعر المذكور اعلاه
ولا شك بأن الشاعر يعد من فحول الشعر اشكرك من الأعماق على تقديم هذا التقرير المصغر والموجز وفي انتظار قصائده بالتفصيل |
شكرا ياعوض لتذكير
|
سلمت يمينك على هذا النقل لبعض المقتطفات لهذا الشاعر الكبير ورجل الاعمال بنيدر بن شويمس الهويملي الحربي وللمعلوميه بنيدر ابن شويمس هو اول شاعر من حرب وقف بوجه حنس الشغار واول من رد وافقده صوابه وكانت ردوده موجه للشغار ومؤثره فقد حنس صوابه بعد ماسمعها ولا استطاع الرد عليها وهي نقض لكل ماقاله وفتل مدعم بالادله الدامغه اللتي لايستطيع احد انكارها وابن شويمس شاعر ملم بكل اغراض الشعر ومن اكبر القبيله واجزلهم
ورجل عصامي وكان صاحب مؤسسه كبير ضمت الكثير من ابناء القبيله ضمن العاملين بها وهذا دليل على حميه هذا الرجل لابناء قبيلته وكان منصى للجميع انذاك فالمنطقه الشرقيه قبل تحويله اعماله لمنطقة القصيم وله منا بياض الوجه وياليت من يحصل على قصايده يتكرم علينا وينزلها كي نجمع له ديوان في ملتقانا وابن شويمس يستاهل وكفو هو شعره ولاهو منسي واكثر اشعاره محفوظه وان شاء الله تتظافر الجهود لجمع كل قصايده هذا العملاق والله الموفق |
الله يبارك فيك ويبقيك ويخليك لوالديك ياعوض والله ماقصرت وبيض الله وجهك على هذا الموضوع بالشاعر الكبير بنيدر الحربي ولاشك انه عرف بقوة شعره وانا معجب بشعره لانه يتظمن قوة المعنى وصعوبة القاف ( والجناس ) الذي يصعب على اكثر الشعراء لانه يتحمل معنى وتركيب للمفردات بنفس الوقت .... شكراً جزيلاً
|
بيض الله وجهك على الموضوع..................... وابو ناهض يستاهل وهو علم من اعلام الشعر ويعطيك العافيه |
الكل نساه وشكرا علىالتذكير
|
بيض الله وجهك ياعوض ولاقصرت والله
وصح السان الشاعر الكبير بنيدر بن شويمس مقتطفات ولاأورع شكرا لك |
الساعة الآن 08:21 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir