ملتقى قبيلة حرب الرسمي - معيض عوض العجي الجابري الحربي... شاعر تناساه القبيله

السلام عليكم ورحمة الله وبركاته
الاداره العزيزه لم اجد مكانا افضل من هذا المكان للشاعر معيض العجي رحمة الله فأتمنى من الاداره الموقره تضع قسما للشعار رحب الراحلين امثال معيض العجي ورجالله المحمدي وغيرهم
يسرني أن أضع بين أيديكم هذا الموضوع والذي يتناول العديد من المحاورات الشعرية للشاعر الراحل معيض عوض العجي الجابري الحربي هذا الشاعر الذي سرعان ماتناساه الناس في الساحة الشعرية خصوصاً في هذا الوقت الذي تزاحمت فيه الأكتاف لتظهر أمام الميكروفون ولكي تُسلط عليها الأضواء رغم أنه رحمه الله كان من أعظم شعراء المحاورة في قبيلة حرب وكان يحظى بلقب شاعر قبيلة حرب قبل المرحوم بإذن الله صياف الحربي هذا الرجل ألا يستحق منا نحن المهتمون بإحياء هذا الموروث أن نذكر ولو جزءاً بسيطاً مما قدمه رحمه الله للساحة الشعرية ...
المحاورة الأولى : وكانت بين الشاعر معيض العجي والشاعر أبو عزيز وهو أحد شعراء منطقة القصيم :

معيــــــض=
سلام ياحضر مدري بدو مدري وش تكونون=الأسم للحضر والهيكل بعيد من الحضاره
انتم على ايات ساس ان جا نهار البني تبنون=وانتم عوارف وراع العرف تكفيه الأشاره
ابـــو عزيز=
يامرحبا لابس لك ثوب حربي وانت مجنون=انته معلمك بالاخبار نزال القواره
عن ساسنا بالله انك ياعميلي لاتسالون=خلك بدارك وكلا ساكنا في جوف داره
معيــــــض=
انتم عرب من عرب واسلام صافي لاتشكون=لكن مدري على ايا ساس تقويم العماره
هي قومت من حجر والا على طينه ومعجون=حيث ان بعض البنا مكسب وشي منه خساره

المحاورة الثانية بين اثنين من عمالقة شعر المحاورة
معيض بن عوض العجي الجابري((الله يرحمه))
و محمد بن شريف الجبرتي السلمي ((الله يرحمه))
وكان البادي الجبرتي.........

الجبـــــــــــــــــــــرتي=
انا يامعيض اسمع بذكرك وطاريك=لكنا حضرنا عند ولد الحــــــــــلالي
هلا مرحبــا يامعيض والله يحييــك=علوم اليمن صدفة علوم الشمالي
معيـــــــــــــــــــــــض=
انا مثلك اسمع بك وادير الفكر فيك=وربي جمعنا بالليال التــــــــوالي
انا ضيف وانته ضيف والله يبقيك=وزاد العلوم علـــــــوم ياهمـــلالي
الجبــــــــــــــــــرتي=
انا أطلب من الله مايضيع الرجا فيك=لكن القمر باول طلوعه هلالي
انا مفتكر ياصاحبي وين اوديــــك=تحب السهل ولا تحب الجبـــــالي
معيـــــــــــــــــــض=
طلبنا من الله وارجوا انه يهاديك=وشمس الضحى تكشف سمين الضلالي
على ماتورى يالجبرتي نماشيك=وعسى راس مالك يردعه راس مـــــالي
الجبــــــــــــــرتي=
ياليتك تخليني بناخي وابادعيــك=خبـــرتك كريم ولا تحــــب النـــــــــوالي
واذا كنت ضايق تفرش البيت والفيك=وهــذي سلوم تقاد بين الرجالي
معيـــــــــــــــض=
انا ما اكره اقبالك ولاني بتاليك=ولا اعضاك والدنيا زواد الــزوالــــــــــي
وأنا كيف ابزعل وأنت مافيك تشكيك=سلوم العرب بالفعل ماهي مجــــالي
الجبــــــــــــــرتي=
انا عــــارف أنك ماتبن شكــــاويك=تشيل الكنينه مثـــل شيـــل الجمـــــالي
واذا كـــــان تبغا شي قلي واداويك=ريالين ماخذ منك عشــــــرة ريـــــــالي
معيـــــــــــــــــض =
اباصبـــر كما صبرك ومعروف مافيك=وانا وانت كــلا في مكـانه وغالــي
تداوي وانا كان انت ضميان ابي اسقيك=شرابا مجرب مثل شرب الزلالي

وبيتين لنفس الشاعرين وتدل على قوة خصم معيض الله يرحمه
قــال خـلـف بــن هــذال العتيـبـي
الليله امسي على سطح القمر باشه وسلطان والملعبه بنت وانـا مستعـد المـس نهدهـا
قــال معـيـض عــوض الـجـابـري
انته قنصت الغزال وطحت فوق الذيب سرحان تحب لمس النهـد والنـاس جروهـا بيدهـا
منقول للمصلحه العامه ....
سؤال : لماذا دائما شعرائنا وتراثنا وحكاياتنا متناسيه .... لماذا نحن فقط . ؟؟؟؟؟؟