مشاريه الغلا
يسعدني ويشرفني أن أشارك بهذه القصيده كأول مشاركه شعريه في هذا المنتدى العريق
ذابت مشاريه الغـلا وسـط الاعمـاق=واستيسر الحزن الخفي كـل معلـوق والعبره اللي تحتـرق بيـن الاحـداق=ماظنها ترخص علـى كـل مخلـوق ماترخـص إلا للـذي حبهـم فــاق=دم العـروق بعالـمٍ كـلـه عـقـوق من بعدهم مني خـذا الحـزن ميثـاق=ما تنزل العبره علـى فقـد معشـوق واليـوم لا تاقـف ولاهيـب تنسـاق=تسرح وتضوي بين الاعماق والمـوق ما ودي اذرفها علـى وجـه الاطـلاق=لو قيل لى من همهـا منـت معتـوق ولولاي اترجمها على بيـض الاوراق=ما صار لي في غيهـب اليـم دانـوق دانوق يجذب لـي طويـلات الاعنـاق=لعلـي القـى بينهـن شـيٍ يـلـوق شـيٍ يلـوق بـذوق عاليـن الاذواق=ويضيف لاهل الذوق ذوقٍ علـى ذوق تعبير مـن قلبـه شفـوقٍ و مشتـاق=ومنـزهٍ عـن ملـة الغـدر والبـوق في عالمٍ ماضاع بـه غيـر الاخـلاق=وتموت فيه حقوق وحقـوق وحقـوق واللي لبس نوط الوفى خاطـره ضـاق=كن الوفى في عالـم اليـوم ممحـوق كونٍ غزاه الكـذب مـن كـل الافـاق=واسكت بصوت المصلحه كل منطـوق واخر عزاي يعوضني بعض الارفـاق=وإن خاب بعض الظن شحت النظر فوق ودعـيــت ربٍ للمخـالـيـق رزاق=يجعلي بأمـره كـل مطـرود ملحـوق |
صح لسانك والله يبارك فيك يعطيك الف عافية اخوي علي هليل الحربي ماقصرت يالغالي تحياتي |
اقتباس:
شكراً أخي الصقر الجارح على مرورك وصح بدنك وبارك الله فيك وأتمنى أن أقدم ما يليق دائماً تحياتي وتقديري لك |
صح لسانك يالغالي والله يعافيك
وبأنتضار جديدك يالغالي |
الاخ الشاعر علي هليل الحربي ياسلام على الابداع صح الله لسانك وبيض الله وجهك شـيٍ يلـوق بـذوق عالـيـن الاذواق ويضيف لاهل الـذوق ذوقٍ علـى ذوق تعبيـر مـن قلبـه شفـوقٍ و مشتـاق ومنـزهٍ عـن ملـة الغـدر والـبـوق والله والنعم لله درك وغير غريب الابداع على شاعرمثلك ابومشعل تقبل اجمل التحايا ودمت ودام ابداعك |
الشاعر القدير / علي هليل الحربي قصيده جزله ومن اروع مايمكن صح لسانك ملاييين يابو مشعل
في عالمٍ ماضاع بـه غيـر الاخـلاق= وتموت فيه حقـوق وحقـوق وحقـوق واللي لبس نوط الوفى خاطـره ضـاق=كن الوفى فـي عالـم اليـوم ممحـوق كونٍ غزاه الكـذب مـن كـل الافـاق=واسكت بصوت المصلحه كل منطـوق واخر عزاي يعوضني بعض الارفـاق=وإن خاب بعض الظن شحت النظر فوق انا اشهد انك صادق تقبل اعجابي بهذه الجزله تحياااااااااااااااااتي تركي الشيخ |
الشاعر المبدع ابومشعل صح السانك يالغالي وبيض الله وجهك ماقصرت بالقصيدة |
اقتباس:
صح بدنك يالغالي وتشرفت بمرورك تقبل تحيتي وتقديري |
اقتباس:
الشاعر المبدع ابن خير الله صح بدنك وبيض الله وجهك أشكرك على جميع ماذكرت وماعليك زود تقبل تحيتي وتقديري |
اقتباس:
شكراً الغالي تركي ويعطيك العافيه تقبل تحيتي وتقديري |
الساعة الآن 04:20 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir