سلام ياحـــــرب ربعي طيـــبين الفعول=قبـيـلـةٍ يـــشهـد التــــاريخ بمجادها
أفعـــالها ثابــــتة وأمثبته ما تــــزول=مثل ثبـــوت الجـدي والأرض بوتادها
منزالــها بــالرفاع ولاتحـــب الـــــنزول=غصبٍ على خصمها وقلوب حسادها
يوم الفـعـايل على قب الأصايل تجـــول=تتبع لميع البروق وغــبة أذوادهـــا
في ضف ربعٍ لياقـــالت تقـــول وتطـول=عاداتها بالملاقا هــزم أضــدادهــا
أتنازل الخصم بجموعٍ عددهــا يـهـــــول=يوم الجزيرة تعيش النــاس بنــكادها
وأن عودت للطبايع والكـــرم والأصــول=عاداتها تكرم الضيـــــفان من زادها
والجار يكرم ولايجـهل عـليه الـجـهـــول=والأجنبي تحسبه من حسبة أفرادها
تروى قصصهم مع العالم أرجاح العقول=من سمع قصة نويشي للعرب عادها
بثرا خــويه ذبــح ستــه بســــيف سلول=والسـابعة قص يمناً هو من أحفادها
نبذه عن أفعالهم وإلا نقـــول ونـقـــول=ياكثر الأمجـاد واللي قــال ما زادها
قال الحـقــيقة بعد جــاء للحقيقة حلول=من شان يدري عن الأخبـار نشادهـا
هذا وجمع العرب وصّــى علـيه الرسـول=جينا نشارك قبيلة حرب بـعـــيادهـا
العود والهــيل والبـن الحــمر والزلــــول=بالحفلة اللي رجال الطــيب روادهـا

ودعتك الله يا اللي نص قلبـي معـه=الله يفكك من الاشرار واهـل الحسـد
يامن نهار الـوداع ازريـت لاودعـه=ودعتك الواحد الفرد الاحـد الصمـد
لاكن بوصيك في علمٍ مهـم اسمعـه=وصاة والـد يريـد المنفعـه للولـد
الراس عن كل هزلات العلوم ارفعـه=وعلى الولي الكريم المستعان اعتمـد
والرزق عند الولي ماحدٍ قدر يقطعـه=ابذل لسمعتك ياماجد جميـع الجهـد
اصمل ولاتختلف وتهـزك الزعزعـه=ترى العزوم القوية من عزوم السعـد
لاكثرت ارياك خذ من كل راي اشجعه=وايامنا طبعها بيـن الفـرح والنكـد
والضيق مادام من بعده تصير السعه=لابد من فرحةٍ تاتـي بوقـت الوعـد
ارفع حجاجك وشوف المرتفع واطلعه=لعل عيـنٍ تطمـن شوفهـا للرمـد
قدامك الباب مفتوحٍ علـى مصرعـه=والعلم مثل البناء والجهل مثل الهـدد
العلـم نـورٍ يدلـك ولعـه ولـعـه=قيل اطلب العلم من حد المهـد للحـد
انهل من العلم علم المعرفه واجمعـه=من جد ياجد ومن يزرع زروعه حصد
تخدم وطنك وتفكه من هل المطمعـه=وانته رجل والرجل في واجبه به مسد
خدمة وطنك ومليكـك كلهـا منفعـه=في خدمة الدين نمشي تحت اوامر فهد
حنا نحب الوضوح ونكـره الاقنعـه=نلتف حول القيادة مثل روح وجسـد
املوكنا فخرنا عـز الوطـن وسنعـه=أن قلت سلطان وان قلنا ولي العهـد
وبعد الثلاثـة تحيـة حـب للاربعـه=نعم القيـادة وقادتهـا ونعـم السنـد
آل السعود الفهود المعتـدي تردعـه=عز البلد والذرا والخير لاهـل البلـد

ســـلام يانايف وبالفــعل نايـــــــف=اسم على مسما تعيش الاسامي
اعرفك قبل اعرفك حاضر وشايف=عنك الرجال يوصلـــــون العلامي
مامات من عقب ســـــواتك خلايف=عقبك بالحر الشـــهير القــــطامي
ماهو غريب ليا رقيت النــــــوايف=مــــعرب جـــــد وخــوال وعمامي
يابن الرجــــــال معديت كل خايف=يوم الفعـــايل بين طـــاعن ورامي
من خصمــهم يروون حد الرهايف=عدوهـــــم ماذاق حــــلو المنامــــي
ربعي ذراي مــــــــزبنة كل خايف=أولاد راشد جمعـــهم مــايضــامي
هيهات يامـــــــا فـرقوا من ولايف=لاثار عـــج الــخيل مـــثل الكتامي
ياما رعوا عشب له الطرش هايف=وياما نحـــــو عن دارهــم كل زامي
يوم المعوشه بالــــكدر والصلايف=عاشوا بنــجد بهيبة واحــــــترامي
من هازهم يرجع كســــير وعايف=بيــــاعة الأرواح دون الـــجهامــي
ستر البنــات المــــترفات العفايف=مرودعــات اخدودهن بالوشامــي
أفعالهم ماتنحـــصي بالصـــحايف=هذا وأنا مـــــانوش حق الكرامـي
نبذه خبر عن دور هاك الطرايف=أيـــام مـــــرت وأنتـــهت كالحلامي
راحت وقلـــنا جعلـــها لــذلايف=اليوم ســــــلم وعايشــــين بسلامي
نخدم وطنا ونتســــلم وضــــايف=نحمي الوطن من كل خـــطة حرامي
وأســــلم وخذ مني علوم طرايف=ترجمـــتها بين القلـــــم والبهامــي
بسمك يابو ركان سقت العسـايف=لولاك مـاسقت الركــايب اهمــامي
لبستهن مــــن كل غالــي كلايف=واليــوم جنك بالرسن .. والخطامي
وأنته مقر لمـوميات السفـــــايف=ماينـــحرن إلـــى عزيز الـــــمقامي
ليا لفنك مابقي لــــي حســـــايف=تقدر تقـــــول أنه تحـــقق مرامي
وسلام احلا من حليب العطايف=في خـــايع عله غشــــين الوسامـــي

لاوالله الا خوييّ غـاب عـن عينـي=لاشك قلبـي قريـبٍ منـه ويشوفـه
يامن يوصّل جوابـي لـه وياتينـي=برسالةٍ منه تنبينـي عـن ظروفـه
مشاغل الوقت حالـت بينـه وبينـي=وكلٍ من الوقت يشكي جور وحفوفـه
قولوا لبوماجـد الممـدوح ينبينـي=قدّام لاعمل علـى نسيانـه بروفـه
واقفـي ولالـد يمّـه لـو ينادينـي=واليا اعترض لي بدرب اصد واطوفه
ان كان هو مع مرور الوقت ناسينـي=على زمان العجايب مالـي حسوفـه
حنّا بوقـتٍ تعـادوا فيـه الادنينـي=باسباب للناس مجهولـه ومعروفـه
قلّ المواصل وزاد الهجـر ضعفينـي=عن المواصل تقول الناس مصدوفـه
وامّـا ان تعنّـا رفيقـي مايعنينـي=يشوف مايسعده واشـوف معروفـه
ترى عمار الصداقه وصـل الاثنينـي=ما الرفقه اللي بليا وصـل مخلوفـه
ابيه في رحلـة الذكـرى يخاوينـي=مع رفقة اللي على الادراج مصفوفـه
اللي مضامينهـا خلـف العناوينـي=تتل قلـب المولـع غصـب وتلوفـه
قبل الاحاسيس تشـرى بالملايينـي=ومن قبل الاطرش يطب القصر بدفوفه

جاني عتب من خوي الدرب ناصينـي=صحيبي اللي عن الاصحاب به نوفـه
يخصنـي بالعتـب كنـه يناجيـنـي=ما قال الاخطاء على الاصحاب منصوفه
ميـر ادري انـه يقدرنـي ويغلينـي=والزله اللي مـن الممـدوح محذوفـه
وانا عزيـزٍ علـي ومـن مضانينـي=معـزةٍ عنـد كـل النـاس مكشوفـه
مرسول صالـح يفرّحنـي ويحيينـي=وافز لـه فـزة المطنـوخ بضيوفـه
الشعر حضـرة لتحضيـره شياطينـي=جتنـي ركابـه تـدك البيـد مردوفـه
ماني بناسيـك يـا اعـز العزيزينـي=لو يتسـاوى علـو الـراس وكتوفـه
لكن شقا الوقـت مشغلنـي وملهينـي=يبخل بشفي وانـا طاوعـت لشفوفـه
يابو فهـد للزمـن جـور ومعاوينـي=دنياي ماهي علـى ماريـد معسوفـه
تجيبنـي نـوب واحيانـاً توديـنـي=واحيان تضرب براسي عالي الطوفـه
عسى غيار الزمـن ماياصـل الدينـي=ناسٍ مشت بالطريق وناس محروفـه
وجـا للقصايـد قنـوات ودواوينـي=حتى اصبحت عندنـا مهـي بمالوفـه
عفت الشعـر والقصايـد بالمزايينـي=من يوم شدوا عن الكوفه هل الكوفـه

وقت الرخا والسعة ياكثر الأصحاب=أكثر من الشيب في دقني ورأسي
لكن يغيبون ساعة حزم كلاَب=ماينطحون الزمن لاصار قاسي
لو فتلوا للمواقف روؤس الأشناب=في حزة الضيق مافيهم حماسي
حضار لكن حضور يشبه اغياب=هذا نسيني وهذاك امتناسي
كم انخدعنا لضحكة السن والناب=بين الرفيق المجامل والسياسي
ظرف(ن) كشف بالزمن صادق وكذاب=أحسن ظروفي لو أنه زاد يأسي

ليتني مانصيت المدرسـة بالصبـاح=أول الصبح يوم أن العـرب غافلـة
شفت ريميةٍ حطـت بقلبـي جـراح=يوم تمشي مع الشارع تقـل جافلـة
قلت دوبك على حالك يامال الصـلاح=الخطر زال من يمـي وأنـا كافلـة
من ذو أربع سنين أهملت نقل السلاح=يوم طالـت علـي وفاتـت القافلـة
مير خوذي نصيحة من ضمير نصاح=لاتجيـن الصبـاح إلا مـع الحافلـة

واهني اللي إلى صار يبغا النوم نام=سالمٍ من لوعة الحب وهموم الشقا
مايفكر كود بالنوم وظروف الدوام=وباقي الفرصة زيارات بعض الأصدقا
يوم حالي من هوى الزين طاويه الهيام=غايبٍ عني وأنا أعيش في رجوى اللقا
صابرٍ لي عام كامل وهذا نص عام=وش بقى ياسود الأيام بالله وش بقا
غاب عني صاحبي وأرمست عنه العلام=الهقاوي فيه زينة ولا أدري وش هقا
أظلمت دنياي من غيبته بدر التمام=مالقيته عكس من قال من دور لقا
طال صبري وانتهى والهواوي مايلام=خص حبٍ مثل حبي على وضح النقا
ودي أرسل له مع الريح مردود السلام=وأشرح أسراراً حواها ضميرٍ مغلقا
مادرى غيره عن اللي يكن من الغرام=ماعطيت أسرار حبه مباري ورفقا
والهوى عند المشاكيل هيبة واحترام=ماينقص مستوى من على العليا ورقا
ياعيون اللي إلى تل مسباقه وحام=أخمرن عنه الحباري ولاذن بالتقا
من لمسها مخلبه طايره راحت عدام=وإن نزل للواقعه مالها دونه وقا
مدخلك بالواحد اللي دخيله مايضام=أعتيقيني كان للحب يابنت عتقا

جعلها ماعادت السجة على خط المدينة=جيت في قلبي جروح مايداويها المداوي
والسبايب من غزالٍ صابني في سهم عينه=صاب قلبي في محله من وراء حدب الحناوي
المنايا في عيونه والقمر طلعت جبينه=كنها تقول وينك ياراع القلب الشقاوي
ياعنود الصيد راع الدين شككتي بدينه=من يشوفك لو بقلبه دين عوَد شخص غاوي
لو تبين الطير من كبد الخضيراء تجدعينه=من نظرتي له يضيع وتختلف فيه الهقاوي
يمكن إنك قاصدة من شان مثلي تجرحينه=ليش تكوين الضمير اللي من أول فيه كاوي
قلبي المجروح من حبك عسى ربي يعينه=صار به جرحاً جديد وجرحه الأول مخاوي
ليتني سكان حيا ياجميلة تسكنينه=منوتي لو المقاصد ماتجئ حسب المناوي
قبل عمري لا يروح وقبل تقفي سنينه=وأدري إن الموت ماخلى فقير ولاغناوي