|
محاورة قويه بين الشاعرين ((محمد الربيقي الحربي و حبيب العازمي))
محمد الربيقي= بعد ما دعاني طيب الصيت يمه جيت= راع الماقف المحمود باللين والشده حبيب نوى بأخر مخطط يسوي بيت = يبيها بعفيف وكهرب البيت من جده
حبيب العازمي = بعد ماجيت وانا جيت وافي وانا وفيت = وهات الكلام اللي بصدرك وخذ رده انا عامرٍ بيتي ويكفيك عنه الصيت= لكن البلى اللي يبنى البيت ويهده
محمد الربيقي= على الاوله يالعازمي خانك التوقيت= تبي الاوله لكن فاتت لها مده يقولون عن كل الموارد يكفي هيت= تنازل عن المسرى وحرج على العده
حبيب العازمي= انا اخذت قسمي وانت ماقلت وش سويت = تعشيت ضيفة ضيف والا عشا بده هاذي فزعتك وانته شبابي لكنك اخطيت = تباها هجوم وجتك في الحال مرتده
محمد الربيقي= انا ياحبيب يوم جيت الحرم صليت = وبعض العرب غافل ومشغول بالكده انا يوم شفتك قمت وبفزعتك خصيت = على ساقة المقفين ماهي اليا الرده
حبيب العازمي = والا يازمان الخير واليسر وش خليت = جرحت الحزين اللي دموعه على خده ياليتك صبرت وقلت يمكن لعل وليت = وبعض العرب ماشيف مزحه ولا جده
محمد الربيقي = عسى ماحصلك باس وش شلت وش حطيت = علامك تذيع بصبرك اللي وصل حده من العام تعلن في البشاير وكيت وكيت = و غاض البحر ماشيف جزره ولا مده
حبيب العازمي = نزلت الجنوب وقلت ابا اكتف العفريت = وشديت عقب اسبوع والشده الشده انا ما دخلت الشعر بالصوت والتصويت = دخلته وبعض الناس وده ولا وده
محمد الربيقي = بنينا لنا بيت جداره حجر وسميت = وبعض الرجال من العنا بايح(ن) سده انا يوم شفت العلم عود كذا صديت = لكن ابن عمك يجهر الموس ويحده |
الله
الله محاورة قوية وكانت على معنى و لعب جميل بين الشاعر العلم/ حبيب العازمي و شاعرنا المبدع/ محمد بن عبيد الربيقي أشكرك يا البلادي و بيض الله وجهك |
محاااااااورة قوية و صح لسان الربيقي و بيض الله وجهه
و تسلم يديك يالبلادي على النقل |
مشرفنا القدير البلادي الحربي سلمت ودمت ياغالي ولك مني جزيل الشكر على نقلك لهذه المحاوره الجزله اللتي استمتعنا بها وهي بلا شك رائعه مدامها بين شاعرنا الرائع محمد بن عبيد الربيقي وعلم شبابه الشاعر الكبير حبيب العازمي صحت السنتهم محاوره عالية المستوي وجيدة المضمون وذهبيه من العيار الثقيل لاهنت لاهنت لاهنت ياعزيزي البلادي دايم وصيدك سمين وثمين طال عمرك وتقبل مني صاق الود والتقدير
|
لاهنت يالبلادي على النقل الموفق
لهذه المحاوره القويه بين شعراء عمالقه صحت السنتهم |
بيض الله وجهك على النقل
|
البلادي الحربي لاهنت لاهنت على هالمحاوره اللتي تدل على حموتك اللتي لاتستغرب على ربعنا البلاديه
نتمنى التوفيق لمحمد فهو شاعر بمعنى الكلمه ويشرف في ماقفه ونتمنى التوفيق شعراء حرب جميعا |
اقتباس:
كلامك حقيقي يا ابن جمران |
اخوي البلادي هناك اخطا اتمنى تعديلها ليكتمل جوهر هذه المحاوره على سبيل المثال تقول بعض البحر والصحيح غاض البحر (غريب منك هذا الخطا) وهذه الاخطاء لا تحجب هذا النقل الرائع من شخص رائع فيما تكتب انامله هذا ما اردة ان انوه عليه وشكراً لك اولاً واخراً |
سلمت سلمت يالبلادي و بيض الله وجهك
و صح لسان الشاعرين / محمد الربيقي و حبيب العازمي محمد الربيقي يعتبر و نعده من فطاحلة شعراء النظم |
الساعة الآن 02:54 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir