يامسكرين الباب بالشمع الاحمر=وش عاد لو خلي على المصرعيني
ماهمني لو كل لحظه يدمر=عليه ماني فارك الراحتيني
لاصار حراسه تماثيل وأصور= تراي ماني مثلهم يالخميني
انا سلالة حر يالورع الازعر=وراك ماطبل مع الفارغيني
دون القبيله عادتي ماتعذر= تنبيك عني ناسك المنتديني
بالطيبه والثانيه ماتوأخر= دستور شيبانأ لنا راحليني
والا انت مالك دور ياهن يذكر= يامسكر المجلس عن الغانميني
وردت وضحي عدكم يالمدجر=ابيض من الصابون يالذاهبيني
عور العيون اللي للأوهام مصدر = عن حل بعض ارموزها عاجزيني
قامت لها عمي البصاير تفسر= وتقلدوها وأصبحوا نادميني
فقدتها والمتهم قر وانكر = ورسلت له في حينها مرتيني
لوعالج الموضوع قدام يكبر= اْخير من تهميشة الطيبيني

المشاركة الأصلية كتبت بواسطة مساعد الجليدي (المشاركة 971567) لاهنت يابو تركي ابدعت دام ابداعك ودمت بخير وغافيه

المشاركة الأصلية كتبت بواسطة رابح الجحدلي (المشاركة 971588) صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك يابو تركي على هذه القصيدة الجزلة
الحقيقة قصيدة من الوزن الثقيل ولاهي غريبة عليك
كلها بما فيها المقتبس رائعة

تقبل مودة اخيك