ياسلام الله سلامن مثـل ميـزان العدالـه=يرضي اللي بالجنوب ويرضي الى بالشمالي
الزغيبي حجج امه وازعل اربع من خواله=الخوال اخوان الام وجوهم ماهـو بخالـي

مرحبا ترحيبتٍ مضمونهـا هـاك الفوالـه=والحيا نوحي رعوده في مقاديـم الخيالـي
علي ماوده تصير الفايهـه فوقـه الحالـه=مادرا(ن) الناس تدري وش مراوغت الثعالي

الرفيق اللي تجاهلني جهل مدري نذالـه=لايلحقني ملامه كـان شديـت الرحالـي
يعترف ليه ليامن ارشا ركـب المحالـه=كيف ينكرني ليا سولف على حمر الزوالي

لاتنشدني هذاك الشيخ وشبك ماتسالـه=اوتبيني واصطه فبشر وعدك من عيالي
لاتحرش ونت قصرك يحتري هدم الازاله=والازله وضعها مربوط بيدين المعالـي

ذاك شيخن لوتهب الريح ماعـدل اعقالـه=يا الزغيي كلبونا خابريـن ابـن الحلالـي
والله انا اهل الجمل وهل القلم وهل الرساله=وقر بتاريخ عن عليـا وبوزيـد الهلالـي

ياجماعه فيه ببن عبيد تال الوقت حاله=كان ماهي فيه عدوهى عليه من خبالي
وش دمربغداد ياولد العرب غير احتلاله=وستلام الختم وتنفيذ لهـل الانتقالـي

كان مايعجبك هاذ العلم جبنالك بدالـه=السوالف واجده لكن جيتك بالموالـي
كل شين غير وجه الله مضمونن زواله=والمهم يبين فرق الاولات من التوالي

الرتفع خشم البعير اللي ماناسيمه طواله=حدني وقتي عليه وفاقدلـي شـي غالـي
لاتحسبن السوالف تلقي بطـرف بقالـه=طارفه بطرف محل الرسلك ثم اتجيبها الي

يا الزغيبي والله انا مانبي غير الجما له=ونت تهرج لك كلامن لاحرام ولاحلالي
السولف هينه والحرب تعرف له رجاله=والمعارك مابها غير المخادع والقتالـي

الحريري مشتهر يكود من عقب غتيالـه=لاكن ارفق ونتضرني لاتصيح ولاتلالـي
انت رجال(ن) شجيع وفيك لاضقت الرفاله=تنظوي بحد ازوايا لاجـواب ولاسؤالـي

الحريري فالكم ياربعنـى ماهـو بفالـه=الله اكبر محسن الامثال مع بعض الرجالي
يا الزغيبي لاتغرف البحر الاحمر بلبيالـه=ما يضيق بالي الازلتن من رجـل غالـي

ادريٍ بعض العواجه لرجل ماهي رجالـه=وحمدالله وشكره ياعلي بخشيـم الريالـي
والله اني ماتحمل هرجـتٍ فيهـا ألاطالـه=ون زعلت اصعدبها يم سما ء مثل الكحالي

المشاكل عندنا كثرت وسبتها البطالـه=والبياض مع السواد يزيد للعين الجمالي
ها كذا فعل الرجال اللي يحبون الشكاله=ونت قد اللي تقوله ونتبه يابو طلالـي

الدري انك بك مسد ليادبحو بم الشماله=باقي اللي فيك هرجت راس لاتسف المدالي
والله اني متهمتـك بلخساسـه ونغالـه=لين شفتك تدفن المرسـام ودم الكلالـي

في خير وفيك خير وكل واحد دون حاله=ونت علمك للجميع ولاتعلمني لحالـي
الزغيبي طاريله شي مدري وش طراله=وزبدة الحكمه تراء ماكل مايسمع يقالي

السطواناتٍ قديمه مابقا الا بن فضالـه=لاتكررها على الركاب مع سوق العوالي
ماتشوفن الكلام اللي يجي من فمك ماله=يبوفارس لوسمحت ابغا تجاوبني سؤالي

وين شاعرنا علي الحصني؟ تعـال=ودّي آخذ معك جولـة يـا خبيـر
أنت اعرفك شاعر(ن) تسوى العيال=بس ما به سيف يقطـع بالجفيـر

ياهلا يامرحبا عنـدي سـوال=وكان ماجوبتني عن استخيـر
ونت تسولك عرب يابن الحلال=لوتجي وتروح بلسم الشهيـر

البقا، و اقلط على صفر الـدلال=و اشرب الفنجال عندي، يا مدير
ما عليك قصور يا راع العقـال=و الاسم: "دايم" "أبو حظٍّ كبيـر

انت وينك يامنـادي الرجـال=لاتنادي ونت علمـك بضميـر
لومعك حضن كبر روس الجبال=كان متسحب على دربك حضير

أبك أنا حاضر و ماشـي بالعـدال=ورافع(ن) الراس و ازبد بالهديـر
و حظِّي منسِّب خضر، في ذا المجال=و جرتي بالدرب يعرفهـا الضريـر

افتح الباب الوسيـع بكـل حـال=وخالط من التمر الاصلي والمضير
حضك من سب خضر لاكن محال=وجرتن تعرف ماهي جرة بعيـر

وين حيّ اللّه و سلوم المجـال=قبل تقليط الصّماط المستديـر؟
كان بالخاطر زعل، خلّ السّجال=يظهر الخافي على سلك الحرير

ياسلامي وأخص المشرف المحبـوب=من ضميرٍعلـوم الطيـب يشريهـا
ياعلي خل بالك كـل ابونـا حـروب=والحقيـقـه نبيَنـهـا ونخفيـهـا

مرحبا والتواضـع والادب مطلـوب=ونتـه الطيبـه تاصـل حراويـهـا
الطواري تجي وتروح نوب ونـوب=ولا يغـر الـرجـال الا طواريـهـا

ان ربح وان خسر والحرف بالمقلوب=كان مـا صبتهـا مانتـه بمخطيهـا
كنت اراعي نجومٍ في سماي تجـوب=وكانها غيَبـت وش لـون اراعيهـا

ليلـة العيـد كلـن يشتريلـه ثـوب=لـو تمـر الصـلاه اولايصليـهـا
ياعلي نارنامن هـا الحديـد يـذوب=مـن يدينـه صخيفـه لايصاليـهـا

نص كوب القراح يعوض نص الكوب=والهـداوي تبيَـض وجـه مهديهـا
الاجـل والمقدَروالعمـل مكـتـوب=والاوادم ليا اخطت ما نـت هاديهـا

القـراح المصفـا قبلنـا مشـروب= ياوجودي علـى الجمـه وطاويهـا
ياحليل الكـلام الصايـب المحسـوب=يقنـع النفـس والعقـال يرضيهـا

رايحٍ لك بصوب وصاحبك في صوب=وبنت ابو زيد ماهانت علـى ابيهـا
الكبر والتغطرس بالعـرب عـذروب=ليت حد الحـدب يلحـس علابيهـا

الجمل لوسنامـه يلمـس العرقـوب=حملته ويـن ابـو مشعـل يوديهـا
الحكومه حكومه والشعوب اشعـوب=وكلمة الشيخ تسمع ويش يـا ليهـا

سلام الله يابوفارس انا تلميذكـم يااستـاد=اقدملك شهاداتي خذ الموجز مـع النشـره
انا سهلي ولد عوفي ولد حربي عريب اجداد=ولي باعن مع الشعار اذا تسئل عن الخبره

هلا يامرحبا يابوفرح يـا الطرقـي النشـاد=تدورلك وضيفه والواضايف بلميـه عشـره
ونعم بعوف اهل قول وفعل وهل سيوف حداد=خوالي وفتخر فيهم من الوادي الى البصـره

علوم الخير تلقاها على وضـح النقـا تنقـاد=اعرف الطير من حومه واعرف التيس والجفره
يهج الصيد ياصاحب اذا ماانتـه قـوي زنـاد=تعصر المر والحنظل وتشربها مـع الصبـره

علوم الخير نعرفها ونعرف هرجة القصاد=لكن ابو فرح لايحسبنـه يلعـب الكسـره
اقو انك خليفة شاعر الشعار ابـن عـواد=من العارف خذ الخبره من الدنيا خذ العبره

توخرهـا تقدمهـا ليالينـا بهـا رواد=اخذناها من الهندول لين نخش فالحفره
ترا عبله يذريها اسم عنتر ابن شـداد=ولو كثرت مصايبها ابد ماهانت العشره

علومك ياصحيبي عندنا عنبر ومسك وكاد=تبي تاخذ نصاب السيف ولا تاخذ الشفره
تقوله والمحنك يعرف الهجري من الميلاد=من ماهو محنك يحسب اليومه مثل بكـره

على شبه على هبه على دله علـى بـراد=نكيل الهيل للعارف نعصر السمن للتمـره
نصاب السيف يالحصني خوالك ياتمر بغداد=بناخينا بناخينا نسى قسمـه حفـر قبـره

سلامي سلام الله وانا اليوم اباقـول=علـي لازم انـا ياجماعـه نشوفـه
انشد عنه ويقـا لـي دوم مشغـول=واقول ازهموه ان كان تسمح ضروفه

هلا مرحبا ونثبت القـول بفعـول=عسى خطوتي مع كل درب مخلوفه
لياكنت فاضي علي رجال ماسـول=ومن قام بلماجوب شفة معروفـه

يدوم البقا وأنته ترى مانت مجهول=ومنصبك مأضنه يجيـب الكلوفـه
طلبناك مدد يأبن عمي ليا الحـول=وبعده يجيك الشيـخ والا ضيوفـه

يجيك الكلام اللي ببالي على طـول=كلامن ثميـن العارفـه مايطوفـه
ياكثر الشيوخ بدارنا اتصول وتجول=وبعض السوالف ماعليها حسوفـه

نعرف الكلام الزين للناس مقبـول=وكلن يعرف الجدي وايضا وصوفه
ولكن ترى لأسئله عـدة حلـول=وبعض العرب يمنعه فالوقت خوفه

عسى لاعب الكوره يسجل مية قـول=مابين الفريق اللي تصفـق كفوفـه
تراء الخوف يابن عوف ماسلم الجول=توكل علـى الله والذلـول معسوفـه

أبيك تخير من له السحر معمول=ولايفارق الموطن ودايم يحوفـه
وانا يالبناخي كانها عودت حول=لي فعول بين الخلق دوم معروفه

ياليتك تمشى بين الابتر وشملـول=جبل عوف تال الوقت ضايق بعوفه
يطول الشجر والضلع لايمكن يطول=عسي الفرت زيته مايغطي بلوفـه

أشوفك تبا ترقى على الضلع أبو هول=ولكن ترى حجرف يـروع خروفـه
وقفر تخبره صـار ذالحيـن منـزول=وربعك مزينه لاتجـي فـي طروفـه

علي الحصني=
مرحبا في مجالس حرب ترحيبة اللي=شاف ضيفه وهلا به وجاب الذبيحه
انت يا الشاطري فاتك زمان التغلي=ون نصحناك ماودك تطيع النصيحه
غازي الشاطري=
البقاء ياعميلٍ طـول وقتـه يهلـي=لو يشح الزمن يمناه ماهي شحيحه
ماتخلي المـراوغ ياعلـي ماتخلـي=لو تقول النصحيه قلت ماهي صحيحه
علي الحصني=
جيت قدم المصلي جيت خلف المصلي=جيت جنب الصلي طحة عشرين طيحه
يا بيض الوجه بعض الهرج ماله محلي=مالفـة العيـن لالمترديـه والنطيحـه]
غازي الشاطري=
ماقطعنـا صـلاة المسلـم المستقلـي=والـدوى مايـداوي للقلـوب الجريحـه
السوالـف كمـا سيـفٍ بعـزه يسلـي=وانت ياعلي اشوفك صحت تسعين صيحه
علي الحصني=
فيه نجمه نشوفه فـي سمـاه متعلـي=ومن نشدنا يقول النجم مسرع مطيحه
ويش رايك بذاك النجـم بـل اه قلـي=ضاقة الاض من نوره و لو هي فسيحه
غازي الشاطري=
كم نجوم تهاوت مـن سماهـا تهلـي=ما أزين السالفة لن جات بيضاء صريحه
اصبر اصبر ويطوالـه كتـاب وسجلـي=ثم يطفي هـذاك النجـم وتهـب ريحـه
علي الحصنd=
نوب اقول الاوادم وضعها مستخلـي=ونوب اقو ل الزمان مقصر الله يبيحه
البضايع لعب في سوقها بـا مجلـي=مابقى الا يسيل الدم فوق الصفيحـه
غازي الشاطري=
نوب قالوا نصيب ونوب يالقـرم هلـي=ونوب تلقاء الزمن يقسي ويهلك شريحه
اطلب الله عسى مثلـه يـزول ويولـي=لاجل تركد عباد الله وتمشـي مريحـه
=
جاك مشتال سحر عمان لين استحلي=فيضتن في طوارفها مراح المنيحـه
من ذنوبه على الناس المطر مايهلي=وقالو انه شجيع ولا لقينـا ذبيحـه
غازي الشاطري=
مشكلة كبروها وصعبت مـا تحلـي=واصبحت من طوارفها تساق الفضيحه
مرة الطائـرة والقفـز كلـه مظلـي=قل من سلم والمنصاب يكثر فحيحـه