ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   مساجلة مع الشاعر الحميدي الحربي (http://www.m-harb.net/vb/showthread.php?t=50634)

ماجد بن هواش 02-09-09 05:00 PM

مساجلة مع الشاعر الحميدي الحربي
 
هذه المساجلة بين الشاعر والكبير والإعلامي الحميدي حمد الحربي والشاعر ماجد هواش السليمي
يقول الحميدي الحربي:


استثار الفكر لــيل على مــثلى طويــل =الله...الله ما اثـــقــل خـــطـــاك ياســود الـلـيـال
امتلا صدري بشكوى ضـحايا كل جـيل=لو لهم صــــبر الجمــــال وحــجا شم الجــبــال
وطية الغربة ثقيله على القـــلب العلــيل=بالزمان الـلي هزالــه خــذت وصف الــجــزال
يتعب الرجال هالوقــت لو دور خـــليل =ويــن يلــقى مخـــزن الــســر ميـــزان الرجـال
ياجزيل الشعر سقتك لمصدار الجزيــل = بــــدع وروايــه.. وحايــز كريمــات الخــصال
ماجد الهواش ..عضيدي ليا بار العـمـيل=مــن ســلايــل تاج راســي كريــمــين الــســبال
حرب..نار الحرب يوم المقــمّع والفتــيل=حربــهم طال الـــدول وادركـوا صــعب المــنال
ان زما العايل زموا وبردوا منه الغــلـيل=صــيدهم روس المــداريـع برهـــاف الــســلال
انزلوا نــجد وهو ليــل شـره مســتطــيل=وإحــتــموا وادي الــرمه من جــنوب ومن شمال
لين وحــدّها مـعزي بـشـبه الـمســتحــيل= حــوّل العــدوان لإخــوان والشـــر اســـتــحــال
والشتات اصبح مجمّع على قصد السبيل= تـــحت ظـــل الرايـــة اللي بـــها للـــعـــز فـــال
سجّل الـتاريخ لأجـدادنا فــعــل جـمـيل=وســـاروا الأحــفــاد نفــس المــسار بلا جــدال
ذا ويامن قدح فكره كم السيف الصقــيـل=دلـــو فكري تصــطــفـــق بين جــال وبين جال
ما بقي في مخزن الصبر ياكود القــلـيـل=ياعـــضــيدي بالــرخا والـــمواقــيف الثـــقــال
أشكي الحـيره وأدور من أفكارك دلــيـل =يــوم كــثــروا ملبــســين الهــدى ثــوب الظلال

ورد الشاعر ماجد بن هواش السليمي

استثار الفـكر قول سـمى عن كــل قــيـل =واقـع يفــتــح على الـفكــر بـيـبان الخيال
يستـبيح الصـمت ويشــيع السرالقــــتـــيل=ويـتمادى بالإجابة ويطـــرح لك ســـؤال
من مصــادر شاعر لا مــقل ولا بخــــيل=مــصـدرالدولار لا باربالــسوق الــريــال
ياجميل الشـــعر عني على رد الــجمـــيل=مـن جزاء حسنه بحسنه كسب له راس مال
يالحــمــيدي منـك توجــت بالتاج الجلـيل=عــيــن يــرضــيها وعــين بها يركز خـلال
يوم داجن بـك وراجن وناضــن لـلرحـيل=ماتـــعـــدنـي ولــــكـــن مــرنــي عــجــال
تستشير وتهتدي وانت مـقطـاع الأصـيــل=مار من باب الـــتواضـــع ولله الــكمـــــال
والــغرايــب كل يوم على الدنــيا نــزيـــل=وش نـــشوف وش نــعدي خطا كنه عدال
شوف حتى النجم أبو ذيل طالع مع سهـيل =قام يبدي في مـــداره وهو حايـــز لــحــال
ورفرفة معه الخفافــيش بالبرج الدخـــيل=وعرضــوها وافرضــوها وهــي سابع مـحال
وإن هرجنا قيل منته على العــالم وكـيـل=وإن ســكـتنا وش مدى الغــيض بكبود الجـمال
خلها تمشي هواء تعــتــدل وإلا تــمــيـل= لين شمـس القيض تطوي عن الراس الظلال
وتنكشف كل الحقايق ويجلي كل لـــيل = نــــور بدر يعلي اللـــيل فـي ظـهـور الرحـال
ثم تاقف كل حيلة ويقــصر كل حــيــل= ومـن وبـر زمــل الشــوايا لــها يفــتل عـــقال
وإن بغيت تــسوقها خل ماطـاها ثقــيـل= ليـــن فــرحة تــعرف الــذيــب من وجه الغزال

حميدان العوفي 02-09-09 05:13 PM

الله الله على الإبداع

صح لسانك يا ابن هواش و صح لسان الشاعر الإعلامي الحميدي الحربي

و بانتظار جديدك

الحميدي المخلفي 02-09-09 05:31 PM

صح لسان الشاعر القدير الحميدي الحربي

وصح لسانك شاعرنا الرائع ماجد هواش ومن شابه أباه فما ظلم .

شعيب الحربي 02-09-09 05:47 PM


الحب الباقي 02-09-09 07:15 PM





صحت السنتكم
والله يـعـطـيـكم الـعـافيـــــــــــة
بيض الله وجيهكم




المطر 02-09-09 07:40 PM

صح لسانك كثر حروفها واكثر والله

سعد المحمدي 02-09-09 08:09 PM

الاخ ماجد هواش الله يبيض وجهك ويبيض وجه الشاعرالحميدي الحربي
شعار متمكنين مساجله قمةالروعه

بعيد الشوح 02-09-09 08:20 PM

الشاعر الكبير / ماجد بن هواش
اولا سلمت يمينك على نقل قصيدة الشاعر الكبير / الحميدي الحربي

ثانيا / صح لسانك على القصيده الجزله

لم ارد هنا لتمجيدك ولاكن اجد انه حق علي ان اقول كلمة حق

انت شاعر مبدع نفخر بك وبشعرك وهذا ليس بمستغرب منك فقد ورثت الشعر من والدك فقيدة الشعر الشاعر الكبير هواش السليمي

اخي ماجد هنا قرأت شعرا يستحق القراءه والحفض والتخليد

صح لسانك مليون ولا يكفون

وتقبل تحياتي

الأنامل الفضية 02-09-09 08:39 PM

صح لسانك اخوي
لا عدمنا ابداعك

عاشق الصمان 02-09-09 08:40 PM

صحت السنتكمآ..
وبيض الله وجهيكمآ..



الساعة الآن 10:25 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi