صياف=
قصر البشاير يبشرنا بخير=يوم البنوك أفتحت بيبانها
مار الذيابي لياجانا مغير= يدخل على النار مع دخانها
بن طمحي=
قصر البشاير يفز إله الضمير= بوجود قومٍ رفيعٍ شانها
أن جيتكم قادها سلك الحرير= و السلطنه عارفٍ سلطانها
صياف=
الارض خضراء و لا أدري وش يصير= و اللي يحوش الغنم رعيانها
أنته جناحك طويل و لايطير= يوم الطيور ارفعت جنحانها
بن طمحي=
إصبر لك أيام و إيجيك البشير= بالوزنه اللي على ميزانها
أنا جناحي على أخصامي خطير= دايم يخزيلها شيطانها
صياف=
آخاف نصبر و يطلع علم غير= و إلا البيوت أخلفت سيسانها
من يوم شيبت يالورع الصغير= حق القبيلة على شيبانها
بن طمحي=
سود الليالي فلكها يستدير= لابد يطلع لكم برهانها
أنا أتحداك يالشيخ الكبير= و إرسالتي بين(ن) عنوانها
صياف=
مافيه خيلٍ تسابقها الحمير = لو تطرد الخيل من ميدانها
أحسن لك أحسن لك الدرب القصير = خل الجماعة تمد أيمانها
بن طمحي=
إنسوق خيل السعد و الله خبير= و إنصبح القوم في مرحانها
حظ السحيمي سقط له وسط بير= و الناس يمه تلد أعيانها
صياف=
ياسرع مالفها حوس المرير= لين المجنن يروح إجنانها
أمنول المطرحه فوق السرير= و اليوم أشوف السرير أوزانها
بن طمحي=
يكفي قليل الكلام إعن الكثير = لكن عان الحقايق عانها
العام حطوك في جده مدير = و اليوم وش هو خبر سكانها

[table1="width:95%;"]