ملتقى قبيلة حرب الرسمي - اللغز(497)يبقى مكانه ياوجيه الذيابه=محلول التيدر والرأس=من سامي الفكر سلم الله فكره

ملتقى قبيلة حرب الرسمي (http://www.m-harb.net/vb/index.php)

- مـلـتـقـى الالــغــاز الـشـعــبــيــة (http://www.m-harb.net/vb/forumdisplay.php?f=151)

اللغز(497)يبقى مكانه ياوجيه الذيابه=محلول التيدر والرأس=من سامي الفكر سلم الله فكره

السلام عليكم ورحمة الله وبركاته

يالربع عندي لغز توي امسويه == جديد بغباره ونبغى الاجابه
انشدك عن عودن اوريعه ايقديه == يتبع اوريعه بي دربن مشابه
من دون ورعه ماتقوده مواطيه == يبقى مكانه ياوجيه الذيابه

صح السانك يابو مشاري مليون

والله لغز جامد يابو مشاري والغبار اللي عليه نبي ننفضه ان شاءالله

تراه شي يجر بسلك مثل هيب الحفار او الفرب ورشاه وانتم اخص يالربع

صح بدنك يامهجرس ملايين
هلابك يابو خالد ونا اتحرى متى ايفك ارباطه وللمعلوميه تراه سهل واضح والرمعات مالك لوا

صح لسانك يا خوي سعد وبتوكل على الله وبقول ( تيدر التريله و وراسها )

اقتباس:

المشاركة الأصلية كتبت بواسطة سعد رجاء الحصني (المشاركة 626687)

السلام عليكم ورحمة الله وبركاته

بك البقى يالي على الكيف زاويه = لغزن زويته حيل وكلن درابه
خليت راسه منزوي عند رجليه = يومك حكمته انت لاوعذابه
بيطار شعرن واسمه مع علابيه = عجز يتحرك من جديد الاصابه
لاغزك جهاز في طيرن شهر فيه = وجهاز ثاني في جيبن نزابه
او هو سهم باالقارمن وبانت مواريه = لاصرت في ليلن وديارك تشابه
رجلن دليله وجيهته مايخليه = يوصل خويه لو كلن حكابه

صح لسانك يابو مشاري

واللغز سمين وانت علمك غانم

وصح لسانك ياصبار العنزي والحقيقة تشرفنا بوجودك والله يحييك ياوجه الخير

اقتباس:

المشاركة الأصلية كتبت بواسطة عبدالله الفريدي (المشاركة 626764)

صح لسانك يابو مشاري
واللغز سمين وانت علمك غانم
وصح لسانك ياصبار العنزي والحقيقة تشرفنا بوجودك والله يحييك ياوجه الخير

صح بدنك يااخ عبدالله

وانا اتشرفت اني اكتب في منتداكم

واشارك معكم في اللغاز

حياك الله ياسعد وشرايك بالترس بالقير ولا البنيون بالدفرنس