سلام تسليم الوفا والموده=تسليم" أحلى من حليب المغاتير.
واعذب من الماء لوقطعناه مده=وألطف من النسناس لاهبت عصير.
سلام من بين المثايل نمده=سلام يانسل الحرار المشاهير.
خالي بناخيه وعدي بعده=درب الجزاله منحسبها مخاسير.
ماتفعله تلقاه والخير بده=تلقاه في تال الليال المدابير.
الخير يبقى لو بذكره يسده=تلقاه بصدورالوجيه المسافير.
ماتجهله غير النفوس المصده=و راع الردى من يتبعه ما لقى خير.
تلعبه الأفكار ويزود نقده=يقول ليه فلان وفلان مايصير.
يشوف نفسه حسب فكره و وده=أنه وليده مير حظه معاذير.
يحسب علوم الطيب جيبه ووده=ما يدري ان الفرق يحتاج تبرير.
الفرق واضح مير عرفه يرده=خله مهف مقيط ورشاه فالبير.

حييت ياسيف"نماري بحده=أعداد همال المزون المزابير.
سيف"شطير وللملاقا نعده=يحسب حسابه ساعة الشر والخير.
طير السعد كل السعد في مهده=حر" شهر ماينشبك للصقاقير.
حر" ينومس كان بالوقت شده=الله يفكه من صدوف المقادير.
عسى الزمان يساعده مايضده=حيث أن له عندي معزه وتقدير.
وقاف" وصلني منه هذا مرده=رد الثنى لهل الوفاء دون تقصير.
قاف" نصاني به سلام وموده=وايضا" يعبرلي عن القيل تعبير.
يذكر بقافه من بهم نوع غده=من طيبه يذكر بناخيه تذكير.
أدري وعرف أهل الوجيه المصده=من كثر ما جربت أعرف المساعير.
وراع الردى ياحمود بالك توده=خله ودونه سد كل المعابير.
ياحمود يامشكاي للجال حده=والله عوينك ياعشير المناعير