أيقول لاتزعل وانا حيل زعلان= وهو الذي من بعد ربي رضايه
قدمتله خطوه وناديت يافلان=وقف وانا رجعت عليه خطايه
قال انت وش تشكي عسى منت تعبان=قلت الحقيقه ماعرفت اش بلايه
لاقوللك طيب ولا اقول مرضان=شين بعد قفيت عكر صفايه
قال انت تمزح والمخاليق في شان=ارجوك لاتكثر عليه عنايه
بغيت او ضحله وبعطيه برهان=ولين يمنعني عليها حيا يه
حكمت عقلي وانها فتل شيطان=وقلت ياربي طلبت الهدايه
ما فالنظر للي بعيدات كسبان=الا سهوم ن ساقطه في حشايه
أخذتها وقفة رياجيل شجعان =وانا ليا قفيت مانظر ورا يه
باللي قسمه الله راضي و قنعان=وتقوا الاهي في حياتي دوايه
اختامها ياربي اطلبك غفران=يالواحد المعبود تسمع دعايه

إن قلت اسلم واجبي وان قلت ارحب واجبي=سلام والترحيب نبديبه على كل الرجال
إن نادو اربوعي حضرت اقولها من شاربي=اقاف مواقيف الرجال اللي يشلون الثقال
ماني خليفة كان ماغلق في ربعي طالبي=لابارك الله فالرفيق اللي ليا نادوه مال
يعيال جدي ياعزاتي لاالزمن لا حاسبي=انتم سندنا يابني فراج مافيها جدال
في ماقفي ولله لاالنزل للحموله غاربي=اثبي كما تثبي على الطالات ياربعي جبال
انتم خوال اليا رضيناكم رض الله كاسبي=اللي لكم عندي شبيه الفرض من رب الجلال
العالم الله في رضى الرحمن كله ماربي=حنا في دنيا لو يطول العمر قافيه الزوال
من ﻻمني في ربعتي في عزوتي فا قاربي=عسا ه ما يلقى ولا يسقى من المي الزلال

سلام يابندر على الرأس والعين=فاللي طلبته ابشرو بالبشاره
خذها قصيده موجزه بالعناوين=عن حال الأمه مختصر بالعباره
مني حقايق حطها بين قوسين=الحر مثلك يكتفي بالأشاره
لوكان ينفعهم كتبنا دواوين=لاكن هذا وضعنا ياخساره
قدامهم صاحو ونادو فلصطين=محركو في اقلوب الأمه حراره
وليوم يابندر بتقلب موازين=منته محرك بالمنادا وزاره
راحو رجال القدس ورجال حطين=اللي لهم فالكبد حر ومراره
ناسن عن الدنيا تراهم مقفين=وللأخره تسعى بعزم وجدا ره
تخطيط غربي لليهود الملاعين=تخطيط واللي خططوه بجداره
اليوم بانت للعرب بالبراهين=لاكن ماشي فالعروبه شطاره
الخط واضح والعرب عنه منحين=والمنتبه تصفق يمينه يساره
الحر فيهم طارحته الجناحين=وده بعلم وعزوته يا خساره
صف العروبه عوداليوم صفين=والبيت مبني والخلل في جداره
لون ابو متعب على الرأس والعين=حاول يجدد للعروبه جداره
نادا بصوته مالقيله ملبين=يزرع لاكن الزرع غادي ثماره
ﻻكن بعد العصر يابندر اللين=والليل من بعده يضوي نهاره
الله كريم الوجه متكفل الدين=مهما حصل ماتنهدمله مناره

فكرت بالديا وسندت وانحيت=ولين مافيها زوال وخرابي
لاصبحت ماترهي على قيلة امسيت=ولا مسيت ماتظرب لصبحك حسابي
هاذي هيا الدنيا على ماتحليت=حليتها ظميان يطرد سرابي
راع العقل ميقول فيها تهنيت=مدام ما فيها رهين الذ هابي
مهما يطول العمر مهما تماديت=لابد من يومن تحط الترابي
راحو كبار القوم راحو طواغيت=راح النبي منها وراح الصحابي
اخير مافيها الياقمت صليت=وقلت ياربي دخيلك جنابي
وأخذت مصحفكم بحرفه ترويت=عرفت منه المخطيه والصوابي
ومن ظلم غيرك يبن ادم تبريت=وللأخره عديت كل الزهابي
وفي رحمة الخالق وعطفه ترجيت=اللي على خلقه يقود السحابي
يجزاك ربي لو تعبت وتعنيت=تلقى على صبرك جزيل الثوابي
وصلاة ربي عد من طاف بالبيت=على الذي نزل عليه الكتابي

ياطيب ابو متعب وياطيب خلقه=عساه للفردوس في ضل وضلال
من حبه الخلاق حبوه خلقه=الحق حق ولا عن الحق محوال
طيبه وطلقة وجه فالقلب شفقه=عزم وصلابه لصعيبات حلال
بعد النظر عنده وفالفكر دقه=دقيق راي وشوفته شوف عقال
كم للعرب تمم بعد فرق وفقه=واقف لها بالعزم والحال والمال
وياكم عقب للمعاد ين حرقه=انا اشهدانه للموازين عدال
كلن على ماقيل يعطيه حقه=ماهو غريب اليوم تظربه امثال
يكفيه في عهده مع الكل صدقه=ويكفيه ماقدم لدينه من اعمال
له فرقتن في اقلوبنا حر فرقه=جميع شعبه فاقده حتى اﻵطفال
المملكه تبقى لها شمس شرقه=بعد استلم سلمان للحمل شيال
حافظ كتاب الله بالدين يفقه=وعضوده اخوانه بلاشك وجدال
حنا مع ال سعود وقفه ورفقه=من بعد ربي عهدنا بيد الأ بطال

سلام ينصى كل منهو نصيناه=ومنهو حضر من قرب ولا بعيدي
اليا دعانا راعي الطيب جيناه=طبعن لنا ياحرب ماهو جديدي
من فضل ربي وصلنا ماقطعناه=متولمين وسايقين الحديدي
ايمون ابو طارق على شي يبغاه=اللي بطيبه والمواقف ايزيدي
مهما عملنا من عمل ماجزيناه=انا اشهد انه فالمواقف جويدي
وخالد نباركله على العز مبناه=عساه دايم في حياته سعيدي
ادوم ياحرن على العز مرباه=كاسب فوايد ربعه ويستفيدي
ماهي غريبه يكسب الحر مبداه=لا الطيب طيب وللمعاند عنيدي
أقولها وبصوت عالي رفعناه =ياهل الثلاث الطايله والمزيدي
انتم صحابة خير منهو تبعناه=صحبة رسول الله شين اكيدي
انتم رجال الصدق علمن قريناه=علمن مثبت ماعليه المزيدي
فكاكةالمسجون من حر بلواه=ياكم فكيتو من النا س قيدي
ياعزوة ابن غنيم كسابة الجاه=يالصحبه اللي بعرفها تستفيدي
وكل القبايل حقها ما نقصناه=كلن على الطالات هد الهديدي
في ضل دولتنا هذا الخير عشناه=ال السعود وحبهم فالوريدي
اليوم صقرن بعد صقرن فقدناه=نحمدك ياربي على ماتريدي
مرحوم عبد الله عسى الخلد مثواه=ويسلم لنا سلمان بعد الفقيدي
صلو على اللي سنته خير منجاه=في يوم حشر ايشيب فيه الوليدي

احذر من الدنيا ترا الوقت غدار=واعرف ترا ماينفعك غير دينك
العمر كنك متجهلك في مشوار=واعداد اميالك تراها سنينك
واﻷخره غايتك عن كل الا قطار=والدار قبرك وﻷ هل دا فنينك
لاتنفعك صدقه ولا ينفعك جار=غير العمل ينجيك ولا يدينك
وياك في طول الامل مد أﻷنظار=وياك شيطانك عدوك قرينك
اختر من الرفقه عزيزين اﻵشوار=الدين اللي فالمواقف عوينك
صايم مصلي للمهمات هوادار=ماكنه الا لانصيته يمينك
ينصحك بالجنه وينهى عن النار=ويبعدك عن حاجه تظر وتهينك
يذكرك بالهجره يذكرك اﻷ نصار=خوة مع اهل الدين خوه تزينك
حنا بشر وارواحنا فيد جبار=واللي لكم مكتوبلك في جبينك
اياك ثم اياك لادو ر اعذار=بالعقل جيمك حظره عند سينك

جاته كما الدله وصبة في فنجال=وأعمى البصيره يوم جاته كفاها
واليوم خلوها هل المجد زلزال=ولعاد يدري وين يلقى ذراها
ﻻولله الا سكروها بالاقفال=معاد يعرف وجهها من قفاها
المرجله مايصونها كل رجال=ياكم من يكحل عيونه عماها
من ﻻ يشاور فالمواقيف عقال=ضاعت عليه ودمعته من وراها
بعض الرجال اتعامله مثل الاطفال=لو كان شايب ماترك مستواها
وبعض العرب لو كان في سن جهال=عاقل يميز بيعها من شراها
العقل نعمه ماتقدر بالا موال=حتى العيون العمي يجلا بلاها
كل العلوم اليوم حطت في غربال=وﻻعاد يبقى غير راعي صفاها
اللي مسيس بالملاعين الا نذال=طهران يعمدها ويلقى وفا ها