محمد معيوف=
ياطروق القوافي يابحور القصيد=حضري لي هنا والليل ليل ٍ جديد
خاطبي شاعر ٍ مبدع وباسه شديد=يامسا الخير يالحفله وحضارهـا
الليلة الليلة سعوديـة=بالعاصمة حنا بديناها
يالشاعر اللي نيتك نية=اقرب ونكتبها ونقراها
علي الحصني =
غن وانا بغني معـك والعلـم زيـن=وان سمعت الكلام الزين لاتقول شين
صحبتك طيبة والشرط معك اربعيـن=يامسـا الخيريالحفلـة وحضـارهـا
ان كان جاب العلم جديـة=كل السوالف تاصل اقصاها
كل العلوم فنـون شعبيـه=واللي معه بيتيـن غناهـا
محمد معيوف=
كل ماشفتلي حصني ويبراه ذيـب=قلت يالله تيسر له وفالـه يطيـب
ان طلع له جبل والا يحدر الشعيب=يامسا الخير يالحفلـه وحضارهـا
ادنا حدود الشام سورية=والحصني الليلة تعداهـا
ان قلت عادي قلت عادية=واليا انعقد حبلك رميناها
علي الحصني =
انت لاانته بلا حصني ولاانته باسد=انته اللي ليا عـدا الطويلـه قعـد
( يامحمد ) ليا جيناك دمـك بـرد=يامسا الخير يالحفلـه وحضارهـا
هذي هوايه للهواويـه=يامطيب الشام وقراياها
أهل الحليفة نارهم حيه=لكن أظن الوقت طفاها
محمد معيوف=
والله اني لحدك ياقليـل الوفـوق=لين دمك يفور ولين عقلك يفوق
اصبرو للحصيني لين طبعه يروق=يامسا الخير يالحفله وحضارهـا
القـوم خيالـه ورجليـه=وعيونك الليلـه تحلاهـا
ياطيبكم يااهـل الحناكيـه=عقب الطريق اللي توطاها
علي الحصني =
انت هرجتك ماتنمـل مثـل العسـل=مير ما انته بداري ويش صار وحصل
صرت مثل القراد اللي بصدر الجمـل=يامسـا الخيـر يالحفلـه وحضارهـا
يامحمد الاحكام شرعيـه=ملزوم كل الناس ترضاها
جيراننا اهل الديره الحيه=اليا عطانا الله عطيناهـا
محمد معيوف=
الجمل طاح والسكين فوق السنام=دون خط القصيم وقبله ام الحمام
وكل ماادق زوره قال لي ياسلام=يامسا الخير يالحفله وحضارهـا
احكامكم ياحرب عرفيـه=واللي يبيها الصبح يلقاها
جيرانكم دايـم حونشيـه=واليا اشحذوكم بردو ماها
علي الحصني=
الجمل كان طاح اكيد قبلـه تطيـح=وانت لاطحت مانته طايح ٍ مستريح
يامصوب صواب ٍ شين والا ذبيح=يامسا الخير يالحفلـه وحضارهـا
أنا معـي قـدره ألآهيـه=وآمر على الشعار وانهاها
ماني بخابرهـم حراميـه=بدوان تسرح عند معزاها
محمد معيوف=
انت شايب وعمرك راح هدر وبلاش=لاتفك الوسيق ولاانت ويا الهـواش
راس ضبي ٍ على ماقيل مابه عراش=يامسا الخيـر يالحفلـه وحضارهـا
قدرتك يالثعلب سياسيه=عبر الروايات اكتشفناها
جيرانكم والدار حربيـه=بدياركم ياحرب مرباهـا