ماعاد في نظم القصيد المسره / الا وجع راس وسهر لاخر الليل
 

صبحكم الله بالخير



ماعاد في نظم القصيد المسره
الا وجع راس وسهر لاخر الليل
ومعانق طيوف الغرام المضره
والضيقه اللي تقطع العزم والحيل
لاجــيت ابخفيـــها عليه تشره
واليا كتبت الحرف جتني مقابيل
ماكنه الا الحزن عندي مقره
والا صدور الناس ماكنها تشيل
يالله عفوك لامتلى الجوف حره
ماغيرك اللي نلتجي به عن الميل
تغفر لعبــد زود الهم شره
ماحـصل بدنياه غير الغرابيل
يسعى على طيبه وطيبه يفره
لوجيه ناس ماتعرف المكاييل
ماجازو المعروف مثقال ذره
كلن على رايه عقدله محابيل
الطيب فيهم ضايع الفين مره
لو طاح نوه ماذكروه المخاييل
ماعاد نبغي من طرفهم مسره
لو كان ذكره ينشرب بالفناجيل
فرقاهم ابرك والسوافي تمره
والوقت باذن الله يعود تساهيل



عبدالعزيز مناور الرويثي الحربي

صح بدنك طال عمرك وماعليك زود

وووجهك ابيض