ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   هموم القلب (http://www.m-harb.net/vb/showthread.php?t=156001)

بدر الحداري 21-02-19 05:55 PM

هموم القلب
 
صارت هموم القلب مثل المسافات
تبعد عن اللي بالمعاني يشوفي

ياللي تريد البيت من خير الأبيات
دور و تلقى من لقاها لهوفي

يا من يبديها بـ راس الطويلات
ابعد من اللي بالمثايل يحوفي

حاولت فيها بالنظم و المثيلات
ماني بلاقي ياعرب من يروفي

ما قلت اعديها حروفاً وكلمات
الا كلامً يبدعه بالحروفي

تجرد المعنى على كل ما فات
تجاربً مرت عليها الصروفي

المعرفة عنوان و العلم منجات
منهو بغى بالمعرفه والعروفي

يبين في راسي من العز شيبات
شيبً يعز الرجل ما به حسوفي

ماقد جهلت الدرب والا المتهات
و الطيبه من قسمنا ما تطوفي

عليك بالمعنى و كسب الجزيلات
لا وردت بالطيب كلن يشوفي

أخذ النصيحة يا زبون المهمات
نصيحةً عن دربه لا تحوفي

ارضى الاله اللي يحل الصعيبات
يحلها في ضايقات الظروفي

والوالدين ابرهم شي بالذات
عن برهم ياصاحبي لا تنوفي

قلت الطواري و الطواري كثيرات
بدر الحداري ما يجئ فيه خوفي


الشاعر // بــدر مـنـور مـطـلـق الـحـداري //




الحب الباقي 22-02-19 07:07 PM

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

فهد ابن غانم 23-02-19 04:52 AM


صح الله لسانك
ولاهنت
وسلم فكرك وبنانك
دمت برعاية الله وحفظة




الساعة الآن 03:00 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi