الله من قلبٍ اهجوسه اطرقته=طرق الذواري للمذاري على رمال
لوجبت تيزار السنيدي ورقته=هبوبه الصلفه بها عج وخيال
على هنوفٍ بالضماير ازرقته=سهمٍ خطير وله على القلب مدخال
بين الضلوع العوج غفله امرقته=من ناش شريانه غدت حالته حال
من جادلٍ لاشفت زوله فرقته=ماهو قصير ولاطويلٍ بالازوال
بالحلم واجهته وكاد ودرقته=واخذت لي حبِّه على حبّة الخال
بين الخجل والخوف بشّة اعرقته=سبحان من يعطي على كل الاشكال
يوم الشعر فوق المناكب افرقته=كن الشعر من فوق الامتان شلال
مافيه بابٍ للغظي ماطرقته=شوفه يبل الكبد ويريّح البال
حرقني المجمول مدري حرقته=والكل منّا ذاق لوعه وغربال
لوينسرق مضنون عيني سرقته=والله غفور وعالمٍ كل الاحوال
والله لو املك باللشريعه ورقته=لاصوم في دور السنه كل شوّال

المشاركة الأصلية كتبت بواسطة صالح المزيني (المشاركة 1420324) صح لسانك الشاعر مساعد الجليدي قصيدة جزله من شاعر جزل

المشاركة الأصلية كتبت بواسطة سند العريمه (المشاركة 1420325) صح السانك يا ابوماجد لاهنت والله يعينك على معانات الحب . والله يعينك على صيام شوال فيما لوتحقق لك المطلوب .هههههه. وتقبل تحياتي .

المشاركة الأصلية كتبت بواسطة جريح الفرقا (المشاركة 1420380) مساعد الجليدي صح السانك مبدع ومتميز الله يعطيك العافيه