ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلــتــقــى الــقــوافــي (http://www.m-harb.net/vb/forumdisplay.php?f=8)
-   -   اسمع وشوف وكن ماسمع وماشوف (http://www.m-harb.net/vb/showthread.php?t=157901)

سعد المحمدي 11-05-22 08:57 PM

اسمع وشوف وكن ماسمع وماشوف
 
اسمع وشوف وكن ماسمع وماشوف
اخلي الهزله تمر وتعدا

بالناس ماني تالي العمر مكلوف
من طاب طاب ومن تردا تردا

غير الكلام المتزن مالي اشفوف
وماني من اللي مهنته جاب ودا

يانجد عاصف بك من العام عاصوف
نزالك المغرب مع الصبح شدا

لقيت بك عاقل وحاسد وملقوف
ومكار وده مابنيته يهدا

مايقضي الازم ومايقري ضيوف
قلبه من الغيره تواكل وصدا

على الردى ومغالط الناس ملهوف
على حقوق الغير نوب ايتعدا

تجمهرت خلفه مساكين وضعوف
اللي يجيب الخام واللي يقدا

وانا رجل راعي جماله معروف
في يوم غابت بالقريب المبدا

اوضح لقصاص الاثر من جبل عوف
يشوفه اللي بالنظر ماتقدا

الحب الباقي 11-05-22 09:12 PM


صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

سعد المحمدي 12-05-22 06:28 AM

اقتباس:

المشاركة الأصلية كتبت بواسطة الحب الباقي (المشاركة 1481986)

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك ومشكور على المرور

محمدالعيسى 13-05-22 04:46 PM

صح السانك قصيده جميله فيهاماني لهاقيمه
على القوه يعطيك العافيه هذاودمت بخير

شموخ السلاطين 24-05-22 10:51 PM

صح لسانك

الله يعطيك العافية

حسيـن 02-06-22 10:46 PM

صح السانك ابو تركي

فهد ابن غانم 21-06-22 04:18 PM


صح الله لسانك
ولاهنت
وسلم فكرك وبنانك
دمت برعاية الله وحفظة




الساعة الآن 09:37 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi