حداية الشاعر حمدان الحمراني في حفل زواج هاني بن صالح بن ناقي

الاوله سلام من روس الحروب اللي يمدون الوفا وزعه للأقصى والموالي
ما نقصر الخطوة عن الارحام و الاصحاب ونكمل مواجيب الرجالي
لأجل الوفاء بين العرب قانون ساير معتبر ما فيه شك ولا جدالي
منهاجنا من سابق الاسلاف والتاريخ يشهد ما نغير في سلوم الاولين

والثانية يأهل الفرح مبروك ويدوم الفرح في ديارنا ودياركم طول الليالي
مبروك للداعي وراع النوب وربوعه عدد ماهل همال الخيالي
الله يديم الامن والايمان فالأوطان نرفع لك يدينا بالدعاء يا ذا الجلالي
واحما ديار المسلمين اللي لوجهك ساجدين ورد عنا كيد الأعداء الظالمين

رد الشاعر أحمد بن علي بن ناقي المجنوني الحربي

يا مرحبا من عندنا ترحيب وافي عد ماهل الهلالي
عند الرجال اللي مواقفها تكمل للبعيد وللموالي
ترى الوفاء معروف ما بين العرب ممدود ما فيه احتيالي
ربعي بني مجنون والتاريخ يشهد من قديمات السنين

والثانية ربي يبارك فيك يراعي البيوت اللي جزالي
ي اللي تجيب الوافية لرحامكم من طبعكم ولكل غالي
الله يديم الامن والإسلام للعربان يا دسم السبالي
والمسلم اللي يذكر الله في حياته كل ساع وكل حين


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

حداية اهل رابغ

سلام يا قوم الفرح يمشي على النهج السليم
من قوم رابغ جاتكم تنصى الكريم ابن الكريم
الشيخ أبو عبدالله الوافي عسى عزة يديم
الله يتمم للعريس وبالرفاه والبنين
والثانية جينا نشارك فالفرح يصحابنا
والطيب والتقدير والله في فرحكم جابنا
نمشي على وضح النقى ودروب الوفا هندابنا
ما يختلف يبقى على طول الليالي والسنين


الرد من الشاعر احمد بن علي بن ناقي المجنوني الحربي


يا مرحبا باللي لفانا عد ذعذاع النسيم
الله يحيي من حضر والبيت مقداره عظيم
يا اصحابنا اللي ما خلق فيهم ردي ولا غشيم
حنا نقول امين يارب تجيب السائلين
والثانية مفتوح لجموع القبايل بابنا
انتم هل التكميل والمردود دين رقابنا
فقبالكم حنا ترى حاسبين حسابنا
هذي عوايدنا وللميقاف دايم حاضرين