ليت العباه اللي طرفها من فصوص = عاشت حياة اللي لها البرد قارص
اللي حطبها حول الاطناب مرصوص=ريح السمر مع ريحة الدمن خابص
فيها الجمال اللي عن الناس مخصوص = ماتعرف المكياج ولا وجه نامص
من جا شرفها باجرد السيف مقصوص = شوق السيوف اللي بها الدم بالص
واليوم قلبي ياعرب حيل مقروص = كيف الذهب عن لمعته صار خالص
تزهى لباس الاغنياء دون منقوص = مير الشرف يادمعتي حيل ناقص
وسط الملا ترقص على نغمة البوص =شالو رجال الدين وقامت تراقص
وش عاد لو نرمي عليهم من نصوص = ونكمل السهره بوسط المراقص
من جايب اهله ليته اليوم محروص = وماظنتي من جابهم كان حارص
من شافهم يونس بكبده كما الخوص = الرمز الاخضر منهم اليوم بارص
يابنت حنا صقور واهلك كما الصوص = واللي رضالك بالخطيه يصاوص
يالله ياعالم بما كان منصوص = تعدل الاحوال والوقت خابص